Popular Bible Verses from Luka 1

Share

kunsooko kutilĩ kalukaani nasika lũshũũmĩka kwa kĩNzua.”

uMalia nuũga, “Laaa, ĩne nĩmuasi wa kĩShekulu; naitũle kumuane mũlika lya lukani luako.” uMalaĩka nulega nulongola.

uMalaĩka numushookeelia, nuũga “uMuau Muelu ukiiiza mumuako, ningũlũ za Nwa kukiania zĩkakukukũnĩkĩla umulũle; luulo gua umuana nukilelua ukiĩĩtua muelu, Muana wa kĩNzua.

Umuliukũ naalusuĩlĩĩle, kunsooko zaasio zikikamĩnkĩĩligua naalĩ umuĩĩlue nũShekulu.”

laaa, ukitũla nĩndaa ukilela muana, ukakumuĩta ĩliina liakue Yesu. Uyo ukitũla mukulu, ukiĩĩtua Muana wa Nwa kukiania; ũShekulu Nzua ukakumupeela ityengu lya kĩtemi lya kĩDaudi ũshee. Ukakumĩtema ĩnumba ya kĩYakobo sunga ĩkalĩ nakalĩ, nuutemi waakue ukaa ugila kampelo.”

uMalaĩka numuĩĩla, “Ulekioopoka Malia, kuitĩ waligagiaa uukende kwa kĩNzua