Popular Bible Verses from JUAN 11

Share

Hinan Jesusqa payta nirqan: —Ñoqan kawsachiqpas kawsarichimpuqpas kani. Ñoqapi iñiqqa, wañusqaña kashaspapas kawsanqan. Pipas kawsashaspa ñoqapi iñiqqa, manan hayk'aqpas wañunqachu. ¿Iñinkichu chayta? nispa.

Jesustaq payta nirqan: —Manachu nirqayki: Iñinki chayqa Diospa atiynintan rikunki, nispay? nispa.

Jesustaq waqarqan.

Jesustaq chayta uyarispa nirqan: —Chay onqoyqa manan wañuchinallanpaqchu, aswanpas Diosta hatunchanapaqmi, chay onqoywanqa Diospa Churinmi hatunchasqa kanqa, nispa.

Chaykunata nispanmi kunkayoqta waqyarqan: —¡Lázaro, lloqsimuy! nispa. Chaymi wañuq Lazaroqa lloqsimurqan, telawan chakin makin k'uyusqa, uyanpas pañowan p'istusqa. Hinan Jesusqa paykunata nirqan: —Paskaychis, paylla purichun, nispa.

Jesustaq huktawan sonqonta “ch'allaq” nichikuspa aya p'ampana t'oqoman rirqan. Chayqa rumiwan wisq'aykusqa qaqa t'oqon karqan.

Chayta nispataq paykunata nirqan: —Amigonchis Lazaron puñushan, haku, payta rikch'arichimuqmi risaq, nispa.