Popular Bible Verses from Genesis 28

Share

Neq'akekiu camun pivkarngaitamken ayallren tamalkuan, uterceciiqamken-llu wavet nunamun. Unisngaitamken akqutkellrenka tamalkuita pimarivailemki.”

Tangrraa-llu ATANEQ nangengqaluni canimini. Qanrutaa-llu, “Wiinga ATANRUUNGA, Agayutii Abraham-aam Isaac-aam-llu. Cikirciqamken kinguveten-llu uumek nunamek inangqavigpenek.

Jacob-aaq tupiimi qanertuq, “ATANEQ wantelliniuq! Wani nunami uitalliniuq, wiinga-llu wanlucia nalluluku!”

Jacob-aaq akqut'liuq ATANERMUN, “Nayurarkaukuvnga camun pivkarpek'nii maa-i ayallemni cikiumalua neqkamnek aturarkamnek-llu, ataam-llu ut'reskuma atama eniinun cavkenii, wiinga Agayutkeciqamken. Una-llu umyuaqun teggalquq ellilqa piicalarviugarkauguq elpenun, cikiutvet-llu tamalkuita qulngurutait tunlarciqanka elpenun.”

Kinguveten amllertaciqut urraitun nunam. Nunautseng ilangeciqaat negetmun, ungalatmun, calaratmun, kanavatmun-llu. Elpegun kinguverpegun-llu atawaqerceciiqanka tamalkuita nunarpiit.

Tauna nuna aciraa Bethel-aamek. (Nunat taukut aterpagcimatullruut Luz-amek.)