Popular Bible Verses from Luka 14

Share

“Kanga wensi waaze kumuane ninduyo wasiite kumusuukĩlua ũshee nunina, sunga numusungu waakue nĩaana aakue nĩanũna nĩagũlĩ aakue, eeze, sunga ĩnkolo yaakue umuene, sikusũũmile kwitũla mumanigua waane.

Ninduyo nasikukuukenkaa umusalaba waakue nukwintiata, sikusũũmile kwitũla mumanigua waane.”

Kuitĩ wensi nukĩkulagiaa ukiniinupagigua, ninduyo nukĩniinupagia ukikuligua.”

Itĩ yoi, wensi mumiani nasikukulekaa tũlũ nutĩĩte sikusũũmile kwitũla mumanigua waane.

Kuitĩ waani mumiani nusiiile kwijenga ĩnumba nandĩĩpũ nasika wikyalansile tangua nukwialia kanga utĩĩte za kumĩkondelia? Ilekitũla pĩna wakondia kwiĩĩka umukũlĩla walemue kwikondia, tũlũ naikiona ĩzaasio, ikiandia kukumupopota ĩiũga, uMuntu uyu alĩ wandilie kwijenga, nulemua kukumĩkondia.

Ĩpa pĩna wilũga india, uane ĩatũka nĩalema nĩanakĩtele nĩapokũ, ninduue ukitũla muliukũ kunsooko ĩaasio agila kya kukushookelia; kuitĩ ukishookeligua muwiiuki wa akola kulukuuluu.”

“uMulenge ingĩ muuza; ĩpa umulenge kanga usuuke, uĩĩkĩlue yaani ukolele. Sika wijĩpĩĩle kumugunda sunga pawiito; ĩantu akuutaagaa kunzi. Nutĩĩte ĩakutuĩ a kuigĩlia, nũigie.”