Popular Bible Verses from Genesis 17

Share

Abram-aaq yuinarnek tallimaunrita'arnek (99) allrakungeqerluku ATANREM alairvikaa qanrulluku-llu, “Wiinga Agayutnguunga Artuqailnguq, niisngakia canganarqutaunak-llu yuukina.

Atren-llu Abram-aarungairutuq, tau͡gaam Abraham-aarurrluni, tua-i-wa atanruvignun amllernun ciuliaqsagucecamken.

“Akqutka piuvkarciqaqa elpenun kinguverpenun-llu tekitarkanun, nangyuilnguuluku. Agayutkevkarlua elpenun kinguverpenun-llu.

“Akqun una piurciiqaqa elpet aipaqluten: akqamken ciuliaqerkaurtelluten amllernun atanruvignun.

Tau͡gaam Agayutem qanrutaa, “Qang'a, Sarah irniciquq qetunrarkarpenek, acirarkaugan-llu Isaac-aamek. Akqutkelqa elliikun piciurceciiqaqa nangyuilnguuluku elliinun kinguvrinun-llu.

Cikirciqamken elpet kinguveten-llu nunanek uitavikeqalallerpenek. Canaan-aaq tamalkuan cikiutekaqa elpecen̄un, nangyuilngurmek pikesqelluku, wiinga-llu Agayutkeciqerpecia.”

Abraham-aaq-llu put'uq nunamun, tau͡gaam temciyugtuq umyuamikun qanerluni, “Angun-qaa irniangyugngauq yuinarnek tallimanek (100) allrakungelria? Sarah-llu-qaa irniyugngaciquq allrakungluni yuinaat cetaman qulnek cipluku (90)?”

Agayun qanertuq Abraham-aamun, “Sarai-a-llu nulian Sarai-amek aterpagtenrirluku; wak'nirnek atra Sarah-uciquq.

Nuugiumaciquci amiq nuugani kepluku, nallunailkutnguvkarluku akqutmun taqumalriamun wangnun elpenun-llu.

Tau͡gaam akqutka piurceciiqaqa Isaac-aakun, Sarah-m irniarkaakun waten pitarikan allamiku.”

Pingayunlegnek ernengelria tan'gaurluq nuugiumaarkauguq; angutet-llu tamarmeng yuullgutkelriani, ayuqluku pista yuurtelleq nevcen̄i, wall'u kiputellerci allanernek. Tamarmeng nuugiumaarkaugut nallunairluku akqutma piugarkaucia akwarpak.