Luke 9
9
1ယ့ၣ်ရှူးကိးဖှိၣ်အခ့အပှၤတဆ့ခံဂၤ, ဘျီးဟ့အဝဲဝီၤလိတၢ်စိတၢ်ကမီၤဘျီး ဟ့စိဟ့ကမီၤ အဝဲဝီၤလိ အကဟီထီၣ်ကွံၤတၢ်ဝ့းတၢ်နါ, ဘျီးကမၤဘျါဂ့ၤတၢ်ဆူးတၢ်ဆါတလိၣ် အဂီၢ်လိ. 2အနံၤဝံၤဘျီး အဝဲဒၣ်မၢလီၤအဝဲဝီၤဒ်သိး အကဟီတရါလီၤတၢ်ဘၣ်ဃးကစၢ်ယွၤအဘီအမုၢ်ဘျီး အကမၤဟါမၢ်ဘၠီၣ်ဆူးဘၠီၣ်ဆါတလိၣ်အဂီၢ်နဲၢ်လိ. 3အဝဲဒၣ်စံးဘၣ်အဝဲဝီၤ, ‘လိသုတၢ်လဲၤတၢ်က့ၤအဂီၢ်နဲၢ်, စိၤတၢ်နီတမံၤတဂ့ၤ. နီၢ်ထွိးဘိၣ်မဲၢ်ဂ့ၤ, ထၢၣ်မဲၢ်ဂ့ၤ, တၢ်အီၣ်မဲၢ်ဂ့ၤ, တိၢ်ဧိၤစ့ၣ်ဧိၤမဲၢ်ဂ့ၤ, ဆ့ကၤအဘျဲၣ်တဘ့ၣ်ဒၣ်လဲၤစိၤအီၤတဂ့ၤ. 4ဖဲသုဘၣ်တၢ်တူၢ်လိၤမူၤသုတပူၤပူၤနဲၢ်, အိၣ်လိ ဟံၣ်တဖျၢၣ်ဃီနဲၢ်အပူၤတုၤလိ သုဟးထီၣ်ကွံၤဖဲဝ့ၢ်ပူၤတကဲၢ်. 5တၢ်လီၢ်တပူၤပူၤလိ ဘၠီၣ်တတူၢ်လိၤမူၤသုနဲၢ်, ဟးထီၣ်ကွံၤလိ ဝ့ၢ်အဝဲနံၤ အပူၤ, ဘျီး တဆ့းလီၤကွံၤဟီၣ်ခွိၣ်အကမူလိ သုခီၣ်ဒ့အဖီလၤဒ်သိး အကပၤဖျါထီၣ်တၢ်ပနီၣ်ဘၣ်ဃးတၢ်အုၣ်အသးထီဒါ အဝဲဝီၤနဲၢ်တကဲၢ်.’ 6အခ့အပှၤတလိၣ်ဟးထီၣ်ဘျီး လဲၤခီဂၤဒူသဝီကိးဖျၢၣ်ဒ့း, ဘျီး ဖဲအဝဲဝီၤ လဲၤတၢ်တပူၤပူၤနဲၢ်, ဟီတရါတၢ်သးခုကစီၣ်ဘျီး မၤဟါမၢ်ဘၠီၣ်အဘၣ်တၢ်ဆါတလိၣ်လိ. 7ကီၢ်ကၤလံၤလါ အပဒွိၣ်, စီၤဟ့ၤရိးနၢ်ဟူဘၣ်ဝဲဘၣ်ဃး လါတၢ်လိ အမၤအသးတလိၣ်ခဲလုၤလိ အဝဲအတၢ်ဆိကမိၣ်ခွိၣ်ခံခွိၣ်ဒါတၢ်ဝဲလိ အဂ့ၢ်လိ. တၢ်ဂ့ၢ်မဲၢ်ဒ့းအ့ၤ, ဘၠီၣ်တနီၤစံးဝဲလိ ဘၠီၣ်ဘျၢတၢ် စီၤယိၤဟၣ်ဂ့ၤထ့ထီၣ်က့ၤဝဲလ့. 8ဘၠီၣ်အဂၤတလိၣ်စံးဝဲလိ စီၤအ့ၤလံယၤလီၤဖျါထီၣ်လ့အသး, ဖဲ အဂၤတနီၢ်စံးဝဲလိ ဝံလိပျၢၤအကျၣ်တဂၤဂ့ၤ ထ့ထီၣ်က့ၤလ့ဝဲဒၣ်နဲၢ်လိ. 9စီၤဟ့ၤရိာ်စံးဝဲ, ‘ယမၢပၤစၢၤဘၠီၣ်ကျီသီၣ်တ့ၤကွံၤစီၤယိၤဟၣ်အခွိၣ်သၣ်ဃ့းလ့. မဲၢ်မဲၢ်ဘၠီၣ်တဂၤအံၤလိ ယနၢ်ဟူဘၣ်အဂ့ၢ်အကျိၤတလိၣ်အံၤနဲၢ်, မဲၢ်မတဂၤလဲၣ်’ ဘျီး အဝဲဒၣ်ဂုၢ်ကျဲးစၢၤချုးထ့ၣ်ယ့ၣ်ရှူးလိ. 10ဘၠီၣ်တၢ်မၢဖွိတလိၣ်ဟဲက့ၤဘျီးစံးဘၣ်ယ့ၣ်ရှူး ကယဲၢ်တၢ်လိ အဝဲဝီၤမၤပၤစၢၤဝဲခဲလုၤလိ. အဝဲဒၣ်ကိးအဝဲဝီၤဘျီး လဲၤဒၣ်ထဲ အဝဲဝီၤတဖူၣ်ဧိၤလိဝ့ၢ်တဖျၢၣ်လိ အမံၤမဲၢ်ဝဲ ဘ့ၤသစဲဒၤလိ. 11ဖဲဘၠီၣ်ထီဖူၣ်ထီခၠၢတလိၣ်နၢ်ဟူတၢ်အံၤနဲၢ်, အဝဲဝီၤလဲၤပိၤအခံလိ. အဝဲဒၣ်တူၤလိၤခီၣ်ဆၢအဝဲဝီၤ, ကတိၤတၢ်လါ အဝဲဝီၤဘၣ်ဃး ကစၢ်ယွၤအဘီအမုၢ်, ဘျီးမၤဟါမၢ်ဘၠီၣ်လိ အလိၢ်ဘၣ်တၢ်မၤဟါမၢ်ဂ့ၤအီၤတလိၣ်လိ. 12ဖဲမုၢ်လီၤနုသီနဲၢ်, အခ့အပှၤတဆ့ခံဂၤ ဟဲလိ အအိၣ်ဘျီးစံးဝဲ, ‘ပျၢ်လီၤ ကွံၤဘၠီၣ်ထီဖူၣ်ထီခၠၢတလိၣ်ဒ်သိး အဝဲဝီၤကလဲၤလိ ဒူသဝီဘျီး စံၤလီၢ်ပှဲၤလီၢ်အိၣ်ဖဲတၢ်အကပွိၤကပၤ, လိ အချုအီၣ်ချုးအီဘျီးချုတၢ်လီၢ်လိ အကမံအိၣ်ဘှံး အိၣ်သါအဂီၢ်နဲၢ်တကဲၢ်. တၢ်ဂ့ၢ်ဒ့းအ့ၤ တၢ်လီၢ်တတီၢ်အံၤ စီၤစုၤယံၤဝဲလါ ခူပူၤဝ့ၢ်ပူၤလိ.’ 13ၢၤဘျီး ယ့ၣ်ရှူးစံးဘၣ်အဝဲဝီၤ, ‘ဒွိးအီၣ်အဝဲဝီၤတၢ်တမံၤမံၤလိ သုနီၢ်ကစၢ်ဒၣ်သုဝဲတကဲၢ်.’ အဝဲဝီၤ စံးဆၢဝဲ, ‘တၢ်လိ အအိၣ်လါဘၠီၣ်နဲၢ် အိၣ်ဒၣ်ကွိၣ်ယဲၢ်ဖျၢၣ်လါညၣ်ခံဘ့ၣ်လိ. မဲၢ်နသးအိၣ်လိ ပကလဲၤဘျီး ပှ့ၤနဲၢ်တၢ်အီၣ်လိ ဘၠီၣ်ထီဖူၣ်ထီခၠၢအံၤအဂီၢ်ဧါ. 14ဘၠီၣ်ပွိၤခွါ အိၣ်ဝဲဒၣ်အဂၤယဲၢ်ကထိ ဃၣ်ဃၣ် ဖဲတၢ်လီၢ်အဝဲနဲၢ်လိ. ယ့ၣ်ရှူးစံးဘၣ်အခ့အပှၤတလိၣ်, ‘မၢဘၠီၣ်ထီဖူၣ်ထီခၠၢတလိၣ်ဆ့နီၤအဂၤယဲၢ်ဆ့တဖူၣ်, အဂၤယဲၢ်ဆံတဖူၣ်တကဲၢ်.’ 15အခ့အပှၤတလိၣ်မၤဝဲဒ့းန့ၤ, ဘျီး မၢဘၠီၣ်ထီဖူၣ်ထီခၠၢဆ့နီၤကိးဂၤ
၁၆. ယ့ၣ်ရှူးဟံးန့ၢ်ကွိၣ်ယဲၢ်ဖျၢၣ်လါညၣ်ခံဘ့ၣ်နဲၢ်, ဘျီးကွၢ်ထီၣ်တၢ်လိ မွိခွိၣ်, စံးဘျုးကစၢ်ယွၤအဃိ, စိၤပလ့းအီၤဘျီး ဟ့လီၤအီၤလိ အခ့အပှၤတလိၣ်အအိၣ်အဂီၢ်နဲၢ်လိ. 16ယ့ၣ်ရှူးဟံးန့ၢ်ကွိၣ်ယဲၢ်ဖျၢၣ်လါညၣ်ခံဘ့ၣ်နဲၢ်, ဘျီးကွၢ်ထီၣ်တၢ်လိ မွိခွိၣ်, စံးဘျုးကစၢ်ယွၤအဃိ, စိၤပလ့းအီၤဘျီး ဟ့လီၤအီၤလိ အခ့အပှၤတလိၣ်အအိၣ်အဂီၢ်နဲၢ်လိ. 17အဝဲဝီၤ ကိးဂၤဒ့းအီၣ်တၢ်, ဘျီး အဟူဖၢပှဲၤဝဲ, ဘျီး အခ့အပှၤတလိၣ်ထၢဖှိၣ်ဂ့ၤအတၢ်အိၣ်ဘျဲၣ်ဝဲ ကူၣ်တဆံခံဒုၣ်လိ. 18ဘၣ်တနံၤဖဲ ယ့ၣ်ရှူးဃ့ဘါထုကဖၣ်တၢ်ထဲ တဂၤဧိၤအဆၢကတီၢ်နဲၢ်, အခ့အပှၤတလိၣ် ဟဲလိ အအိၣ်လိ. အဝဲဒၣ်သ့းကွၢ်အဝဲဝီၤ, ‘ဘၠီၣ်ထီဖူၣ်ထီခၠၢတလိၣ် စံးလိ ယမဲၢ်မတဂၤလဲၣ်.’ 19အဝဲဝီၤစံးဆၢဝဲ, ‘ဘၠီၣ်တနီၤစံးလိ နမဲၢ်ဘၠီၣ်ဘျၢတၢ်စီၤယိၤဟၣ်, တနီၤစံးလိ နမဲၢ်စီၤအ့ၤလံယၤ, ဘျီး အဂၤတနီၤစံးလိ နမဲၢ်ဝံလိ ပျၢၤအကျၣ်တဂၤလိ အဂ့ၤထ့ထီၣ်က့ၤဝဲနဲၢ်လိ. 20ယ့ၣ်ရှူးသ့းကွၢ်အဝဲဝီၤ, ‘မဲၢ်မဲၢ် သုဝဲ သုစံးလိ ယမဲၢ်မတဂၤလဲၣ်.’ စီၤပ့းတရူး စံးဆၢဝဲ, ‘နမဲၢ် ကစၢ်ယွၤ အခရံာ်တဂၤလိ.’
<br> 21တုၤနုတဘျီ ယ့ၣ်ရှူးမါလွိၤအဝဲဝီၤလီၤတံၢ်ဒ်သိး အသုတစံးဘၣ်တၢ်ဂ့ၢ်တမံၤအံၤလိ ဘၠီၣ်နီတဂၤတဂ့ၤ. 22ဘျီး စံးအၣ်ထီၣ်အသီတဘျီဝဲ, ‘ပှၤကညီဖွိခွါ ကဘၣ်တူၢ်တၢ်အါမံၤအါမၠိ, ဘျီး ကဘၣ်တၢ်ညိကွံၤအီၤလိ ဘၠီၣ်ယူဒၤဖွိကရၢအခွိၣ်အနၢ်တလိၣ်, ဘၠီၣ်လုၢ်တၢ်အခွိၣ်အဒွိၣ်တလိၣ်, ဘျီး ဘၠီၣ်သ့းတၢ်ဘူၣ်တၢ်ဘါအတၢ်သိၣ်တၢ်သီတလိၣ်နဲၢ်လိ. အဝဲဒၣ် ကဘၣ်တၢ်မၤသ့းအီၣ်, ဘျီးဖဲသၢနံၤတနံၤနဲၢ် အဝဲကဘၣ်တၢ်ဒုးဂ့ၤထ့ထီၣ်က့ၤအီၤလိ.’ 23ဘျီး အဝဲဒၣ် စံးဘၣ်ဘၠီၣ်ကိးဂၤဒ့း, ‘ဘၠီၣ်မဲၢ်သးအိၣ်ပိၤယခံတဂၤဂၤနဲၢ်, အဝဲဒၣ် ကဘၣ်တၢ်ညိကွံၤအသး, ဟံးထီၣ်ထူၣ်စုညါကိးနံးဒ့းဘျီး ကဲၢ်ထီၣ်ယခ့ယပှၤလိ.’ 24တၢ်ဂ့ၢ်ဒ့းအ့ၤ, ဘၠီၣ်တဂၤလၢ်လၢ်လိ အအဲၣ်ဒိးအုၣ်က့ၤခီၣ်က့ၤအသးသမူဒၣ်ဝဲနဲၢ်, အသးသမူကလီၤမၢ်နဲလိ. မဲၢ်မဲၢ်ဘၠီၣ်တဂၤလၢ်လၢ်လိ အဒွိလီၤမၢ်ကွံၤအသးသမူဒၣ်ဝဲလိ ယဃိနဲၢ်, ကအုၣ်က့ၤခီၣ်က့ၤအသးသမူ ဒၣ်ဝဲနဲၢ်လိ. 25တၢ်ဂ့ၢ်ဒ့းအ့ၤ, ဘၠီၣ်တဂၤမဲၢ်ဒိးန့ၢ်ဘၣ် ဟီၣ်ခွိၣ်ထီဘ့ၣ်ညါ လၢၤအနီၢ်ကစၢ်ဒၣ်ဝဲ မဲၢ်ဟါမၢ်ကွံၤ မဲၢ်တမဲၢ် ဘၣ်တၢ်မၤနၢၤအီၤနဲၢ်, ကဒိးန့ၢ်တၢ်ဘျုးတၢ်ဖှိၣ်တမံၤမံၤ ကစီဒီဧါ. တဒိန့ၢ်ဝဲလ့ၤတက့ၢ်ဘၣ်. 26ဘၠီၣ်တဂၤမဲၢ်မံၤဆှးယၤဘျီး ယတၢ်သိၣ်လီၤသီလီၤတလိၣ်နဲၢ်, ပှၤကညိဖွိခွါကမံၤဆှးအီၤဖဲ အဝဲဒၣ်ဟဲလိ အလၤကပီၤအပူၤ, ဘျီး အပၢ်အလၤကပီၤအပူၤဘျီး လိကလူးစီဆှံတလိၣ်အလၤကပီၤအပူၤအဆၢကတီၢ်နဲၢ်လိ. 27ယစံးဘၣ်သုနီကီၢ် ဘၠီၣ်အိၣ်ဝဲဒၣ်ဖဲအံၤတနီၤလိ အတချုးထ့ၣ်ဘၣ်ဒံးကစၢ်ယွၤအဘီအမုၢ်ဘၣ်ဘျီး တသ့းဒံးဝဲဘၣ်လိ.’ 28ယ့ၣ်ရှူးစံးကတိၤတၢ်တလိၣ်အံၤဝံၤ အလီၢ်ခံကဘၣ်တနွံနဲၢ်, အဝဲဒၣ် ကိးစီၤပ့းတရူး, စီၤယိၤဟၣ်ဘျီး စီၤယၤကိာ်တလိၣ်လါလဲၤထီၣ်လိ တၢ်လုၢ်တဖျၢၣ်အလိၤဒ်သိး အကဃ့ဘါထုကဖၣ်တၢ်လိ. 29ဖဲအဝဲဒၣ် ဃ့ဘါထုကဖၣ်အဖၢမုၢ်နဲၢ် အမံၤအသၣ်အက့ၢ်အဂီၤလဲလွိၤအသးဘျီး အကူအသိတလိၣ်ဝၣ်ထီၣ်ဘျီး ကပြုၢ်ကပြီၤမးလိ. 30တဘျီဃီဘၠီၣ်အိၣ်ဝဲဖဲနံၤခံဂၤလိ အကတိၤတၢ်လါယ့ၣ်ရှူးလိ. အဝဲဝီၤမဲၢ်စီၤမိၤရှ့လါစီၤအ့ၤလံယၤ. 31လိအအိၣ်ဖျါထီၣ်လိ မွိခွိၣ်အတၢ်လၤတၢ်ကပီၤအပူၤ, ဘျီး တၢ်ကတိၤတၢ်လါယ့ၣ်ရှူးဘၣ်ဃးလါ တၢ်ဂ့ၢ်လိတယံၤလၢၤဘၣ်နဲၢ် ယ့ၣ်ရှူးကမၤလိထီၣ်ပှဲၤထီၣ် ကစၢ်ယွၤအတၢ်တိာ်ပၤခီဖျိ အသ့းဝဲဖဲ ဝ့ၢ်ယရူၤရှလ့ၣ်နဲၢ်လိ. 32စီၤပ့းတရူးလါ အမံဖီၣ်တလိၣ် အိၣ်လိ တၢ်မ့ဖးထိအပူၤလၢၤအဝဲဝီၤ ဂ့ၤထ့ဘျီး ထ့ၣ်ယ့ၣ်ရှူးအလၤကပီၤ, ဘျီး ဘၠီၣ်ခံဂၤလိ အအိၣ်ဆ့ထၢၣ်လါယ့ၣ်ရှူးနဲၢ်လိ. 33ဖဲဘၠီၣ်တလိၣ်နဲၢ် ဟးထီၣ်ကွံၤလိ ယ့ၣ်ရှူးအကပၤနဲၢ် စီၤပ့းတရူးစံးဘၣ်ယ့ၣ်ရှူး, ‘ကစၢ်ဧိ ပအိၣ်ဖဲအံၤနဲၢ် မဲၢ်တၢ်လိအဂ့ၤနီၢ်လိ. ပကဘှီၣ်ထီၣ်ဒဲၣ်သၢဖျၢၣ်, တဖျၢၣ်လိ နဂီၢ်, တဖျၢၣ်လိ စီၤမိရှ့အဂီၢ်ဘျီး တဖျၢၣ်လိ စီၤအ့ၤလံယၤအဂီၢ်နဲၢ်တကဲၢ်. (နီၢ်နီၢ်နဲၢ် အဝဲစံးတၢ်မနီၢ်လဲၢ်နဲၢ် တသံညါဝဲဘၣ်.) 34ဖဲအဝဲဒၣ်ကတိၤဒံးတၢ်အဖၢမုၢ်နဲၢ်, တၢ်အၢၣ်တလိၣ်ဟဲအိၣ်ဖျါထီၣ်ဘျီး အကဒုၣ်လီၤဘၣ်အဝဲဝီၤလိ. ဖဲတၢ်အၢၣ်လီၤကဒုၣ်ဘၣ်အခ့အပှၤတလိၣ်အံၤနဲၢ်, အဝဲဝီၤ အသးပလံၤတၢ်လိ. 35တၢ်ကလုၢ်ဟဲသီၣ်ထီၣ်လိ တၢ်အၢၣ်အပူၤဘျီး စံးဝဲ, ‘အဝဲအံၤ မဲၢ်ယဖွိခွါလိ ယဃုထၢပၤစၢၤအီၤတဂၤလိ. ဒိကနၢ်အကလုာ်တကဲၢ်.’ 36ဖဲတၢ်ကလုၢ်အိၣ်ကတီၢ်နဲၢ်, ယ့ၣ်ရှူးအိၣ်တီၢ်ဝဲထဲတဂၤဧိၤလိ. အခ့အပှၤတလိၣ် အိၣ်ကစုၣ်ဒုၣ်ဝဲဘၣ်ဃးတၢ်ဂ့ၢ်အံၤခဲလုၤ, ဘျီး ဖဲစိၤဆၢကတီၢ်အဝဲနံၤ, အဝဲဝီၤ တစံးဘၣ်တၢ်လိ အထ့ၣ်ဘၣ်ပၤစၢၤဝဲနီတမံၤလိဘၠီၣ်နီတဂၤဘၣ်. 37လိခံတနံၤ ဖဲအဝဲဝီၤဟဲက့ၤလီၤလိ တၢ်လုၢ်ခွိၣ်နဲၢ်, ဘၠီၣ်ထီထူၣ်ထီခၠၢဖးဒွိၣ်လဲၤသဂၢၢ်အီၤလိ. 38ဘၠီၣ်လိဘၠီၣ်ထီဖူၣ်ထီခၠၢအကျၣ်တဂၤကိးထီၣ်ဝဲ, ‘သရၣ်ဧိ, ယဃ့ကညးနၤ, ကွၢ်ယဖွိခွါ, ယဖွိခွါအိၣ်ဝဲတဂၤဧိၤအံၤတကဲၢ်. 39တၢ်နါတဒုၣ်ဒိးအီၤဘျိး အဝဲဒၣ်ကိးကလူထီၣ်တဘျီဃီလိ အကလုၢ်ဖးဒွိၣ်ဘျီး ထွိးပျုၢ်ထီၣ်ဝဲ, တုၤနီၢ်လိ အခၣ်သဘှဲၣ်ဟဲထီၣ်ဝဲလိ. တၢ်နါတဒုၣ်အံၤ မၤဆါထီဃၤပွိၤခွါဖွိသၣ်တဂၤအံၤဘျီးတပျၢ်လီၤဝဲညိကဒၣ်ဘၣ်. 40ယဃ့ကညးနခ့နပှၤတလိၣ်လိ အကဟီထီၣ်ကွံၤတၢ်နါအံၤလၢၤအဝဲဝီၤမၤဝဲတသ့းဘၣ်. 41ယ့ၣ်ရှူးစံးဆၢဝဲ, ‘သုဝဲဝီၤအံၤ သုတၢ်စူၤတၢ်နၤတအိၣ်, ဘျီးသုနၢ်က့ၣ်နီလိ. ယကဘၣ်အိၣ်ပကိးသုထဲလဲၣ်ခိလဲၣ်. ယကဘၣ်ဝံသးစူၤသုထဲလဲၣ်ခိလဲၣ်.’ တုၤနုၤတဘျီး အဝဲဒၣ်စံးဘၣ်ဘၠီၣ်တဂၤနဲၢ်, ‘ဟဲစိၤနဖွိခွါဖဲအံၤတကဲၢ်.’ 42ဘၠီၣ်ပွိၤခွါဖွိသၣ်ဟဲဝဲအဖၢမုၢ်နဲၢ်, တၢ်နါမၤလီၤကိၢ်အီၤလိ ဟီၣ်ခွိၣ်လိၤဘျီးဒွိးပျုၢ်ထီၣ်အီၤလိ. ယ့ၣ်ရှူးဒူၣ်တၢ်နါအလိၤ, မၤဟါမၢ်ဂ့ၤပွိၤခွါဖွိသၣ်, ဘျီးဟ့ဂ့ၤအီၤလိ အပၢ်အအိၣ်လိ. 43ဘၠီၣ်ကိးဂၤဒ့းကမၢကမၣ်ဝဲလိကစၢ်ယွၤအစိကမီၤအဒွိၣ်အမုၢ်တမံၤအံၤအဃိလိ. ဖဲဘၠီၣ်ထီဖူၣ်ထီခၠၢကမၢကမၣ်ဒ်ဝဲတၢ်လိ ကယဲၢ်တၢ်လိယ့ၣ်ရှူးမၤဝဲတလိၣ်အဃိ အဖၢမုၢ်နဲၢ်အဝဲစံးဘၣ်အခ့အပှၤတလိၣ်. 44’တၢ်လိ ယစံးဘၣ်သု ခဲနဲအံၤနဲၢ်, တဘၣ်သးသပ့ၤတဂ့ၤ, ပှၤကညီဖွိခွါအံၤကဘၣ်တၢ်ဟ့လီၤကွံၤအီၤလိ ပှၤကညီအစိကမီၤအစုၣ်ပူၤလိ.’ 45လၢၤဘျီး တၢ်ကတိၤဒိတထ့ၣ်အံၤအခီပညီမဲၢ်ဝဲတၢ်ဒ်လဲၢ်နဲၢ်, အဝဲဝီၤတသံညါဝဲဘၣ်. အခီပညီဘၣ်တၢ်ပၤကိးသုၣ်နီၢ်အီၤလိ အဝဲဝီၤအမံၤညါဒ်သိး အသုတနၢ်ပၢၢ်ဝဲတဂ့ၤအဂီၢ်လိ. ဘျီး အဝဲဝီၤအမံၤညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လိ. ဘျီး အဝဲဝီၤ ကသ့းကွၢ်အီၤဘၣ်ဃးတၢ်ဂ့ၢ်တမံၤအံၤနဲၢ်, သ့းကွၢ်ဝဲ တဘူၣ်ဘၣ်. 46တၢ်ည့းလူၤခူၣ်လူၤအိၣ်ထီၣ်လိ အခ့အပှၤတလိၣ်အကျၣ်ဘၣ်ဃးလါမတဂၤမဲၢ်ဘၠီၣ်အဒွိၣ်ကတၢၢ်လိ အဝဲဝီၤတလိၣ်အကျၣ်လဲၣ်နဲၢ်လိ. 47ယ့ၣ်ရှူးသံညါ အဝဲဝီၤ အတၢ်ဆိကမိၣ်အသးဘျီး အဝဲဟံးနဲၢ်ဖွိသၣ်တဂၤ, ဒွိးဆ့ထၢၣ်ဝဲလိ လိအကပၤ. 48ဘျီးစံးဘၣ်အဝဲဝီၤ, ‘ဘၠီၣ်တဂၤလၢ်လၢ်လိ အတူၢ်လိၤဖွိသၣ်တဂၤအံၤလိ ယမံၤအဃိနဲၢ်, မဲၢ်အတူၢ်လိၤယၤ, ဘျီးဘၠီၣ်တဂၤလၢ်လၢ်လိ အတူၢ်လိၤယၤနဲၢ်, မဲၢ်အတူၢ်လိၤဘၠီၣ်လိအမၢလီၤယၤတဂၤနဲၢ်လိ. တၢ်ဂ့ၢ်မဲၢ်ဒ့းအ့ၤ, ဘၠီၣ်အဆံးကတၢၢ်လိ သုဝဲခဲလုၤအကျၣ်နဲၢ်, မဲၢ်ဘၠီၣ်အဒွိၣ်ကတၢၢ်လိ. 49စီၤယိၤဟၣ်ကတိၤထီၣ်တၢ်ဘျီးစံးဝဲ, ‘ကစၢ်ဧိ ပထ့ၣ်ဘၠီၣ်တဂၤဟီထီၣ်ကွံၤတၢ်ဝ့းတၢ်နါလိနမံၤ, ဘျီးပမၢအဝဲဒၣ်အိၣ်ကတီၢ်ကွံၤ, တၢ်ဂ့ၢ်မဲၢ်လိအဝဲတဘၣ်ထွဲလါဘၠီၣ်ဘၣ်အဃိလိ.’ 50ယ့ၣ်ရှူးစံးဘၣ်အီၤဘျီး အခ့အပှၤအဂၤတလိၣ်, ‘တဘၣ်ဂုၢ်ကျဲးစၢၤတြီအီၤတဂ့ၤ. ဘၠီၣ်လိ အတထီဒါသုနဲၢ်မဲၢ်ဘၠီၣ်လိ အအိၣ်ပှိၤသုလိ.’ 51မုၢ်နံၤမုၢ်သီတလိၣ်ဘူးထီၣ်လိ ယ့ၣ်ရှူးကဘၣ်တၢ်စိၤထီၣ်အီၤလိ မွိခွိၣ်နဲၢ်, အဝဲဒၣ်ပၤလီၤအသးမါတ့ကျ့. ဘျီး လဲၤဝဲဒၣ်လိ ဝ့ၢ်ယရူးရှလ့ၣ်လိ. 52အဝဲဒၣ်ဆှၢလီၤဆိပၤစၢၤဘၠီၣ်စိၤတၢ်ကစီၣ်တလိၣ်လိအမံၤညါ, ဘျီးအဝဲဝီၤဟးထီၣ်ဘျီး လဲၤနုလိ ဘၠီၣ်ရှၤမရံဖွိအသဝီတဖျၢၣ်အပူၤ, ဒ်သိးအကအိၣ်ကတဲၤကတီၤပၤတၢ်ခဲလုၤလိ အဝဲဒၣ်အဂီၢ်လိ. 53လၢၤဘျီး ဘၠီၣ်သဝီဖွိ ဖဲနံၤ တလိၣ်တသးအိၣ်တူၤလိၤယ့ၣ်ရှူးဘၣ်. တၢ်ဂ့ၢ်မဲၢ်လိ အအိၣ်ဖျါလီၤတံၢ်ဝဲလိ အကလဲၤဝဲဒၣ်လိ ယရူၤရှလ့ၣ်အဃိနဲၢ်လိ. 54ဖဲအခ့အပှၤစီၤယၤကိာ်လါ စီၤယိၤဟၣ်တလိၣ်ထ့ၣ်ဘၣ်တၢ်တမံၤအံၤနဲၢ်, အဝဲဝီၤစံးဝဲ, ‘ကစၢ်ဧိ မဲၢ်နသးအိၣ်လိ ပကကိးလီၤမဲၣ်လိ မွိခွိၣ် ဒ်သိး အကဟဲလီၤဘျီး အီၤကွံၤအဝဲဝီၤနဲၢ်ဧါ.’ 55ယ့ၣ်ရှူးဃၤဝီၤအသးဘျီး ဒူၣ်အဝဲဝီၤအလိၤ. 56ဘျီး အဝဲဝီၤ လဲၤခွိၣ်ခံဝဲလိ မံၤညါ, လိသဝီ အဂၤတဖျၢၣ်လိ. 57ဖဲအဝဲဝီၤလဲၤတၢ်လိ ကျဲၣ်နဲၢ်, ဘၠီၣ်တဂၤစံးဘၣ်ယ့ၣ်ရှူး, ‘ဖဲနလဲၤတပူၤဂ့ၤတပူၤဂ့ၤနဲၢ် ယကပိၤနခံဘျီးကဲၣ်ထီၣ်နခံနပှၤလိ.’ 58ယ့ၣ်ရှူးစံးဘၣ်အီၤ, ‘ထွံၣ်ဟီၣ်ခွိၣ်တလိၣ်အိၣ်လါအပူၤတလိၣ်, ဘျီး ထွိၣ်ဘီၣ်တလိၣ်အိၣ်လါ အသွံတလိၣ်လိ. မဲၢ်မဲၢ် ပှၤကညီဖွိခွါအံၤထဲအကမံလီၤဘျီး အိၣ်ဘှံးအီၣ်သါအဂီၢ်နီၣ်ခၠါ, တၢ်လီၢ်တၢ်ကျဲၣ်တအိၣ်နီတပူၤဘၣ်.’ 59အဝဲဒၣ်စံးဘၣ်ဘၠီၣ်အဂၤတဂၤ, ‘ဟဲဘျီး ကဲၣ်ဘၣ်ယခ့ယပှၤတကဲၢ်.’ လၢၤဘျီး ဘၠီၣ်တဂၤနဲၢ်စံးဝဲ, ‘ကစၢ်ဧိ, ပျဲလီၤဆိယၤဒ်သိးယကက့ၤခွိၣ်ခံဂ့ၤ ဘျီး ခူၣ်လီၤယပၢ်တကဲၢ်.’ 60ဘၠီၣ်အဂၤတဂၤစံးဝဲ, ‘ယကဟဲဘျီး ကဲၣ်ဘၣ်နခ့နပှၤလိ. ကစၢ်ဧိၤ, လၢၤဘျီး ပျဲလီၤဆိယၤဒ်သိး ယကက့ၤဘျီး ဆၢဂ့ၤဆၢဝၣ် ယဟံၣ်ဖွိဃီဖွိတလိၣ်တကဲၢ်.’
<br> 61ဘၠီၣ်အဂၤတဂၤစံးဝဲ, ‘ယကဟဲဘျီး ကဲၣ်ဘၣ်နခ့နပှၤလိ. ကစၢ်ဧိ, လၢၤဘျီးပျဲလီၤဆိယၤဒ်သိး ယကက့ၤဘျီး ဆၢဂ့ၤဆၢဝါ ယဟံၣ်ဖွိဃီဖွိတလိၣ်တကဲၣ်.’ 62ယ့ၣ်ရှူးစံးဘၣ်အီၤ,, ‘ဘၠီၣ်တဂၤဂ့ၤ တဂၤဂ့ၤလိ အဟံးထီၣ်ထူၣ်စုညါဘျီး ကွၢ်ခွိၣ်ခံဂ့ၤအလီၢ်ခံခဲနဲအံၤခဲနဲအံၤနဲၢ်, အဘျုးအဖှိၣ်တအိၣ်ဝဲလိ ကစၢ်ယွၤ အဘီအမုၢ်အဂီၢ်နီတမံၤဘၣ်.
Markert nå:
Luke 9: ktpv-rv
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
This translation of the Karen, Paku Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
