Popular Bible Verses from Luka 9

Share

Ntheura wakati kwa iwo wose, “Usange munthu wakukhumba kundirondezga, wakwenera kujipata na kunyamura mphinjika yakhe zuŵa na zuŵa na kundirondezga.

Pakuti yose uyo wakukhumba kuponoska umoyo wakhe wati wawutayenge, ndipo yose uyo wati wawutayenge chifukwa cha ine, wati wawuponoskenge.

Yesu wakati, “Munthu uyo wakora jembe kuti wagawule ndipo wakulaŵiska kumanyuma walije kwenera kuŵa mu Ufumu wa Chiuta.”

Kasi kungamovwirachi munthu, kwandula charu chose cha pasi, kweni wataye umoyo wakhe?

Pakuti yose uyo wati waŵenge na soni na ine na mazgu ghane, Mwana wa Munthu nayo wamkuŵa nayo na soni para wamkwiza mu uchindami wakhe na mu uchindami wa Ŵawiske na wa ŵangelo ŵatuŵa.

Yesu wakati, “Ŵakambwe ŵali na michembo yawo, ndipo viyuni vya mudera vili na vivimbo, kweni Mwana wa Munthu walije malo apo wangagoneka mutu wakhe.”

Ndipo wakaŵaphalira wakati, “Yose uyo wakupokerera mwana muchoko uyu mu zina lane, wakupokerera ine. Ndipo yose uyo wakupokerera ine, wakupokerera uyo wakandituma. Chifukwa uyo ndi muchoko chomene mukati mwinu, ndiyo wati waŵenge mukuru.”