Popular Bible Verses from Ñwaè' Matïìyoè 10

Share

“Yɛ̂, m ce tuu wèe tɛ wèe du ba àmbò njèe à mʉ̀ bkuura. Banɛ wèe feese àmbò mnyo, ba nè rbornì-ŋwɛ̀ àmbò bbèŋ.

Ŋwɛ̀ ce e ka' ce ròo ba li ryòŋ, banɛ e be bɛ li. Ŋwɛ̀ ce e ka' bɛ li ryòŋ njo' mɛ̀ banɛ e be koni li.

Wèe fa wɛp bèe ce a ke yʉ ŋwɛ̀ wɛɛ, moo à ryʉ ryòŋ ŋwɛ̀ làr nà ka'. Wɛp nè ba ŋwɛ̀ ce àde' e yʉ ryòŋ ba nyor njep mor.

Ŋwɛ̀ ce e ka' tɛ lòr yi kìntaa vʉ̀ fa mɛ̌ mbùu ka', banɛ ŋgàŋ à ghɛɛte à rba yà ŋwɛ̀ ka'.

Ŋwɛ̀ ce e ka' suŋ à bsii bèe enɛ e yu yà ŋwɛ̀ banɛ mɛ mɛ̀ foŋ be suŋ à bsii yà Ta embe bùu enɛ e yu yà ŋwɛ̀. Ŋwɛ̀ ce e ka' mɛŋni mɛ̀ à bsii bèe banɛ mɛ mɛ̀ foŋ be mɛŋni ye à bsii yà Ta embe bùu foŋ.

Gèe nè tɛ ŋgǎa byaŋ a ke'se, gee tɛ bèe ce a kweŋger a kʉti btèe, gee tɛ ŋgǎa byaŋ msàasì a ke'se, raa, fʉr nè byʉ' mnyʉ̌mkà' enjep bèe. Wèe à m là' a ka' koni ka', wěe gèe nè bèe wa'a, wèe fa koo blà' ka'.

Banɛ wèe fa wɛp ka'. Wèe lùu ntaa à bsii Nyʉ̀ a caa bbe' àŋgoo.

“Wèe fa ce kwà'shi enɛ mɛ̀ m vʉ̀ ba nè cumʉnyaŋ njep ŋgòŋ na ka'. Mɛ̀ m vʉ̀ ba nè cumʉnyaŋ ka'. Mɛ̀ m vʉ̀ ba nè kàafà'.