Pele-Ata

<div class="version vid969 iso6393ata" data-vid="969" data-iso6393="ata">
 <div class="book bkJHN">
 <div class="chapter ch17" data-usfm="JHN.17">
 <div class="label">17</div><div class="s">Iesu Mukilaka sou Usu'uline'i ta Molomolo Noxou</div><div class="p"> 1Iesu muvikalane'i aloxo ne mukalu, la iou mulai teitexi no opo loxotolo, la mulinga aloxo 'o, &#8220;Mamilo, naitinu ualasou 'iline, mo 'iline u'itinu ualasine.&#8221; 2Aloxo nini nelosou 'iline xavi sou usaxila'a ta mitema ukalusi no lia 'o. La sou Anu ulosi'a ta mitema ane'i e nini nelosi'a mauli ane ukalu uasi. 3#1Ioa 5:20Ane'i ane ino'u mauli kaluxu uasi ne aloxo 'o, ane'i ilavusine lexe nini Lataua vilesisi mo manina, mo ilavusou Iesu Kalisito ane nini nepalusou mune'e. 4#Ioa 4:34Xaixai e nini nelosilo sou lexe eni a'oxonu ne, eni e'oxonu mukalu. La ta mitema mimaisou xavi noxine no anu xaixai ane eni e'oxonu. 5#Ioa 1:1Tatei nini nakoinu mimii no lia uao la eni eno'u xavi tila loxo nenge nengei texolu tepita. Ia vaimomo 'o, Mamilo nini nalosilo xavi ane ne la xo eni alivu alai noxine.</div><div class="p"> 6Eni epala'alixene noxi'a ane'i ane nini nelaane'i no lia 'o mo nelosilo. Ane'i ta na'anini ia nini nelosilo la ane'i mimulinu vaivaikala noxine. 7Mo ane'i milavusou lexe mimii latala nini nelosilo ne, molu noxinesi. 8Xo vaivaikala nini nelosilo xe eni elosi'a, la mi'osasou mo mino'u. Ane'i milavu manina lexe eni melo noxine mo mimulaxu tane'i lexe nini nepalusilo ene'e. 9Eni akilakasi'a ta mitema ane nini nelosilo, xo ane'i nini ta noxine. Ia eni akilakasi'a ta mitema no lia 'o uasi. 10Ane'i ane ta noxilo ne, nini ta na'anini. Mo ane'i ane ta noxine ne, eni ta na'axeni. La sou ane'i i'itinu ualasilo. 11Eni axolu maxuveeni no lia 'o uasi. Alivu ulai noxine, ia ta mitema noxilo ixolu no lia 'o. Mamilo, nini itoxoneni misevile. Nini nasaxila'a no anu xavi no anu ualasilo ane nini nelosilo. Mo sou ane'i ixali vilesisi loxo nenge nengei. 12#Ioa 6:39; 13:18No mine nexi noxi'a texoxolu, la eni esaxila'a no anu xavi ane nini nelosilo. La sou ane'i isu'a uasi, ia itema vilesisi sou usu'a ne, anu anusisi musu'a sou umomomosou vaikala muai no nano no Lavuku Tavuna teinu. 13Vaimomo 'o eni alivu ulai noxine. La sou eni avikalaneni aloxo 'o no mine eni axoxolu no lia 'o. Mo sou ane'i ino'u 'osa'ila mu'oki manina noxilo. 14Eni elosi'a vaivaikala noxine, la ta mitema no lia 'o imasaxai'a uasi. Xo ane'i sou no lia 'o la uasi loxo eni. 15#Mat 6:13; 2Te 3:3Eni alinga ulai noxine sou lexe nini nalaane'i no lia 'o uasi. Eni elinga lexe nini natulu xaliausi'a sou nataluxu itema ane masua. 16Ane'i sou no lia 'o uasi aloxo eni kalumo. 17Ia eni emasaxa lexe nini nasosovosi'a no anu vaikala noxine anu manina lexe ane'i ta na'anini. 18#Ioa 20:21Aloxo nini nepalusilo ene'e no lia 'o, la eni kalumo epalusi'a. 19Eni melo asosovosilo sou a'oxo xaixai noxine, la sou ane'i me'a milosi'a lexe ane'i ta na'anini.</div><div class="s">Iesu Mukilakasi'a Ane'i Ane Imulaxu Tane'i Noxou</div><div class="p"> 20Eni akilakasi'a ane'isisi uasi. Akilakasi'a ane'i ane ili'i ilomusou a'alo noxi'a, la imulaxu tane'i no anu kalumo. 21Mamilo, eni akilakasi'a aloxo ne, mo sou ane'i ixali vilesisi loxo nini nexolu noxilo mo eni exolu noxine. Ta mitema no lia 'o imaisi'a ixali vilesisi, la imulaxu tane'i lexe nini nepalusilo ene'e 'o. 22#Apo 4:32Xe eni elosi'a xavi e nini nelosilo, mo ane'i ixali vilesisi aloxo nenge nengei. 23Eni exolu noxi'a xe nini nexolu noxilo. Mo sou ane'i kalumo ixali vilesisi manina. La sou ta mitema no lia 'o ilavusou lexe nini nepalusilo ene'e mo nini nemasaxai'a loxo nemasaxailo. 24Mamilo, eni emasaxa lexe ta mitema ane nini nelosilo ine'e mo noxi'a taxolu no tuala e eni alai axolu no anu. Mo sou ane'i imaisou xavi ane nini nemasaxailo la sou nelosilo no mine nakoinu mimii no lia 'o uao. 25&#8220;Mamilo lailaixe. Ta mitema no lia 'o ne, ilavusine uasi. Ia eni elavusine mo ta mitema ane nini nelosilo milavusou lexe nini nepalusilo ene'e. 26Eni epala'alixene noxi'a mo ane'i milavusine mukalu. Ia eni asolonu sou apala'alixene la. Mo sou ane'i imasaxai'a ngato'o loxo nini nemasaxailo la eni axolu noxi'a.&#8221;</div>
 </div>
 </div>
</div>

Iesu muvikalane'i aloxo ne mukalu, la iou mulai teitexi no opo loxotolo, la mulinga aloxo 'o, “Mamilo, naitinu ualasou 'iline, mo 'iline u'itinu ualasine.” Aloxo nini nelosou 'iline xavi sou usaxila'a ta mitema ukalusi no lia 'o. La sou Anu ulosi'a ta mitema ane'i e nini nelosi'a mauli ane ukalu uasi. Ane'i ane ino'u mauli kaluxu uasi ne aloxo 'o, ane'i ilavusine lexe nini Lataua vilesisi mo manina, mo ilavusou Iesu Kalisito ane nini nepalusou mune'e. Xaixai e nini nelosilo sou lexe eni a'oxonu ne, eni e'oxonu mukalu. La ta mitema mimaisou xavi noxine no anu xaixai ane eni e'oxonu. Tatei nini nakoinu mimii no lia uao la eni eno'u xavi tila loxo nenge nengei texolu tepita. Ia vaimomo 'o, Mamilo nini nalosilo xavi ane ne la xo eni alivu alai noxine.
Eni epala'alixene noxi'a ane'i ane nini nelaane'i no lia 'o mo nelosilo. Ane'i ta na'anini ia nini nelosilo la ane'i mimulinu vaivaikala noxine. Mo ane'i milavusou lexe mimii latala nini nelosilo ne, molu noxinesi. Xo vaivaikala nini nelosilo xe eni elosi'a, la mi'osasou mo mino'u. Ane'i milavu manina lexe eni melo noxine mo mimulaxu tane'i lexe nini nepalusilo ene'e. Eni akilakasi'a ta mitema ane nini nelosilo, xo ane'i nini ta noxine. Ia eni akilakasi'a ta mitema no lia 'o uasi. Ane'i ane ta noxilo ne, nini ta na'anini. Mo ane'i ane ta noxine ne, eni ta na'axeni. La sou ane'i i'itinu ualasilo. Eni axolu maxuveeni no lia 'o uasi. Alivu ulai noxine, ia ta mitema noxilo ixolu no lia 'o. Mamilo, nini itoxoneni misevile. Nini nasaxila'a no anu xavi no anu ualasilo ane nini nelosilo. Mo sou ane'i ixali vilesisi loxo nenge nengei. No mine nexi noxi'a texoxolu, la eni esaxila'a no anu xavi ane nini nelosilo. La sou ane'i isu'a uasi, ia itema vilesisi sou usu'a ne, anu anusisi musu'a sou umomomosou vaikala muai no nano no Lavuku Tavuna teinu. Vaimomo 'o eni alivu ulai noxine. La sou eni avikalaneni aloxo 'o no mine eni axoxolu no lia 'o. Mo sou ane'i ino'u 'osa'ila mu'oki manina noxilo. Eni elosi'a vaivaikala noxine, la ta mitema no lia 'o imasaxai'a uasi. Xo ane'i sou no lia 'o la uasi loxo eni. Eni alinga ulai noxine sou lexe nini nalaane'i no lia 'o uasi. Eni elinga lexe nini natulu xaliausi'a sou nataluxu itema ane masua. Ane'i sou no lia 'o uasi aloxo eni kalumo. Ia eni emasaxa lexe nini nasosovosi'a no anu vaikala noxine anu manina lexe ane'i ta na'anini. Aloxo nini nepalusilo ene'e no lia 'o, la eni kalumo epalusi'a. Eni melo asosovosilo sou a'oxo xaixai noxine, la sou ane'i me'a milosi'a lexe ane'i ta na'anini.

Eni akilakasi'a ane'isisi uasi. Akilakasi'a ane'i ane ili'i ilomusou a'alo noxi'a, la imulaxu tane'i no anu kalumo. Mamilo, eni akilakasi'a aloxo ne, mo sou ane'i ixali vilesisi loxo nini nexolu noxilo mo eni exolu noxine. Ta mitema no lia 'o imaisi'a ixali vilesisi, la imulaxu tane'i lexe nini nepalusilo ene'e 'o. Xe eni elosi'a xavi e nini nelosilo, mo ane'i ixali vilesisi aloxo nenge nengei. Eni exolu noxi'a xe nini nexolu noxilo. Mo sou ane'i kalumo ixali vilesisi manina. La sou ta mitema no lia 'o ilavusou lexe nini nepalusilo ene'e mo nini nemasaxai'a loxo nemasaxailo. Mamilo, eni emasaxa lexe ta mitema ane nini nelosilo ine'e mo noxi'a taxolu no tuala e eni alai axolu no anu. Mo sou ane'i imaisou xavi ane nini nemasaxailo la sou nelosilo no mine nakoinu mimii no lia 'o uao. “Mamilo lailaixe. Ta mitema no lia 'o ne, ilavusine uasi. Ia eni elavusine mo ta mitema ane nini nelosilo milavusou lexe nini nepalusilo ene'e. Eni epala'alixene noxi'a mo ane'i milavusine mukalu. Ia eni asolonu sou apala'alixene la. Mo sou ane'i imasaxai'a ngato'o loxo nini nemasaxailo la eni axolu noxi'a.”

Listen to Ioanesi 17