Popular Bible Verses from LUK 14

Share

“Mi koipou ka kunga hing peiin, apa, anu, azi, atate, asanggampa, asanggam nu tualeh ama hinna nangawn ahuot sihleh ka nuazui ahi thei sih ding hi.

Tualeh koi zong ama kross kipuoh a hing zuilou khu ka nuazui ahi thei sih ding hi.

Koipou ama kingaisang khu angiem dinga, tualeh ama kingaingiem pouma tawisangin a um ding hi,” achi hi.

Tuachimabangin noute lah ah zong koipouin anei zousie peisan lou khu ka nuazui ahithei sih ding hi.

Noute lah a koipou in innsang lam tumin alam zouna ding sum anei leh neilou theina dinga tou masa phot a, alut dingza tuot masa lou ding koi na um uoi? Tuachilouin suongphum phum zou phot a, alamzou thei sih leh a en poumain anuisan ding ua, Tam mipa’n inn lam apanta ngal a, azou thei sih, achi kha ding uhi.

Hinanleh annkuong na lui chiengin, tagate, mizawngte, piengsuolte, kengbaite, tualeh mittote chiel zaw in. Tuachi’n amaun ahing thuh zou lou zieh in na hampha dinga, aziehpen midihtatte thokia chiengin thuh in na um ding hi,” achi hi.

“Chi khu ahoi a, ahivangin chi khu tam taleh bangchin aki al sahta diei? Lei a dingin lah ahoi sih a, eehvum dingin lah ahoi tuom sih ding, mi’n apaidoh zaw zel uhi. Koipou zahna ding bil neiin za uheh,” achi hi.