Popular Bible Verses from Matayo 18

Share

Kuitĩ naabĩlĩ katia naatatu pĩna ĩlundĩlĩĩle kuliina liane, nineene nkolĩ paapo pakatĩ yaao.”

Kangĩ namuĩĩla kĩna abĩlĩ aani naikikamantana munansĩĩ mulukaani luensi naĩkakululompa, ikitendelua nuTata waane nwa kwigyulu.

Numuĩta umung'inia numuĩmĩkia pakatĩ yaao, nuũga, “Tai namuĩĩla, kanga musiitipĩluka mutũle zĩ ang'inia, sika mukiingĩla kainiino muutemi wa kwigyulu.

Iio gua, wensi nukĩniinupagiaa zĩ umung'inia uyu, wayuyu mukulu muutemi wa kwigyulu.”

“Wensi nwakumuanũnkula umung'inia umuĩ kĩna uyu kuliina liane unanũnkuĩle uneene.

“Tai namuĩĩla, luensi namukakulugilia munansĩĩ, lwakondile kwigiligua kwigyulu; luensi namukakulugomba muna nsĩĩ, lwakondile kwigombigua kwigyulu.

Iio-iioo nuTata waane nwa kwigyulu ukakumutendela inie, malĩĩ ĩsika mulekĩĩle kunkolo zaani muntu wensi umunũna waakue.”

Ĩpa wensi nwakumutimulia umuĩ wa ĩa naaniino naasuĩlĩĩle mumuane, taazu watũngĩĩligue lĩluala lya kushiela munkingo yaakue, wakapĩligue munsĩ ya nanza.

Ikitũla mbii, umuntu kanga ĩutĩĩte nkolo gyana, ĩmuĩ ĩlimĩĩle; sika ukakuzilekane nazĩ makumikyenda nikyenda munkonko, wende kukumĩdũũma nĩlimĩlĩĩle?