Chin, Matu - 2005 Myanmar (NT) Drama

Chin, Matu - 2005 Myanmar (NT) Non Drama

<div class="version vid2489 iso6393hlt" data-vid="2489" data-iso6393="hlt">
 <div class="book bkACT">
 <div class="chapter ch8" data-usfm="ACT.8">
 <div class="label">8</div><div class="p"> 1Ahih a ngawn u te Sawl lawngkhaw a kaw tlaak puei van.</div><div class="s1">Sawl lawng Khrihcabu A heem atek</div><div class="p">Te khawhin kalawng tah Jerusalem kah Khrihcabu ah heem-atek patang-khangna te tong u poen. Celtuih thli thui muehla oengca thli boeih tah Judia peng oen Samaria ram ah yan khonghak. 2Bokna ben ah tlungmu thlaang khatsut lawngah Stefen rawkk te a kuem u, a kaw the u tih rap u.</div><div class="p"> 3Tede Sawl lawngtah khrihcabu te phe ham a yawm; im pakhat coeng pakhat ah cet tih oengca thli te hutaa khaw, tawngpa khaw akhup athalla a mawt tih ahimi te thongim ah a thlaak.</div><div class="s1">Samaria ah Filip lawng Awlthang Theen A Thui</div><div class="p"> 4Aka yan khonghak oengca thli lawngah peng tawm ah cet u tih awlthang a thui u. 5Filip tah Samaria ram kah khawpui la te cet tih te kah aka awm thlaang thli tengah Messiah kawng te a thui pe. 6Filip kah awl thui dawngah thlaangping te a kaw thluembuek u, ahih lawng kawpoekrai a sai te a huh u tih atheenla awl te a hutung u. 7Raaithe lawng a kuun thlaang thli kah a kaw khui kalawng raaithe thli te vupaang ruila co u tih, aka khawn thlaang thli oen khowkheem thlaang thli broela hoeih u. 8Tedawngah khawpui khuikah thlaang thli tah awmngaih u.</div><div class="p"> 9Te khawpui khuiah Simon aka miingna thlaang pakhat awm tih amah kah caam thoemthaina oen Samaria thlaang thli te kawpoek a rai sak poepa. Ahih lawng amah te thlaang mailai nawh ni tila a thui tih, 10te khawpui kah thlaangcawm thlaangcee, ahem asang boeih lawng ahih awl te a ngaai pe u tih ahimi lawng, &#8220;Ahih tah &#8216;Alen Duet Huham Tharana&#8217; a ti u Pathen kah tharana ni&#8221; tila te a thui u. 11Ahih lawngah amah kah caam thoemthaina oen asanhlangla ahimi te a thai alatna poen dawngah a thinkaw thluembuek u tih awl a ngaai pe u. 12Tede Jesuh Khrih kawng oen Pathen Ram kawng awlthang theen Filip lawng awlthang a phawng te a tangna u tih hutaa tawngpa lawngkhaw baptisma te a dang u. 13Simon lawngkhaw a tangna van tih baptisma a dang coeng atah Filip tengah te awm roep poen, ahih lawngah alentloe miknoekna oen kawpoekraina te a huh vengah a ngaai hang sut.</div><div class="p"> 14Jerusalem ah aka awm celtuih thli lawng Samaria khaaw kah thlaang thli lawngkhaw Pathen awl te a tangna u van poen tite a yaak u vengah Piter oen Johan te ahimi tengla a tuih u. 15Ahih rawi lawng a pha atah ahimi lawngah Ciim Muithla te a dangna u hamla oengca thli ham te a thangthui pe hih. 16Metihtiah Ciim Muithla te ahimi timkah a-u pakhat tengah khaw law thlan hun; ahimi lawngah Bawipa Jesuh miing bueng oen ah baptisma te a huh u hun dawngah ni. 17Tecoengah Piter oen Johan lawng ahimi sawah a kut te a thueng hih tih Ciim Muithla te a dang u.</div><div class="p"> 18Celtuih rawi lawngah ahimi sawah kut a thueng tih oengca thli lawng Ciim Muithla a dang u tite Simon lawng a huh. Tedawngah ahih lawng Piter oen Johan te tangka a peek tih, 19&#8220;A sawah ka kut ka thueng pe thlaang boeih lawng Ciim Muithla te a huhna u ham, huham tharana te kai m'pe van lah,&#8221; a tina.</div><div class="p"> 20Tede Piter lawng ahih nala te, &#8220;Pathen kah kutdo he tangka oen ka lai thai ai tila na poek dawngah namah oen na tangka te hell ah tla hih! 21Pathen mik huh ah na thinkaw lungbui a doeng nawh dawngah kaihih kah biibina dawngah na thuumna ham koei avaang athal khaw awm nawh. 22Tedawngah he ang na kamthlahna athe dawng kalawng yut langtah he ang thaihu na poek dawngah na sawah khawdawp avan ngaaina ham Bawipa tengah thangthui lah. 23Metihtiah nang he uett-eena oen na betoet tih thawlh thongtla la na awm tite kan huh.&#8221; a tina.</div><div class="p"> 24Simon lawng Piter oen Johan nala te, &#8220;Nanghih lawng na thui te ka sawah pakhat khaw a thoengna nawh ham reenna oen Bawipa tengah thangthui hih lah&#8221; a tina.</div><div class="p"> 25Piter oen Johan lawng Bawipa kawng a mik huh thli te a thui hih tih Bawipa awl te a phawng hih coeng atah Jerusalem la koep meel hih. A meel lam ah Samaria peng kah vangca vangnau yahawh hlang ah te Awlthang Theen a phawng hih.</div><div class="s1">Filip oen Etiopia Bawi</div><div class="p"> 26Bawipa kah vanthlaang pakhat lawng Filip nala te, &#8220;Tho lang kamthlah lah, akaak ben Jerusalem kalawng Gaza la cehna lawngpui ah cet lah.&#8221; a tina. (He kah lawngpui he tahe ah hawna u tlaih nawh.) 27-28Tedawngah Filip tah tho tih cet. Lawngpueng ah im la aka meel Etiopia sengpahrang nu kah kaawn-ava kuemkung, awlpui koek bawi la aka awm Etiopia thlaang tiltleh a ti u pakhat te a hum. Ahih te Pathen bok hamla Jerusalem la cet tih amah kah maranglengg oen im la koep meel. Maranglengg a cit tih im la a meel vengah tawngha Isaiah cabu te a tae. 29Ciim Muithla lawng Filip nala, &#8220;Maranglengg tengah ayoeii-repla cet lah.&#8221; a tina. 30Filip lawngah heeng phai tih ayoeii rep veng atah ahih lawngah tawngha Isaiah kah cabu a tae awl te a yaak. Ahih nala te, &#8220;Nang lawng na tae te na yaakming aw?&#8221; tila a doet.</div><div class="p"> 31Te kah bawi lawng, &#8220;A-u lawng-khaw a thuicaih nawh maiah metila ka yaakming thai ai?&#8221; a tina. Te atah ahih lawng Filip te maranglengg dawngah luui ham oen ngawlh haih hamla te a ceel. 32Ahih lawngah caciim awl a tae te tah:</div><div class="q1">&#8220;Ngawn hamla a khuen</div><div class="q1">tuuca angla a mawt u tih,</div><div class="q2">a mul te a vawkk pe vengah</div><div class="q1">awl kaa aka law nawh</div><div class="q1">tuucano angla awm, ahih tah</div><div class="q1">awl kam at khaw thui nawh.</div><div class="q1"> 33Ahih te yaraula a sai u tih,</div><div class="q2">asoeng akam nawh la awl a cek u,</div><div class="q2">dilai dawngah a hingna</div><div class="q2">aboet poen dawngah</div><div class="q1">ahih kah cadil nauha kawng te</div><div class="q2">a-u khat lawngkhaw</div><div class="q2">thui thai u manawh.&#8221; tila a thut te ni.</div><div class="p"> 34Te kah bawi lawng Filip nala te, &#8220;Tawngha lawngah a-u kawng a thui kai? Amah kawng aw a thui, tihnawhtah thlaangtloe kawng aw a thui kai, van thui lah?&#8221; a tina. 35Tecoeng atah Filip lawngah te kah caciim awl kalawng ah a tong pe tih Jesuh kawng Awlthang Theen te ahih tengah a thui pe. 36Ahih rawi tah poe cet thuk hih, tui a awmna te a pha hih veng atah te kah bawi lawng, &#8220;He ah tui awm he. Baptisma dang ham n'tu lawng kai he n'kang khak ai?&#8221; tila a thui. 37(Filip lawngah, &#8220;Na thinkaw lungbui boeih oen na tangna atah baptisma na dang ai ta&#8221; a tina. Ahih lawngah, &#8220;Jesuh Khrih tah Pathen Capa ni tite ka tangna&#8221; a tina.)</div><div class="p"> 38Te kah bawi lawngah maranglengg te a pai sak, Filip oen te kah bawi te tui dawngla bok cet thuk hih tih Filip lawng ahih te baptisma a peek. 39Ahih rawi te tui dawngkah a law hang hih vengah Bawipa kah Muithla lawng Filip te vik a ceh puei. Te kah bawi lawngah ahih te koep hu tlaih nawh, tede awmngaihna oen poe cet. 40Filip lawng Asdod khaw ka pha tite a ming; ahih tah Sisaria la cet tih a pha thlantoe lawngpueng kah khaw roekk ah te Awlthang Theen a thui.</div>
 </div>
 </div>
</div>

Matu Chin New Testament © Bible Society of Myanmar, 2006.

Ahih a ngawn u te Sawl lawngkhaw a kaw tlaak puei van.

Te khawhin kalawng tah Jerusalem kah Khrihcabu ah heem-atek patang-khangna te tong u poen. Celtuih thli thui muehla oengca thli boeih tah Judia peng oen Samaria ram ah yan khonghak. Bokna ben ah tlungmu thlaang khatsut lawngah Stefen rawkk te a kuem u, a kaw the u tih rap u.
Tede Sawl lawngtah khrihcabu te phe ham a yawm; im pakhat coeng pakhat ah cet tih oengca thli te hutaa khaw, tawngpa khaw akhup athalla a mawt tih ahimi te thongim ah a thlaak.

Aka yan khonghak oengca thli lawngah peng tawm ah cet u tih awlthang a thui u. Filip tah Samaria ram kah khawpui la te cet tih te kah aka awm thlaang thli tengah Messiah kawng te a thui pe. Filip kah awl thui dawngah thlaangping te a kaw thluembuek u, ahih lawng kawpoekrai a sai te a huh u tih atheenla awl te a hutung u. Raaithe lawng a kuun thlaang thli kah a kaw khui kalawng raaithe thli te vupaang ruila co u tih, aka khawn thlaang thli oen khowkheem thlaang thli broela hoeih u. Tedawngah khawpui khuikah thlaang thli tah awmngaih u.
Te khawpui khuiah Simon aka miingna thlaang pakhat awm tih amah kah caam thoemthaina oen Samaria thlaang thli te kawpoek a rai sak poepa. Ahih lawng amah te thlaang mailai nawh ni tila a thui tih, te khawpui kah thlaangcawm thlaangcee, ahem asang boeih lawng ahih awl te a ngaai pe u tih ahimi lawng, “Ahih tah ‘Alen Duet Huham Tharana’ a ti u Pathen kah tharana ni” tila te a thui u. Ahih lawngah amah kah caam thoemthaina oen asanhlangla ahimi te a thai alatna poen dawngah a thinkaw thluembuek u tih awl a ngaai pe u. Tede Jesuh Khrih kawng oen Pathen Ram kawng awlthang theen Filip lawng awlthang a phawng te a tangna u tih hutaa tawngpa lawngkhaw baptisma te a dang u. Simon lawngkhaw a tangna van tih baptisma a dang coeng atah Filip tengah te awm roep poen, ahih lawngah alentloe miknoekna oen kawpoekraina te a huh vengah a ngaai hang sut.
Jerusalem ah aka awm celtuih thli lawng Samaria khaaw kah thlaang thli lawngkhaw Pathen awl te a tangna u van poen tite a yaak u vengah Piter oen Johan te ahimi tengla a tuih u. Ahih rawi lawng a pha atah ahimi lawngah Ciim Muithla te a dangna u hamla oengca thli ham te a thangthui pe hih. Metihtiah Ciim Muithla te ahimi timkah a-u pakhat tengah khaw law thlan hun; ahimi lawngah Bawipa Jesuh miing bueng oen ah baptisma te a huh u hun dawngah ni. Tecoengah Piter oen Johan lawng ahimi sawah a kut te a thueng hih tih Ciim Muithla te a dang u.
Celtuih rawi lawngah ahimi sawah kut a thueng tih oengca thli lawng Ciim Muithla a dang u tite Simon lawng a huh. Tedawngah ahih lawng Piter oen Johan te tangka a peek tih, “A sawah ka kut ka thueng pe thlaang boeih lawng Ciim Muithla te a huhna u ham, huham tharana te kai m'pe van lah,” a tina.
Tede Piter lawng ahih nala te, “Pathen kah kutdo he tangka oen ka lai thai ai tila na poek dawngah namah oen na tangka te hell ah tla hih! Pathen mik huh ah na thinkaw lungbui a doeng nawh dawngah kaihih kah biibina dawngah na thuumna ham koei avaang athal khaw awm nawh. Tedawngah he ang na kamthlahna athe dawng kalawng yut langtah he ang thaihu na poek dawngah na sawah khawdawp avan ngaaina ham Bawipa tengah thangthui lah. Metihtiah nang he uett-eena oen na betoet tih thawlh thongtla la na awm tite kan huh.” a tina.
Simon lawng Piter oen Johan nala te, “Nanghih lawng na thui te ka sawah pakhat khaw a thoengna nawh ham reenna oen Bawipa tengah thangthui hih lah” a tina.
Piter oen Johan lawng Bawipa kawng a mik huh thli te a thui hih tih Bawipa awl te a phawng hih coeng atah Jerusalem la koep meel hih. A meel lam ah Samaria peng kah vangca vangnau yahawh hlang ah te Awlthang Theen a phawng hih.

Bawipa kah vanthlaang pakhat lawng Filip nala te, “Tho lang kamthlah lah, akaak ben Jerusalem kalawng Gaza la cehna lawngpui ah cet lah.” a tina. (He kah lawngpui he tahe ah hawna u tlaih nawh.) Tedawngah Filip tah tho tih cet. Lawngpueng ah im la aka meel Etiopia sengpahrang nu kah kaawn-ava kuemkung, awlpui koek bawi la aka awm Etiopia thlaang tiltleh a ti u pakhat te a hum. Ahih te Pathen bok hamla Jerusalem la cet tih amah kah maranglengg oen im la koep meel. Maranglengg a cit tih im la a meel vengah tawngha Isaiah cabu te a tae. Ciim Muithla lawng Filip nala, “Maranglengg tengah ayoeii-repla cet lah.” a tina. Filip lawngah heeng phai tih ayoeii rep veng atah ahih lawngah tawngha Isaiah kah cabu a tae awl te a yaak. Ahih nala te, “Nang lawng na tae te na yaakming aw?” tila a doet.
Te kah bawi lawng, “A-u lawng-khaw a thuicaih nawh maiah metila ka yaakming thai ai?” a tina. Te atah ahih lawng Filip te maranglengg dawngah luui ham oen ngawlh haih hamla te a ceel. Ahih lawngah caciim awl a tae te tah:
“Ngawn hamla a khuen
tuuca angla a mawt u tih,
a mul te a vawkk pe vengah
awl kaa aka law nawh
tuucano angla awm, ahih tah
awl kam at khaw thui nawh.
Ahih te yaraula a sai u tih,
asoeng akam nawh la awl a cek u,
dilai dawngah a hingna
aboet poen dawngah
ahih kah cadil nauha kawng te
a-u khat lawngkhaw
thui thai u manawh.” tila a thut te ni.
Te kah bawi lawng Filip nala te, “Tawngha lawngah a-u kawng a thui kai? Amah kawng aw a thui, tihnawhtah thlaangtloe kawng aw a thui kai, van thui lah?” a tina. Tecoeng atah Filip lawngah te kah caciim awl kalawng ah a tong pe tih Jesuh kawng Awlthang Theen te ahih tengah a thui pe. Ahih rawi tah poe cet thuk hih, tui a awmna te a pha hih veng atah te kah bawi lawng, “He ah tui awm he. Baptisma dang ham n'tu lawng kai he n'kang khak ai?” tila a thui. (Filip lawngah, “Na thinkaw lungbui boeih oen na tangna atah baptisma na dang ai ta” a tina. Ahih lawngah, “Jesuh Khrih tah Pathen Capa ni tite ka tangna” a tina.)
Te kah bawi lawngah maranglengg te a pai sak, Filip oen te kah bawi te tui dawngla bok cet thuk hih tih Filip lawng ahih te baptisma a peek. Ahih rawi te tui dawngkah a law hang hih vengah Bawipa kah Muithla lawng Filip te vik a ceh puei. Te kah bawi lawngah ahih te koep hu tlaih nawh, tede awmngaihna oen poe cet. Filip lawng Asdod khaw ka pha tite a ming; ahih tah Sisaria la cet tih a pha thlantoe lawngpueng kah khaw roekk ah te Awlthang Theen a thui.

Listen to CELTUIH 8