Popular Bible Verses from John 10

Share

Teglegyulria tekitelartuq teglegnaluni, tuqucinaluni, piunririnaluni-llu. Wiinga tekitellruunga unguvangqerresqelluki qaqimalriamek.

Qusngiliurten͞guunga assirlua; qusngiliurtem assilriim unguvani pegtelaraa qusngit pitekluki.

Qusngima erinaka niitelaraat, wiinga-llu nallunritanka, maligtelaraatnga-llu.

Wiinga-llu unguvamek nangyuilngurmek cikiranka, piunrirngaitut-llu, unatemnek-llu kia imum tegungaitai.

Wiinga amiiguunga, wangkun itellria anirtuumaarkauguq, itrarkauluni an'arkauluni-llu neqkarluni-llu.

Wiinga qusngiliurten͞guunga assirlua, pinka nallunritanka, pima-llu nallunritaatnga.

Aataka, wangnun taicestiit, angenruuq tamalkuitni; kia-llu imum tegusciigatai Aatam unatainek. Aata wii-llu atauciugukuk.”

Atama wangnek nallunriluciatun, wiinga-llu Atamnek nallunrilucimtun, unguvaka-llu pegtaqa qusngit pitekluki.

Kia imum wangnek tegungaitaa, tau͡gaam umyuaqa aturluku pegtarkaugaqa. Wani-wa wangnek pegcugngiimku, wangnek-llu cali tegunqigcugngaluku. Piyunarqutkamnek Atamnek piunga.”

Taumek Jesus-aam qalarutenqigtai, qanrulluki, “Ilumun, ilumun, qanrutamci, wiinga amiiguunga qusnginun.

Ellimertuumalria qusngiliurten͞gunrilnguq, pikevkenaki-llu qusngit, keglunermek agiirtellriamek tangerquni qusngit uniciiqai qimagluni-llu, keglunrem-llu keggmarciqai sekavvluki-llu.

“Ilumun, ilumun, qanrutamci, qusngit eniita amiigakun itenrilnguq tau͡gaam casgukun mayurluni, teglengalriaruuq uayaariyuliuluni-llu.