If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkMAT">
 <div class="chapter ch13" data-usfm="MAT.13">
 <div class="label">13</div><div class="s">Ikataniso lya mwandi mbeu</div><div class="r">(Marko 4:1-9; Luka 8:4-8)</div><div class="p"> 1Nao lyilya ijua lyenyi Jesu kafuma nyumba kaghenda kakala kitembo mbalimbali ya bahari. 2Makoghano mabwaa ghakamtindirira, hata kajoka kele mashua na kakala kitembo, na wandu wose wa makoghano wakakala kimusi mbalimbali ya bahari. 3Nao kawaghorera malagho mengi kwa makataniso keghamba,</div><div class="p">&#8220;Mwandi oghendile kuwanda mbeu. 4Naye ilyi eluo kewanda, mbeu zimoju zikapotoka ngileni, nyonyi zikeja zikaziduwa. 5Mbeu zimoju zikapotoka maweni andu sikowesi msanga ghuketi. Zikafuma iyo shwa na kwa kukala sikowesi msanga ghuketi. 6Ijua lyifuma zikanyala na kwa kukala sizewesi miriginga zikaoma. 7Mbeu zimoju zikapotoka miyeni na miya ikazeguwa ikazisinila. 8Ela mbeu zimoju zikapotoka kele msanga ghwaloli, zikavala mavalo; zimoju ighana, zimoju mirongo mitandatu na zimoju mirongo mitatu. 9Uyu ewo na masikilo asikile.&#8221;</div><div class="s">Chausa cha ikataniso</div><div class="r">(Marko 4:10-12; Luka 8:9-10)</div><div class="p"> 10Nao wairimi wekeja wakamukotela, &#8220;Kudani ughoranya nawo kwa makataniso?&#8221; 11Jesu kawatumbulila, &#8220;Inyo mwahawo kumanya ngasu za Uzuri ghwa Mlungu, ela wo siwahawilo. 12Kwani uyu ewo nacho ujejuzilo akale na vingi; ela uyu sewesi hata ichi ewo nacho ujesoko. 13Kwa hung'u naghoranya nawo kwa makataniso, eri wakanawone siwaone na wakanasikile siwasikile hata siwatambukilo. 14Na kwawe ghukatile utondolo ghwa Isaya ghughambagha:</div><div class="q1">&#8216;Kusikila mjesikila, ela simutambukilogho;</div><div class="q1">na kulola mujelola, ela simwonagha;</div><div class="q1"> 15kwani akili za wandu awa zanakulile,</div><div class="q1">na masikilo ghawe sighasikilagha.</div><div class="q1">Na meso ghawe waghatungurisa,</div><div class="q1">eri siwaone na meso ghawe</div><div class="q1">na kusikila na masikilo ghawe</div><div class="q1">na kumanya akilini kwawe</div><div class="q1">na wanighalukile niwaboese.&#8217;</div><div class="p"> 16&#8220;Ela baha inyo meso ghenyu gheonagha, na masikilo ghenyu ghesikilagha. 17Fulo namuza, wana tondolo wengi na wandu wa hachi weshaile kuona agha muonagha na siwaonile na kusikila agha musikilagha na siwasikile.</div><div class="s">Jesu kueleza ikataniso lya mwandi mbeu</div><div class="r">(Marko 4:13-20; Luka 8:11-15)</div><div class="p"> 18&#8220;Ndamu sikizileni kutambula kwa ikataniso lya mwandi mbeu. 19Uwo wose esikilagha ghore ya uzuri na satambukilo ni sa mbeu iwandilo ngileni, mumaiza weja na kufunya chilya chiwandilo ngoloni kwake. 20Na mbeu ziwandilo kele msanga ghwa maweni ni walye wasikilagha ghore na kuiwata shashowa kwa kuboelo, 21ela siwawesi miriginga komweni ngoloni; warumaghia kachache, na ilyi kweja masirimo ango matiriro kwa undu ghwa ghore wesigha idumusi iyo shwa ng'ori. 22Na mbeu ziwandilo kele miya, Ni awa wasikila ghore, ela malagho gha urumengu na kuboelo ni mali kwasinila ghore hata siivalagha mavalo. 23Na mbeu ziwandilo kele msanga ghwaloli ni walye wesikilagha ghore na kutambukilo. Awa niwo wavala mavalo, wamoju ighana, wamoju mirongo mitandatu na wamoju mirongo mitatu.&#8221;</div><div class="s">Ikataniso lya mbeu ya isakeni</div><div class="p"> 24Nao Jesu kawaghorera ikataniso izima, keghamba, &#8220;Uzuri ghwa mlunguni ghwanafwanane na mundu awandile mbeu zaloli mbweni kwake. 25Ngelo wandu watungura, mumaiza wake keja kawanda mbeu za isakeni kele ngano na kaghenda ngila zake. 26Kwa hung'u mimea izegua na kuvala, mbeu za isakeni zikaoneka. 27Watumishi wake ulya mundu wakamjila wakamuza, &#8216;Bwana, Ado suwandile ngano mbweni kwako, yakala ije na ngano ya isakeni?&#8217; 28Naye kaghora, mumaiza niye adea hung'u. Nao watumishi wakamuza, &#8216;Ndamu washaya tighende tizikoghanye?&#8217; 29Ela iye katumbulila, &#8216;Hata, siyejekala ngelo yekoghanya ngano ya isakeni mjeikoghanya na ngano yaloli. 30Zisigheni zizegue ngila mojori hata ngelo yekwasha; na ngelo yekwasha nijewauza wakwashi, koghanyeni ngano ya isakeni jako na muifunge majilo majilo nao muiishe; ela ngano yaloli muikumbe kitunduni changu.&#8217;&#8221;</div><div class="s">Ikataniso lya ndembe ya haradali</div><div class="r">(Marko 4:30-32; Luka 13:18-19)</div><div class="p"> 31Nao Jesu kawaghorera ikataniso izima keghamba, &#8220;Uzuri ghwa Mlungu ghwanafwanane na ndembe ya mwiti ghuitogho haradali aiusile mundu kaiwanda kele mbuwa yake. 32Ni ndembe njache ya mbeu zose. Ela ikazeguwa yachumba wambawe na yauya mwiti mubwaa, hata nyonyi za mbeoni zeja na kudea vichunguri kele mbashe zake.&#8221;</div><div class="s">Ikataniso lya chachu</div><div class="r">(Luka 13:20-21)</div><div class="p"> 33Nao Jesu kawaghorera ikataniso izima, &#8220;Uzuri ghwa Mlungu ghwanafwanane na chachu aiwatile muke na kuirunganya na mabamba matatu gha unga, nao ghose ghukachachuka.&#8221;</div><div class="s">Jesu kutumia makataniso</div><div class="r">(Marko 4:33-34)</div><div class="p"> 34Jesu oghorere makoghano malagho agha ghose kwa makataniso hata saghorire ilagho lyingi sikowesi ikataniso. 35Wanadeile hung'u eri akatise ghalye ghaghoriro ni tondolo;</div><div class="q1">&#8220;Nijeghoranya nawo kwa makataniso:</div><div class="q1">Nijewaghorera malagho ghavisike kufuma kuumbo urumengu.&#8221;</div><div class="s">Jesu kuwatambulila ikataniso lya mbeu ya isakeni</div><div class="p"> 36Nao Jesu kasighana na makoghano kangila nyumba. Wairimi wake wakamjila wakamuza, &#8220;Titambulile ikataniso lya ngano ya isakeni.&#8221; 37Jesu kawatumbulila, &#8220;Uyu ewandagha mbeu yaloli ni Mwana wa Mdamu; 38mbuwa ni urumengu, na mbeu zaloli ni wana wa Uzuri na mbeu ya isakeni ni wana wa ulya Mlaghelaghe, 39na mumaiza ulya eziwandagha ni Shetani; na kukwasha ni ijua lya kudua urumengu, na wakwashi ni wana malaika. 40Selyi kwenyi ngano ya isakeni ikoghanyogho na kukumbo motoni, niko kwenyi ikalagha ijua lya kudua urumengu. 41Mwana wa Mdamu ujetuma malaika wake, nawo wejekoghanya wose kele Uzuri ghwake wadeagha kaung'a, na wadei laghelaghe, 42nawo wejewakumba kele izia lya moto sighozimagha, na alye kujekala ni kililo na kukengeresha majegho. 43Nao walye wahachi wejeng'alang'ala sa ijua kele Uzuri ghwa Tatie. Uyu ewo na masikilo asikile!</div><div class="s">Ikataniso lya mali ivisilo</div><div class="p"> 44&#8220;Uzuri ghwa Mlungu ghwanafwanane na mali ivisilo mbweni. Mundu mumoju kaiona kaivisa. Nao kwa kuboelo kwake, kaghenda katagha vose eluo navo kaghula ilya mbuwa.</div><div class="s">Ikataniso lya lulu</div><div class="p"> 45&#8220;Sena Uzuri ghwa Mlungu ghwanafwanane na mdei biashara eluo kehada lulu. 46Naye aghenda aona lulu moju ya zoghori mbwaa, kaghenda katagha vose eluo navo kaighula.</div><div class="s">Ikataniso lya nyavu</div><div class="p"> 47&#8220;Sena, Uzuri ghwa Mlungu ghwanafwanane na nyavu ikumbilo baharini, ikakoghanya mbari zose za makumba. 48Nayo ighenda ijula, wandu wakairuta pwani, wakakala kitembo, wakasaghula ghaloli wakakumba kele vombo, ela ghawase wakaghatagha. 49Niko kwenyi ijekala ijua lya kudua urumengu. Wana malaika wejeja wasaghule walaghelaghe kwa wahachi, 50na wawakumbe walaghelaghe kele izia lya moto. Alye wandu wejelila na kukengeresha majegho.&#8221;</div><div class="s">Mafundiso maishi na gha kale</div><div class="p"> 51Nao Jesu kawakotela, &#8220;Mwatambukilo ni agha ghose?&#8221; Nawo wakatumbulila, &#8220;Ee Bwana.&#8221; 52Nao kawauza, &#8220;Kwa hung'u kila mwalimu wa Sheria afundiso kwa Uzuri ghwa Mlungu ni sa mundu wa nyumba efunyagha mali yake mbishi na ya kale.&#8221;</div><div class="s">Jesu kulegho Nazareti</div><div class="r">(Marko 6:1-6; Luka 4:16-30)</div><div class="p"> 53Nao Jesu aghenda amalila kughora agha makataniso kafuma alye kaghenda, 54na afika kele muzi ghwake kafundisa wandu kele sinagogi, nawo wakashinika, wakaghamba, &#8220;Uyu mundu wanapatilile hiyo ulachu ughu na wana mwakilimbita awa? 55Ado uyu si mwana wa seremala? Ado mee saitogho Mariamu? Na wana wakwawe si Jakobo, Josefu, Simoni na Juda? 56Na wana wakwawe wa wake siweo nesi? Ndamu uyu mundu wanaghapatilile agha ghose hiyo?&#8221; 57Kwa hung'u wakamlegha. Ela Jesu kawauza, &#8220;Tondolo sasowagha ishima sala kele muzi ghwake na nyumba yake.&#8221; 58Na kwa hung'u sadeile wana mwakilimbita wengi wengi alye, kwa kukala siweluo wekedumusa.</div>
 </div>
 </div>
</div>

Nao lyilya ijua lyenyi Jesu kafuma nyumba kaghenda kakala kitembo mbalimbali ya bahari. Makoghano mabwaa ghakamtindirira, hata kajoka kele mashua na kakala kitembo, na wandu wose wa makoghano wakakala kimusi mbalimbali ya bahari. Nao kawaghorera malagho mengi kwa makataniso keghamba,
“Mwandi oghendile kuwanda mbeu. Naye ilyi eluo kewanda, mbeu zimoju zikapotoka ngileni, nyonyi zikeja zikaziduwa. Mbeu zimoju zikapotoka maweni andu sikowesi msanga ghuketi. Zikafuma iyo shwa na kwa kukala sikowesi msanga ghuketi. Ijua lyifuma zikanyala na kwa kukala sizewesi miriginga zikaoma. Mbeu zimoju zikapotoka miyeni na miya ikazeguwa ikazisinila. Ela mbeu zimoju zikapotoka kele msanga ghwaloli, zikavala mavalo; zimoju ighana, zimoju mirongo mitandatu na zimoju mirongo mitatu. Uyu ewo na masikilo asikile.”


Nao wairimi wekeja wakamukotela, “Kudani ughoranya nawo kwa makataniso?” Jesu kawatumbulila, “Inyo mwahawo kumanya ngasu za Uzuri ghwa Mlungu, ela wo siwahawilo. Kwani uyu ewo nacho ujejuzilo akale na vingi; ela uyu sewesi hata ichi ewo nacho ujesoko. Kwa hung'u naghoranya nawo kwa makataniso, eri wakanawone siwaone na wakanasikile siwasikile hata siwatambukilo. Na kwawe ghukatile utondolo ghwa Isaya ghughambagha:
‘Kusikila mjesikila, ela simutambukilogho;
na kulola mujelola, ela simwonagha;
kwani akili za wandu awa zanakulile,
na masikilo ghawe sighasikilagha.
Na meso ghawe waghatungurisa,
eri siwaone na meso ghawe
na kusikila na masikilo ghawe
na kumanya akilini kwawe
na wanighalukile niwaboese.’
“Ela baha inyo meso ghenyu gheonagha, na masikilo ghenyu ghesikilagha. Fulo namuza, wana tondolo wengi na wandu wa hachi weshaile kuona agha muonagha na siwaonile na kusikila agha musikilagha na siwasikile.


“Ndamu sikizileni kutambula kwa ikataniso lya mwandi mbeu. Uwo wose esikilagha ghore ya uzuri na satambukilo ni sa mbeu iwandilo ngileni, mumaiza weja na kufunya chilya chiwandilo ngoloni kwake. Na mbeu ziwandilo kele msanga ghwa maweni ni walye wasikilagha ghore na kuiwata shashowa kwa kuboelo, ela siwawesi miriginga komweni ngoloni; warumaghia kachache, na ilyi kweja masirimo ango matiriro kwa undu ghwa ghore wesigha idumusi iyo shwa ng'ori. Na mbeu ziwandilo kele miya, Ni awa wasikila ghore, ela malagho gha urumengu na kuboelo ni mali kwasinila ghore hata siivalagha mavalo. Na mbeu ziwandilo kele msanga ghwaloli ni walye wesikilagha ghore na kutambukilo. Awa niwo wavala mavalo, wamoju ighana, wamoju mirongo mitandatu na wamoju mirongo mitatu.”

Nao Jesu kawaghorera ikataniso izima, keghamba, “Uzuri ghwa mlunguni ghwanafwanane na mundu awandile mbeu zaloli mbweni kwake. Ngelo wandu watungura, mumaiza wake keja kawanda mbeu za isakeni kele ngano na kaghenda ngila zake. Kwa hung'u mimea izegua na kuvala, mbeu za isakeni zikaoneka. Watumishi wake ulya mundu wakamjila wakamuza, ‘Bwana, Ado suwandile ngano mbweni kwako, yakala ije na ngano ya isakeni?’ Naye kaghora, mumaiza niye adea hung'u. Nao watumishi wakamuza, ‘Ndamu washaya tighende tizikoghanye?’ Ela iye katumbulila, ‘Hata, siyejekala ngelo yekoghanya ngano ya isakeni mjeikoghanya na ngano yaloli. Zisigheni zizegue ngila mojori hata ngelo yekwasha; na ngelo yekwasha nijewauza wakwashi, koghanyeni ngano ya isakeni jako na muifunge majilo majilo nao muiishe; ela ngano yaloli muikumbe kitunduni changu.’”


Nao Jesu kawaghorera ikataniso izima keghamba, “Uzuri ghwa Mlungu ghwanafwanane na ndembe ya mwiti ghuitogho haradali aiusile mundu kaiwanda kele mbuwa yake. Ni ndembe njache ya mbeu zose. Ela ikazeguwa yachumba wambawe na yauya mwiti mubwaa, hata nyonyi za mbeoni zeja na kudea vichunguri kele mbashe zake.”


Nao Jesu kawaghorera ikataniso izima, “Uzuri ghwa Mlungu ghwanafwanane na chachu aiwatile muke na kuirunganya na mabamba matatu gha unga, nao ghose ghukachachuka.”


Jesu oghorere makoghano malagho agha ghose kwa makataniso hata saghorire ilagho lyingi sikowesi ikataniso. Wanadeile hung'u eri akatise ghalye ghaghoriro ni tondolo;
“Nijeghoranya nawo kwa makataniso:
Nijewaghorera malagho ghavisike kufuma kuumbo urumengu.”

Nao Jesu kasighana na makoghano kangila nyumba. Wairimi wake wakamjila wakamuza, “Titambulile ikataniso lya ngano ya isakeni.” Jesu kawatumbulila, “Uyu ewandagha mbeu yaloli ni Mwana wa Mdamu; mbuwa ni urumengu, na mbeu zaloli ni wana wa Uzuri na mbeu ya isakeni ni wana wa ulya Mlaghelaghe, na mumaiza ulya eziwandagha ni Shetani; na kukwasha ni ijua lya kudua urumengu, na wakwashi ni wana malaika. Selyi kwenyi ngano ya isakeni ikoghanyogho na kukumbo motoni, niko kwenyi ikalagha ijua lya kudua urumengu. Mwana wa Mdamu ujetuma malaika wake, nawo wejekoghanya wose kele Uzuri ghwake wadeagha kaung'a, na wadei laghelaghe, nawo wejewakumba kele izia lya moto sighozimagha, na alye kujekala ni kililo na kukengeresha majegho. Nao walye wahachi wejeng'alang'ala sa ijua kele Uzuri ghwa Tatie. Uyu ewo na masikilo asikile!

“Uzuri ghwa Mlungu ghwanafwanane na mali ivisilo mbweni. Mundu mumoju kaiona kaivisa. Nao kwa kuboelo kwake, kaghenda katagha vose eluo navo kaghula ilya mbuwa.

“Sena Uzuri ghwa Mlungu ghwanafwanane na mdei biashara eluo kehada lulu. Naye aghenda aona lulu moju ya zoghori mbwaa, kaghenda katagha vose eluo navo kaighula.

“Sena, Uzuri ghwa Mlungu ghwanafwanane na nyavu ikumbilo baharini, ikakoghanya mbari zose za makumba. Nayo ighenda ijula, wandu wakairuta pwani, wakakala kitembo, wakasaghula ghaloli wakakumba kele vombo, ela ghawase wakaghatagha. Niko kwenyi ijekala ijua lya kudua urumengu. Wana malaika wejeja wasaghule walaghelaghe kwa wahachi, na wawakumbe walaghelaghe kele izia lya moto. Alye wandu wejelila na kukengeresha majegho.”

Nao Jesu kawakotela, “Mwatambukilo ni agha ghose?” Nawo wakatumbulila, “Ee Bwana.” Nao kawauza, “Kwa hung'u kila mwalimu wa Sheria afundiso kwa Uzuri ghwa Mlungu ni sa mundu wa nyumba efunyagha mali yake mbishi na ya kale.”


Nao Jesu aghenda amalila kughora agha makataniso kafuma alye kaghenda, na afika kele muzi ghwake kafundisa wandu kele sinagogi, nawo wakashinika, wakaghamba, “Uyu mundu wanapatilile hiyo ulachu ughu na wana mwakilimbita awa? Ado uyu si mwana wa seremala? Ado mee saitogho Mariamu? Na wana wakwawe si Jakobo, Josefu, Simoni na Juda? Na wana wakwawe wa wake siweo nesi? Ndamu uyu mundu wanaghapatilile agha ghose hiyo?” Kwa hung'u wakamlegha. Ela Jesu kawauza, “Tondolo sasowagha ishima sala kele muzi ghwake na nyumba yake.” Na kwa hung'u sadeile wana mwakilimbita wengi wengi alye, kwa kukala siweluo wekedumusa.

Listen to Matayo 13