Popular Bible Verses from Matei 2

Share

Von dine andre ande o kher, dikhle le tsinoře šiavořes la Mariasa, leski dei, dine čanga kai řudjisaile leste; von puterde atunči penge moxte, ai von dine les sunakai ai duxi — tumuia ai miro.

O Jesus arakhadilo ande o Betlehem ande e Judea, ande e vramia kai sas o amperato o Herodo, eta drabarne anda e čači rig dural avile ande o Jerusalem, ai phenen: Kai lo o amperato le Židovongo kai arakhadilo? Ke ame dikhliam leski čeřai pa e čači rig katar ame avas, ai ame aviliam te das les pativ.

Kana von dikhle e čeřai, len lias le jekh pria bari veselia.

Porme, katar o Del sas lenge phendo ande o suno te na žian palpale ka o Herodo ai von gele ande pengo them pa jekh kaver vurma. Kana von geletar, eta, jekh andželo katar o Baro sikadilo ande o suno ka o Josef, ai phenel: Ušti, le le tsinoře šiavořes ai leska da, naš ande e Egipta, ai beš kothe žikin či dava tusa duma; ke o Herodo rodela le tsinoře šiavořes te mudarel les.