Popular Bible Verses from TIRHKOHTE 1

Share

Nimahsela, Thlarau Thianghlim in chunga a lo thlen hunah thiltihtheihna in la nei ang a; tichuan, Jerusalem-ah te, Judai leh Samari ram pumah te, kâwlkil thlengin ka thuhretute in ni tûr a ni,” a ti a.

Ani chuan, “Pain a hun leh ni, ama thu thu-a awm tûra a dah chu nangni lo hriat chi a ni lo ve.

An zînga a awm laiin, “Jerusalem khua chhuahsan suh u, Pa thutiam ka hrilh che u kha lo nghâk rawh u. Johana chuan tuiin a baptis a, nangni erawh chu ni rei lo tê-ah Thlarau Thianghlima baptis in ni ang,” tiin a hrilh a.

A thih hnuin a nung leh tih hriat nân hai rual lohvin vawi tam tak an hnênah a inentîr a, ni sawmli chhûng Pathian ram thu sawiin a inlâr ṭhîn.

Chûng thu chu a sawi zawh chuan, an en reng laiin vâna hruai chhoh a ni a, chhûmin an hmuh phâk lohvah a la bo ta a.

Chutia vâna a chho an thlîr reng lai chuan mi pahnih puan vâr sin an kiangah an lo ding a. “Galili mite u, engati nge vân lam ena in din reng le? He Isua in hnên ata vâna lâk chhoh hi, vâna a chho in hmuh ang tak hian a lo kal leh dâwn a ni,” an ti a.