Popular Bible Verses from Acts 9

Share

Tau͡gaam Atanrem qanrutaa, “Ayii, tua-i ellii wani-wa cingilguarkaq cucukumalria wangnun, atqa qalarutkesqelluku Agayumanrilngurnun, atanernun-llu Israel-aam-llu kinguvrinun.

Ellii-llu iquuq nunamun, ellminun-llu qanelriamek niituq, “Saul, Saul, ciin nangpakarcia wii.” Tua-i-llu aptaa, “Kituusit, Ataneq?” Kiugaa-llu, “Jesus-aaruunga, nangeskengan, cingilegmun tukayunaituten.”

Tua-i Ananias-aaq ayagtuq, itrami-llu enemun unatminek pategvikaa qanerluni-llu, “Anelgutmaa usuuq Saul-aaq, Atanrem Jesus-aam, elpet taillerpeni alairvikestevvet tumevni, ayagcetaanga, tua-i wani-wa tangerrsaurcesqumaluten, Anernermek-llu Tanqilriamek pingesqelluten.” Tamaa-llu iigkenek igqaqut qelten͞galnguut tangerrsaurtuq-llu tamaa, nangercami-llu angllurcetevkartuq.