Popular Bible Verses from Matiu 7

Share

Aria ni Mua Maneka farep maa nokariwkin nia apekarinon. Maa akupap eliw imenowen ne omopora anumiwkin nia paaskominon.

Moram wi mua maa-ko nokarimik nain eliw wiinon. Ne maa-ko akupimik nain imenikuan, ne omopora anumimik nain eliw wia paaskominon.

“Ni mua opor unowa fain efar miimap ookiman nain ni mua kema-ke. Nain feenap, mua koora kuowa naep miiwa kuap peperowa imenap poka soopap-puap koora kuak, nain saarik.

Aria ni mua oko sira eliwa yia onuk naep-na nis pun naapiw wia oneka. Moram Moses sira wuomakek nain ne wi profet opora maem-ikemik nain, sira nain mikap maem-ikemik.”

Ne anane eliw ikowa nain omopora siin muuta. Neeke ikiwowa era lawisik yoowiya mua kui-kuisow imenimik.”

“Aria ni omopora siina-pa ikiweka. Moram, omopora maneka nain epa samora ikiwowa era-ke, ne era nain maneka. Mua unow akena era nain ookimik.

Ni mua samora-ke, nain ni muuka maa eliwa wiowa nain amisareman. Naemi niena Niawi owow iinan-pa ikua nain-ke ni maa nokariman nain maa eliwa kerewa me niiya-i?

Ni mua oko me wia tuuneka, oko nis pun Mua Maneka-ke sira nain nia kiripominon. Ni sira kamenap wia oniman nain kiripami nis pun naap nia kiripominon. Ne mua oko maa wiiman naap ikoka Mua Maneka-ke pepekiw ni nia kiripominon.

Ne ni mua yo opora efar miimap me ookiman nain ni mua momora, kema marewa. Nain feenap, mua koora miiw iinan-pa kuak nain saarik.

No nena niamun mokoka maa sakua gelemuta wiar ikua nain urufap iirarominen nain, ne moram nena mokoka maa kakawa nefar ikua nain me name urufin? Ne no maa kakawa mokoka-pa nefar ikua nain me kema suuwowa kamenap niamun maakinan, ‘Aamun sa, no maa sakua fain iirarominen.’

“Aria wi mua wadolalemi i profet-ke wiam maimik nain wia urufami ikeka. Moram wia urufowa-ke wi sipsip saarik, memel muuta ikaimik, nain wiena kema-ke onaiya, siow asia kema saarik. Wiena sira-pa wia urufap eliw wia amisarowen. Sira naap, wirimowa-ke makenaremi wain makena eliwa wuinon-i, e suaruwa-ke makenaremi fik makena wuinon-i? Weetak.

Sira naapiw, nomokow eliwa-ke makenaremi makena baliwep wuiya, nomokow samora-ke makenaremi makena eliwa me wuiya, weetak.

Nomokow eliwa-ke makenaremi makena samora me wuinon, ne nomokow samora-ke makenaremi makena eliwa me wuinon.

Aria nomokow samora nain warep pu-puukap mukuna-pa wafurikuan.