Popular Bible Verses from Mak 6

Share

Wi fiirimep ikaiwkin emeria mua unowa wia urufu naep ikip ekapep naem-ikemik. Naap onam-ikaiwkin wi maa enowa me pepek. Naapeya Yeesus-ke ona teeria wia maakek, “Arika, i epa oko mua marewa-pa neeke ikiwep lawisik uurarikua.”

Ne Yeesus-ke wia maakek, “Sira naap ikua, wi owow oko oko mua-ke profet ekima opimik. Ne ona owow onoma-ke ne ona kaka-ke, ona weepe, ona wiamun-ke weetak,” naap maek.

Yeesus ame fuunep aasa-pa orop ekak-na emeria mua unowa wi kiikir ekapep ikemik nain wia urufap wia kemalek. Moram wi sipsip saarik, wia urufow mua mareweya momor maneka ikemik. Naapeya Mua Maneka opora wia maakem-ikua.

Owowa nan ikua nain maa miililina me onak. Wi napum mua papako muutiw wia saliwak. Wi owowa nain emina kekanep opora me wiar miimamik nain manek akena kema wia suuwak. Ne nan owowa papako ikiwep Mua Maneka opora wia maakem-miek.

Ne Yeesus-ke emer ikowa ikur ne mera erup nain aawep iinan mokakemi Mua Maneka sira eliwa naakep-puap emera wu-wuepap ona teeria wieya wienakemik. Ne mera erup nain pun naap onap sererkap wieya wienakemik. Wi maa enep pepek eramik, ne emer ikowa ne mera enakiwa kiromakeya fiirimep inera-pa iparemik. Nain inera ten kuisow erup taanek.