Popular Bible Verses from Mateo 26

Share

Qami' qanloitauec qome, qataq qanqouagaxauñiitac, yaqto' sa ishit da qami' inoxonoiguilo ca qauem qadhuennataqai. Cha'ayi ca shiÿaxaua ÿataqta nasapatta da lquiyaqteÿaxac, qalaxayi da l'oquiaxac mayi qaica ca lasapachaxa.

Nachi 'enapegalo' soomayi, 'eeta': –Añi iquiyaqte ÿataqta daquico. Huotaique da yalauat da ÿaquicoxo. Qaq qoviita'a qome ne'ena, qataq sa ishit qome da qau'ochii.

Nachi so Jesús taÿa ca qaÿata'a, nachi ÿataqta nqapaxanguet na 'alhua. Nachi nqouagaxaunot ñi Dios, 'eeta': –'Am ita'a, da 'aushit, qaq no'on da sa ishit qome da aÿim 'aupagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot cam maichi shiitapeguec, chaqcato' ca maichi qonetapeguec.

Cha'ayi na huetagui anamayi nachinaua na itago'q mayi ÿoqta 'itchiguiñi naq'en dam dalaxaic aÿamaxataxac. Nam itago'q taÿa'alo da qaicoldeec, da yaqto' ÿataqta qalota qome na qaÿapalaxat na lasouaxashitpi.

Qaq co'ollaq ña deque'eta'pe, nachi so Jesús ÿacona aso pan. Qaq co'ollaq ime da icolaxachigui, nachi ÿanot da n'achiquiaxac ñi Dios. Ime, nachi ÿanoiguilo soua lapaxaguenataqa, nachi 'eeta': –Qolliqui ana'ana, anamayi nachida da i'oquiaxac.

Qaq co'ollaq ime, nachi ÿacona aso ÿomaxaqui, nachi qaltaq ÿanot da n'achiquiaxac ñi Dios. Ime, nachi ÿanoiguilo soomayi, nachi 'eeta': –Qanÿomiigui qome ana'ana ÿomaxaqui 'enauac da qoñiita.

Ime, nachi qaltaq nqo'onalo soua lapaxaguenataqa, nachi ilalguete soomayi da do'ochite'. Nachi 'enapega so Pedro, 'eeta': –¿Sa ishito' peta'a qami' da cada'ac da qanloitauec da qoñiita'am aÿim?

Qalaxayi aÿim qami' shinapegalo da nagui nachi sa lÿa da shi'iguelaxalec da ñiÿomgui ne'ena lli'i ana uvas, to' qom mashi ivita ca na'a'q da qaltaq qami' ñiÿoma'ato, qom sootaigui ca l'onataxanaxac ñi ita'a da ilo'ogue 'enauacna.

Nachi so Pedro tachigui yi lauel da l'aqtac so Jesús co'ollaq 'eeta': “Qom yaqta'a da noÿin ca 'olgaxa, qaq 'am mashi sogote qome da tres 'avi'iguelaxalec da qonetega da aÿim sa 'auauatton.” Nachi so Pedro pa'auec, nachi ÿataqta noÿiitac.

Qoñiishiguem qome, qolaq, mashi nvi' nam aÿim ÿaneuo.

Nachi so Jesús 'enapega somayi, 'eeta': –'Ai'oxot qome na 'ainec. Cha'ayi 'enauac qome nam huota'a na lainec da deloqui, nachi namayipi qaÿauota'a ÿiilonec da qaÿalauat.