Popular Bible Verses from JOHAN 17

Share

Ahimi he awltak oen namah hamla pum peek sak lah; awltak tah na awl te ni.

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Ahimi ham bueng ah ka thangthui nawh, ahimi kah awl thui rang oen ah kai he aka tangna thlaang thli ham khaw ka thangthui. Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Dilai dawng kalawng ahimi he na lawh hamla kavan bih nawh, tede Thlaangthe Puei teng kalawng ading asuekla thlipdah ham ni kavan bih.

Nang oen kai he pumkhat la n'awm van angla ahimi khaw pumkhat la a awmna u ham nang lawng nan peek ruep-awmna te ang van te ahimi ka peek. Ahimi khuiah kai ka awm tih kai khuiah nang na awm, ahimi lawng pum khat la a awmna rang oen nang lawng kai nan tuih tih nan lungna van angla ahimi khaw na lungna tite dilai lawng a ming ai.