The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s1">Hala da Mchunga na Ng'hondolo Zake</div><div class="p"> 1Yesu kalonga, &#8220;Nowalongela ikweli, munhu yolema kwingila mulwigo lwa ng'hondolo mkubitila mulwivi, ila kozumha mkiwambaza, munhu hiyo m'bavi na m'bokonyi. 2Munhu yokwingila mkubitila mulwivi iyo mchunga wa ng'hondolo. 3Mwimilizi wa ulwivi kom'vugulila, na ng'hondolo wodihulika dizwi jake. Kowakema ng'hondolo zake na matwaga gao, na kuwalava hanze. 4Yahamala kuwalava hanze, kolongola haulongozi wao, na iwang'hondolo womkweleleza kwavija waditanga dizwi jake. 5Muhenza hawamkweleleza ila womkimbila, kwavija hawaditangile dizwi jake.&#8221;</div><div class="p"> 6Yesu kawalongela hala dino, ila hawaitangile nhegulo yake.</div><div class="s1">Yesu Mchunga Yanogile</div><div class="p"> 7Avo Yesu kalonga kabili, &#8220;Nowalongela ikweli, nie iyo ulwivi lwa ng'hondolo. 8Awo wayagwe wose wanilongole wabavi na mibokonyi, ila ng'hondolo hawawahulike. 9Nie iyo ulwivi. Munhu yoyose yondayengile mkubitila nie kokomboligwa. Kokwingila na kulawa kuchola kuzahila mandia. 10M'bavi kokwiza giladi yebe na kukoma na kubananga. Nie niza giladi muwe na ugima, na muwe nao bwando.&#8221;</div><div class="p"> 11&#8220;Nie iyo mchunga yanogile. Mchunga yanogile koulava ugima wake sama ya ng'hondolo. 12Munhu wa kitumetume ayo yali sio mchunga, na ng'hondolo sio zake. Yahamona mbwizi yokwiza, kowaleka iwang'hondolo na kukimbila. Avo mbwizi kowagoga iwang'hondolo na wayagwe wopwililika. 13Munhu wa kitumetume kokimbila kwavija munhu wa kitumetume hawagelegeza ng'hondolo, kwavija si ng'hondolo zake. 14Nie iyo mchunga yanogile. Nowatanga ng'hondolo zangu na hewo wonitanga, 15kamba vija Tataangu viyonitanga nie na nie vinimtanga Tataangu. Noulava ugima wangu sama ya ng'hondolo. 16Hana ng'hondolo zangu wayagwe hawali mdikonhi dino. Vivija nolondigwa niwengize, woihulika nongelo yangu na kugaluka dale dimwe na mchunga imwe.</div><div class="p"> 17&#8220;Tata kaninogela nie kwavija noulava ugima wangu, giladi niubokele kabili. 18Haduhu munhu yonisegezela ugima wangu. Noulava nene mwenyego. Nodaha kuulava na nodaha kuubweza kabili. Vino vivo Tataangu vayanilagize nitende.&#8221;</div><div class="p"> 19Wayahudi wakiigola kabili sama ya mbuli zino. 20Wayahudi bwando walonga, &#8220;Kana kinyamkela, na kana luwege! Habali mumtegeleza?&#8221;</div><div class="p"> 21Ila wayagwe walonga, &#8220;Munhu yali na kinyamkela hadaha kulonga kamba vino! Kodahaze kinyamkela kuwatenda wanhu vimbugumbugu walole?&#8221;</div><div class="s1">Yesu Kolemigwa</div><div class="p"> 22Ukala msimu wa kihuhe, na Lusona lwa Kuifumbika Ng'anda ya Mulungu Mmakono ga Mulungu lukala lugendelela ako Yelusalemu. 23Yesu kakala yobita hanhu hokemigwa Lubuga lwa Selemani muja mgati ya idikonhi da Ing'anda ya Mulungu. 24Wakulu wa Wayahudi wammemela wamzunguluka, abaho, wamuuza, &#8220;Kotululunganya mbaka zua dilihi? Tulongele ikweli kamba gweye iyo Kilisto!&#8221;</div><div class="p"> 25Yesu kawalongela, &#8220;Niwalongela nisha, ila hamulondile kutogola. Mbuli zinitenda mtwaga da Tataangu zolonga vinili nie. 26Ila hamunitogola kwavija mweye hamuli ng'hondolo zangu. 27Ng'hondolo zangu wodihulika dizwi jangu. Nowatanga, na wonikweleleza nie. 28Nowagwelela ugima wa digunge, na hawadanganhika, na haduhu munhu yondayadahe kuwabokonya kulawa kumwangu. 29Tataangu, yangwelele wano, iyo mkulu kubanza vinhu vose. Haduhu munhu yondayadahe kuwabokonya kulawa mmakono gake Tata. 30Tata na nie twa kinhu kimwe.&#8221;</div><div class="p"> 31Abaho, Wayahudi wenula mabwe kabili wamtoe nago. 32Yesu kawalongela, &#8220;Niwalagusila mizonza bwando mikulu kulawa ha Tataangu, mbuli ilihi ihile yumulondela kunitoela na mabwe?&#8221;</div><div class="p"> 33Wamulongela, &#8220;Hatulonda kukutoa gweye na mabwe sama ya mbuli zinogile, ila sama ya ufukuzi wako! Gweye kwa munhu, abaho, kokiitenda mwenyego kuwa Mulungu!&#8221;</div><div class="p"> 34Yesu kawedika kalonga, &#8220;Hayandikigwe Mmalagizo genu, &#8216;Nilonga, mweye mwa miungu&#8217;? 35Kamba Mulungu kawakema &#8216;miungu&#8217; awo wavikiligwe na usenga wake, na Nyandiko Zing'alile hazidahika kubezigwa, 36kamba nie Tata kanisagula na kunhuma muulumwengu, vilihi mweye molonga nofukula kwavija nilonga nie iyo Mwana wa Mulungu? 37Kamba sitendile sang'hano zoyonilonda nitende Tataangu, sambimunitogole. 38Ila kamba nihazitenda, hata kamba hamunitogola, mogatogola gaja gondanitende, giladi m'vitange kamba Tata ka mgati yangu, na nie na mgati ya Tataangu.&#8221;</div><div class="p"> 39Walonda kumgoga mwanza uyagwe kabili, ila kawazuluhuka mmakono gao.</div><div class="p"> 40Abaho, Yesu kabweleganya mwambu wa ikabili wa Ulwanda lwa Yolodani kachola hanhu haja hayakalile yobatiza Yohana umwaka, kakala haja. 41Wanhu bwando wamcholela, walonga, &#8220;Yohana hatendile mzonza wowose, ila mbuli zose zayamulongile munhu ino zilawila kweli.&#8221; 42Avo wanhu bwando haja wamtogola Yesu.</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Yesu kalonga, “Nowalongela ikweli, munhu yolema kwingila mulwigo lwa ng'hondolo mkubitila mulwivi, ila kozumha mkiwambaza, munhu hiyo m'bavi na m'bokonyi. Munhu yokwingila mkubitila mulwivi iyo mchunga wa ng'hondolo. Mwimilizi wa ulwivi kom'vugulila, na ng'hondolo wodihulika dizwi jake. Kowakema ng'hondolo zake na matwaga gao, na kuwalava hanze. Yahamala kuwalava hanze, kolongola haulongozi wao, na iwang'hondolo womkweleleza kwavija waditanga dizwi jake. Muhenza hawamkweleleza ila womkimbila, kwavija hawaditangile dizwi jake.”
Yesu kawalongela hala dino, ila hawaitangile nhegulo yake.

Avo Yesu kalonga kabili, “Nowalongela ikweli, nie iyo ulwivi lwa ng'hondolo. Awo wayagwe wose wanilongole wabavi na mibokonyi, ila ng'hondolo hawawahulike. Nie iyo ulwivi. Munhu yoyose yondayengile mkubitila nie kokomboligwa. Kokwingila na kulawa kuchola kuzahila mandia. M'bavi kokwiza giladi yebe na kukoma na kubananga. Nie niza giladi muwe na ugima, na muwe nao bwando.”
“Nie iyo mchunga yanogile. Mchunga yanogile koulava ugima wake sama ya ng'hondolo. Munhu wa kitumetume ayo yali sio mchunga, na ng'hondolo sio zake. Yahamona mbwizi yokwiza, kowaleka iwang'hondolo na kukimbila. Avo mbwizi kowagoga iwang'hondolo na wayagwe wopwililika. Munhu wa kitumetume kokimbila kwavija munhu wa kitumetume hawagelegeza ng'hondolo, kwavija si ng'hondolo zake. Nie iyo mchunga yanogile. Nowatanga ng'hondolo zangu na hewo wonitanga, kamba vija Tataangu viyonitanga nie na nie vinimtanga Tataangu. Noulava ugima wangu sama ya ng'hondolo. Hana ng'hondolo zangu wayagwe hawali mdikonhi dino. Vivija nolondigwa niwengize, woihulika nongelo yangu na kugaluka dale dimwe na mchunga imwe.
“Tata kaninogela nie kwavija noulava ugima wangu, giladi niubokele kabili. Haduhu munhu yonisegezela ugima wangu. Noulava nene mwenyego. Nodaha kuulava na nodaha kuubweza kabili. Vino vivo Tataangu vayanilagize nitende.”
Wayahudi wakiigola kabili sama ya mbuli zino. Wayahudi bwando walonga, “Kana kinyamkela, na kana luwege! Habali mumtegeleza?”
Ila wayagwe walonga, “Munhu yali na kinyamkela hadaha kulonga kamba vino! Kodahaze kinyamkela kuwatenda wanhu vimbugumbugu walole?”

Ukala msimu wa kihuhe, na Lusona lwa Kuifumbika Ng'anda ya Mulungu Mmakono ga Mulungu lukala lugendelela ako Yelusalemu. Yesu kakala yobita hanhu hokemigwa Lubuga lwa Selemani muja mgati ya idikonhi da Ing'anda ya Mulungu. Wakulu wa Wayahudi wammemela wamzunguluka, abaho, wamuuza, “Kotululunganya mbaka zua dilihi? Tulongele ikweli kamba gweye iyo Kilisto!”
Yesu kawalongela, “Niwalongela nisha, ila hamulondile kutogola. Mbuli zinitenda mtwaga da Tataangu zolonga vinili nie. Ila hamunitogola kwavija mweye hamuli ng'hondolo zangu. Ng'hondolo zangu wodihulika dizwi jangu. Nowatanga, na wonikweleleza nie. Nowagwelela ugima wa digunge, na hawadanganhika, na haduhu munhu yondayadahe kuwabokonya kulawa kumwangu. Tataangu, yangwelele wano, iyo mkulu kubanza vinhu vose. Haduhu munhu yondayadahe kuwabokonya kulawa mmakono gake Tata. Tata na nie twa kinhu kimwe.”
Abaho, Wayahudi wenula mabwe kabili wamtoe nago. Yesu kawalongela, “Niwalagusila mizonza bwando mikulu kulawa ha Tataangu, mbuli ilihi ihile yumulondela kunitoela na mabwe?”
Wamulongela, “Hatulonda kukutoa gweye na mabwe sama ya mbuli zinogile, ila sama ya ufukuzi wako! Gweye kwa munhu, abaho, kokiitenda mwenyego kuwa Mulungu!”
Yesu kawedika kalonga, “Hayandikigwe Mmalagizo genu, ‘Nilonga, mweye mwa miungu’? Kamba Mulungu kawakema ‘miungu’ awo wavikiligwe na usenga wake, na Nyandiko Zing'alile hazidahika kubezigwa, kamba nie Tata kanisagula na kunhuma muulumwengu, vilihi mweye molonga nofukula kwavija nilonga nie iyo Mwana wa Mulungu? Kamba sitendile sang'hano zoyonilonda nitende Tataangu, sambimunitogole. Ila kamba nihazitenda, hata kamba hamunitogola, mogatogola gaja gondanitende, giladi m'vitange kamba Tata ka mgati yangu, na nie na mgati ya Tataangu.”
Walonda kumgoga mwanza uyagwe kabili, ila kawazuluhuka mmakono gao.
Abaho, Yesu kabweleganya mwambu wa ikabili wa Ulwanda lwa Yolodani kachola hanhu haja hayakalile yobatiza Yohana umwaka, kakala haja. Wanhu bwando wamcholela, walonga, “Yohana hatendile mzonza wowose, ila mbuli zose zayamulongile munhu ino zilawila kweli.” Avo wanhu bwando haja wamtogola Yesu.

Listen to YOHANA 10