Dayak Ngaju Old Testament

<div class="version vid2879 iso6393nij" data-vid="2879" data-iso6393="nij">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s">Danom soho terai</div><div class="p"> 1Hatalla mingat Noah tuntang kare meto je aton dengae hong kapal te. Hatalla mampadumah riwut sampai danum te nampara surut. 2Uras lowang danum hong penda petak tuntang uras bauntonggang danum hong langit inutup Awie. Ujan terai, 3tuntang danum sasar surut. Limbah 150 andau danum te dia kea lalau handalem. 4Hong tanggal uju walas bulan uju, kapal te sangkarah hujun bukit Ararat. 5Danom mamparajur kasurute tuntang hong tanggal ije bulan sapuluh kare tantan bukit nampara gitan.</div><div class="p"> 6Limbah epat puluh andau, Noah mambuka ije baunsengok kapal, 7tuntang malapas ije kongan burong kak. Burong te dia haluli akan kapal tapi harajur tarawang lulang-luli sampai danum soho te lepah toto. 8Palus Noah malapas ije kongan burong dara hapa mangatawan, en danum jari surut. 9Tapi awi danum magon mampaleteng hapus petak, burong dara te dia sondau ekae tingkep. Palus ie buli haluli akan kapal; Noah mantajok lengee palus mimbit ie tame kapal. 10Noah mentai uju andau tinai, palus ilapase tinai burong dara te. 11Katika andau jari halemei burong te haluli manalih ie mimbit intu totoke ije kalambar dawen saitun je belom. Awi te Noah mangatawan je danum jari surut. 12Limbah mentai uju andau tinai, ie malapas burong dara te sinde tinai; sinde te burong te dia haluli talih ie tinai.</div><div class="p"> 13Metoh umur Noah 601 nyelo, hong tanggal ije bulan ije, danum jari surut samasinde. Noah mambuka sapau kapal te, tuntang mite kare taloh hakaliling. Ie mite petak jari keang. 14Hong tanggal due puluh uju bulan due, petak jari keang.</div><div class="p"> 15Palus Hatalla hamauh dengan Noah, 16&#8220;Keleh balua bara kapal te dengan sawam, kare anakm tuntang kare sawan ewen. 17Imbit balua kare burong tuntang meto je beken, aloh hai atawa korik, mangat ewen tau manak-manaka tuntang tayap akan hapus petak.&#8221; 18Balalu Noah balua bara kapal te dengan sawae, tuntang kare anake dengan kare sawan ewen. 19Uras kare burong tuntang meto hunjun petak balua bara kapal te, genep kongan dengan kare jalahae.</div><div class="s">Noah maluput parapah</div><div class="p"> 20Noah mampendeng ije mesbeh akan Tuhan. Induae ije kongan bara genep jalahan burong tuntang meto je beken, palus jete ilupute akan parapah je ingehu hunjun mesbeh. 21Parapah je mangat ewaue te mampasanang atei Tuhan, tuntang ie hamauh huang ateie, &#8220;Aku dia akan manyapa kalunen toh tinai tagal gawin olon; Aku katawan je bara wayah katabelae, tirok pikir olon te papa. Aku dia tinai mampatei kare taloh belom kilau je haron ilalus awi-Ku toh. 22Katahin kalunen toh aton, harajur aton wayah mimbul tuntang wayah manggetem, wayah sadingen tuntang wayah balasot, wayah pandang tuntang wayah ujan, handau tuntang hamalem.&#8221;</div>
 </div>
 </div>
</div>

Hatalla mingat Noah tuntang kare meto je aton dengae hong kapal te. Hatalla mampadumah riwut sampai danum te nampara surut. Uras lowang danum hong penda petak tuntang uras bauntonggang danum hong langit inutup Awie. Ujan terai, tuntang danum sasar surut. Limbah 150 andau danum te dia kea lalau handalem. Hong tanggal uju walas bulan uju, kapal te sangkarah hujun bukit Ararat. Danom mamparajur kasurute tuntang hong tanggal ije bulan sapuluh kare tantan bukit nampara gitan.
Limbah epat puluh andau, Noah mambuka ije baunsengok kapal, tuntang malapas ije kongan burong kak. Burong te dia haluli akan kapal tapi harajur tarawang lulang-luli sampai danum soho te lepah toto. Palus Noah malapas ije kongan burong dara hapa mangatawan, en danum jari surut. Tapi awi danum magon mampaleteng hapus petak, burong dara te dia sondau ekae tingkep. Palus ie buli haluli akan kapal; Noah mantajok lengee palus mimbit ie tame kapal. Noah mentai uju andau tinai, palus ilapase tinai burong dara te. Katika andau jari halemei burong te haluli manalih ie mimbit intu totoke ije kalambar dawen saitun je belom. Awi te Noah mangatawan je danum jari surut. Limbah mentai uju andau tinai, ie malapas burong dara te sinde tinai; sinde te burong te dia haluli talih ie tinai.
Metoh umur Noah 601 nyelo, hong tanggal ije bulan ije, danum jari surut samasinde. Noah mambuka sapau kapal te, tuntang mite kare taloh hakaliling. Ie mite petak jari keang. Hong tanggal due puluh uju bulan due, petak jari keang.
Palus Hatalla hamauh dengan Noah, “Keleh balua bara kapal te dengan sawam, kare anakm tuntang kare sawan ewen. Imbit balua kare burong tuntang meto je beken, aloh hai atawa korik, mangat ewen tau manak-manaka tuntang tayap akan hapus petak.” Balalu Noah balua bara kapal te dengan sawae, tuntang kare anake dengan kare sawan ewen. Uras kare burong tuntang meto hunjun petak balua bara kapal te, genep kongan dengan kare jalahae.

Noah mampendeng ije mesbeh akan TUHAN. Induae ije kongan bara genep jalahan burong tuntang meto je beken, palus jete ilupute akan parapah je ingehu hunjun mesbeh. Parapah je mangat ewaue te mampasanang atei TUHAN, tuntang ie hamauh huang ateie, “Aku dia akan manyapa kalunen toh tinai tagal gawin olon; Aku katawan je bara wayah katabelae, tirok pikir olon te papa. Aku dia tinai mampatei kare taloh belom kilau je haron ilalus awi-Ku toh. Katahin kalunen toh aton, harajur aton wayah mimbul tuntang wayah manggetem, wayah sadingen tuntang wayah balasot, wayah pandang tuntang wayah ujan, handau tuntang hamalem.”

Listen to GENESIS 8