Luke 21
21
1ယ့ၣ်ရှူးကွၢ်တရံးတံၢ်ပိၤတၢ်ဘျီး ထ့ၣ်ဘၣ် ဘၠီၣ်အတၢ်အိၣ်တၢ်ယၢၤတလိၣ်တ့ၢ်နုလီၤအတၢ်ဟ့တလိၣ်လိ တၢ်လုၢ်ဟံၣ်အတၢ်ပၤဖှိၣ်စ့ၣ်အလီၢ်နဲၢ်လိ. 2ဘျီး အဝဲဒၣ်ထ့ၣ်ဘၣ် နဲၢ်နဲၢ်မုၣ်ကမဲလိ အဖှီၣ်နီတဂၤတ့ၢ်နုလီၤစ့ၣ်ဂီၤမံၤဖွိခံဘ့ၣ်လိ. 3အဝဲဒၣ်စံးဝဲ, ‘ယစံးဘၣ်သုလိ မုၣ်ကမဲအဖှီၣ်အယၤတဂၤအံၤတ့ၢ်နုလီၤတၢ်အၣ်နဲၢ်ဒံး ဘၠီၣ်အဂၤတလိၣ်လိ. 4တၢ်ဂ့ၢ်ဒ့းအ့ၤ, ဘၠီၣ်အဂၤတလိၣ်ဟ့လီအတၢ်ဟ့လိ အတၢ်အိၣ်တၢ်ယၢၤတဒွိၣ်တဆံးအပူၤလိ. မဲၢ်မဲၢ် အဝဲဒၣ်နဲၢ်, မဲၢ်ဖှီၣ်ဝဲယၤဝဲထဲအံၤလၢၤ, ဟ့လီၤတၢ်လိ အအိၣ်လါအီၤခဲလုၤလိ အကလုၢ်အီၣ်အသးသမူအဂီၢ်လိ. 5ဘၠီၣ်တနီၤကတိၤတၢ်ဘၣ်ဃးလါ တၢ်ဘါလီၢ်အဂ့ၢ်, လိအဘၣ်တၢ်မၤကဆှဲကဆှီအီၤလိ လၢၢ်အဂ့ၤအဘၣ်တလိၣ် ဘျီး တၢ်ဟ့လိ အဘၣ်တၢ်လုၢ်ထီၣ်အီၤလိ ကစၢ်ယွၤအအိၣ်တလိၣ်နဲၢ် အိၣ်ဖျါဂ့ၤဝၣ်ဝဲထဲလဲၣ်ခိလဲၣ်အဂ့ၢ်နဲၢ်လိ. 6ယ့ၣ်ရှူးစံးဝဲ, ‘တၢ်တလိၣ်အံၤ ခဲလုၤနဲၢ်, သုထ့ၣ်ဘၣ်သုဝဲလိ. တၢ်ဆၢကတီၢ်ကဟဲတုၤအိၣ်ဝဲလိ လၢၢ်တဖျၢၣ်ဧိၤဒၣ်လဲၣ် တဘၣ်တၢ်ပၤလီၤတ့ၤတီၢ်အီၤလိ အလီၢ်လၢၤဘၣ်လၢၢ်ကိးဖျၢၣ်ဒ့း ကဘၣ်တၢ်တ့လီၤကွံၤအီၤလိ အလီၢ်နဲၢ်လိ. 7အဝဲဝီၤ သ့းကွၢ်ဝဲ, ‘သရၣ်ဧၢ တၢ်အဝဲအံၤ ကမၤအသးဝဲလိ ဆၢတီၢ်ဖဲလဲၣ်ခါလဲၣ်. ဘျီးတၢ်မနီၢ်တမံၤကမၤအသးလိ အကဒွိးနဲၢ်ဝဲလိ ဆၢကတီၢ်တုၤလီၤလ့လိ တၢ်တမံၤအံၤကမၤအသးနဲၢ်လဲၣ်.’ 8ယ့ၣ်ရှူးစံးဝဲ, ‘အိၣ်ပလီၢ်သူၣ်ပလီၢ်သးတကဲၢ်. တဘၣ်မၢဘၠီၣ်လိနဲၢ်သုတဂ့ၤ. တၢ်ဂ့ၢ်ဒ့းအ့ၤ, ဘၠီၣ်အိၣ်ဘျၢသးကဟဲလိယမံၤဘျီး စံးဝဲ, ‘ယမဲၢ်အဝဲဒၣ်လိ. ဘျီး ‘တၢ်ဆၢကတီၢ်ဟဲတုၤလ့’ နဲၢ်လိ. လၢၤဘျီးတဘၣ်ပိၤ အဝဲဝီၤ အခံတဂ့ၤ. 9ဖဲသုနၢ်ဟူဘၣ်တၢ်ဒူးတၢ်ယၤလါ တၢ်ပူထီၣ်လီထီၣ်အကစီၣ်နဲၢ်, တဘၣ်သးပလံၤတၢ်ဖူးတၢ်တဂ့ၤ, တၢ်တလိၣ်အံၤခဲလုၤကဘၣ်မၤဆိအသးလိ. လၢၤဘျီး အဝဲနံၤအခီပညီတမဲၢ်လိတၢ်အကတၢၢ်ဘူးထီၣ်လ့နဲၢ်ဘၣ်.’ 10အဝဲဒၣ် ကတိၤတၢ်သီတဘျီဘျီစံးဝဲ, ‘ထံကီၢ်တဘ့ၣ်လါတဘ့ၣ် ကဒူးလွိၤယၤလွိၤအသး, တဘီမုၢ်လါ တဘီမုၢ် ကထီဒါလွိၤအသးလိ. 11ဟီၣ်ခွိၣ်ကဟူးနီၢ်ဟူးသ့း, တၢ်သၣ်ဝံၤလီၤဒွိၣ်လါ တဆါသ့းတတြိၤတလိၣ် ကအိၣ်ထီၣ်နီၢ်အိၣ်ထီၣ်သ့းလိတၢ်လီၢ်ခဲလုၤလိ. တၢ်လီၤပျံၤလီၤဖုးလါတၢ်ပနီၣ်အဒွိၣ်အသွါ တလိၣ် ကအိၣ်ဖျါထီၣ်ဝဲလိ မွိခွိၣ်လိၤလိ. 12လၢၤဘျီး တချုးလိတၢ်မၤသးဒ့းအ့ၤလိၣ်ခဲလုၤမၤအသးဒံးဘၣ်နဲၢ်, သုကဘၣ်တၢ်ဖီၣ်သုဘျီးမၤအၢၣ်မၤနးသု, သုကဘၣ်တၢ်ဟ့လီၤသုဒ်သိး တၢ်ကသ့းကွၢ်သးဒိသုလိ ဘူၣ်ဘျီၣ်လိ အမဲၢ်တၢ်ဘါလီၢ်အပူၤဘျီး တၢ်ကတ့ၢ်နုသုလိ တၢ်စၢၣ်ဃၤလီၢ်, သုကဘၣ်တၢ်ဆှၢထီၣ်သုလိစီၤပၤတလိၣ်ဘျီး ဘၠီၣ်ပၢတၢ်တလိၣ်အမံၤညါလိ ယမံၤအဃိလိ. 13အဝဲအံၤ ကမဲၢ်တၢ်ခွဲးဂ့ၤယၤဘၣ်လိ သုဂီၢ်လိ သုကစံးဘၣ်ဘၠီၣ်လိ တၢ်သးခုအကစီၢ်နဲၢ်လိ. 14ပၤသူၣ်ပၤသးဒ်သိး သုသုတကတဲၤကတီၤဆိပၤသုသးလိ သုကကတိၤဘံၣ်ကတိၤဘၢၣ်သုသးဒ်လဲၣ်ဒ်လဲၣ်အဂ့ၢ်နဲၢ်တဂ့ၤ. 15တၢ်ဂ့ၤဒ့းအ့ၤ, ယကဟ့သုတၢ်စံးတၢ်ကတိၤတလိၣ်ဘျီး တၢ်ကူၣ်သ့းတုၤနိၢ်လိ သုဒုၣ်သုဒါထီဒါတၢ်လိ သုစံးမဲၢ်ဂ့ၤ, တအဲၣ်ဝဲမဲၢ်ဂ့ၤတသ့းဘၣ်နီတဂၤနဲၢ်လိ. 16.သုကဘၣ်တၢ်ဟ့လီၤကွံၤသုလိ သုမွိၢ်သုပၢ်တလိၣ်. သုထီပုၢ်ဝဲၢ်ခွါတလိၣ်, သုဘူးသုတံၢ်တလိၣ်, ဘျီး သုမံဖီၣ်တလိၣ်နဲၢ်လိ. သုဝဲတနီၤနဲၢ် အဝဲဝီၤ ကမၤသ့းဝဲလိ. 17ဘၠီၣ်အသူၣ်ဟူသးဟူသုကိးဂၤဒ့းလိယမံၤအဃိလိ. 18ၢၤဘျီး သုခွိၣ်သုတဘိၣ်နီၢ်ခၠါတဟါမၢ်ကွံၤဝဲဘၣ်. 19အိၣ်ဆ့ထၢၣ်မါတ့န့တကဲၢ်. တၢ်ဂ့ၢ်ဒ့းအ့ၤ, လိကျဲၣ်ဒ့းအ့ၤအပူၤ သုကမၤစၢၤဂ့ၤသုနီၢ်ကစၢ်ဒၣ်သုဝဲလိ. 20ဖဲသုထ့ၣ်ဘၣ်ဝ့ၢ်ယရူရှလ့ၣ်ဘၣ်တၢ်ကဝီၤဃၤအီၤလိ သုၣ်မုၢ်သုၣ်ဖွိတလိၣ်လ့နဲၢ်, သုကဘၣ်သံညါလိ တယံၤဘၣ်လါအဝဲဒၣ်ကဘၣ်တၢ်မၤဟးဂီၤအီၤနဲၢ်လိ. 21တုၤနုၤတဘျီး ဘၠီၣ်အိၣ်လိ ကီၢ်ယူဒၤတလိၣ်ကဘၣ်စံၣ်ကွံၤလိ ကစၢၢ်ခံကလိကျၣ်, ဘၠီၣ်အိၣ်လိခူပူၤဝ့ၢ်ပူၤတလိၣ်ကဘၣ်ဟးထီၣ်ကွံၤ, ဘျီး ဘၠီၣ်အိၣ်လိ ဝ့ၢ်အချၢတလိၣ် တဘၣ်က့ၤနုဂ့ၤဝဲလိ ဝ့ၢ်ပူၤဘၣ်. 22တၢ်ဂ့ၢ်ဒ့းအ့ၤ, တၢ်အံၤ တလိၣ်မဲၢ်ဝဲ တၢ်စံၣ်ညီၣ်အမုၢ်နံၤမုၢ်သီတလိၣ်လိ အမၤလၢထီၣ်ပှဲၤထီၣ်တၢ်ခဲလုၤခဲဆ့လိ တၢ်ကွ့းအသးစီဆှံစံးဝဲအဂ့ၢ်နဲၢ်လိ. 23ဖဲမုၢ်နံၤမုၢ်သီတလိၣ်နဲၢ်အဆၢကတီၢ်, ဘၠီၣ်မ့ၣ်ပှၢ်လိ အအိၣ်လါ အဟူးဖၢကါ ဘျီး မွိၢ်လိ အအိၣ်လါ ဖွိဆံးအိနုၢ်တလိၣ်ကဘၣ်ဝဲတၢ်ဖှီၣ်တၢ်ယၤထဲလဲၣ်ခိလဲၣ်. တၢ်နးတၢ်ဖှီၣ်ဖးဒွိၣ်ဖးဒွိၣ်ကတုၤအိၣ်ထံကီၢ်တဘ့ၣ်အံၤဘျီး ကစၢ်ယွၤအတၢ်သးဒွိၣ်ကလီၤနိၤဘျီး ထီဒါဘၠီၣ်ထီဖူၣ်ထီခၠၢအံၤလိ. 24အဝဲဝီၤတနီၤ ကဘၣ်တၢ်မၤသ့းအီၤလိ နး, ဘျီး ဘၠီၣ်အဂၤတလိၣ်ကဘၣ်တၢ်စိၤထီၣ်ကွံၤအီၤဒ်ဘၠီၣ်စၢၣ်ဃၤလီၢ်ဖွိတလိၣ်အသိးလိ ထံကီၢ်ကိးဘ့ၣ်ဒ့း, ဘျီး ဘၠီၣ်ကလုၢ်ဂၤတလိၣ် ကယီၢ်တံၢ်ဝ့ၢ်ယရူရှလ့ၣ် တုၤလိ အဝဲဝီၤ အဆၢကတီၢ်ပှဲၤထီၣ်တဘျီလိ. 25တၢ်ပနီၣ်တလိၣ် ကအိၣ်ဝဲလိ မုၢ်, လါဘျီး ဆၣ်တလိၣ် အပူၤနဲၣ်လိ. လိဟီၣ်ခွိၣ်အဖီခွိၣ်နဲၢ် ဘၠီၣ်ကလုၢ်တလိၣ်ကအိၣ်ဝဲလိ တၢ်သူၣ်ကွိၢ်သးဂီၢ်နီ, ဘျီး တၢ်ကစ့းကဝ့းလိ ပီၣ်လဲၣ်အလပီသီၣ်ထီၣ် ရူၢ်ရူၢ်နဲၢ်လိ. 26ဘၠီၣ်ထီဖူၣ်ထီခၠၢ ဘူးကသ့းနီၢ်ဝဲလိ တၢ်ပျံၤတၢ်ဖုအဃိ, ဖဲအဝဲဝီၤအိၣ်ခိတၢ်လိ အကဟဲဘၣ်ဟီၣ်ခွိၣ်ထီဘ့ၣ်ညါ နဲၢ်လိ. တၢ်ဂ့ၢ်ဒ့းအ့ၤ, တၢ်စိတၢ်ကမီၤလိ မွိဖးဖီတလိၣ်ဘၣ်တၢ်နီၤထီၣ်ကွံၤအီၤလိ အကျိၤဒၣ်ဝဲအပူၤလိ. 27တုၤနုၤတဘျီ, ပှၤကညီဖွိခွါ ကဟဲအိၣ်ဖျါထီၣ်လိ တၢ်အၢၣ်အပူၤ, အိၣ်လါ တၢ်စိတၢ်ကမီၤ ဘျီး တၢ်လၤကပီၤဖါဒွိၣ်လိ. 28ဖဲတၢ်တလိၣ်အံၤစးထီၣ်မၤအသးနဲၢ်, ဂ့ၤထ့ဘျီး မိၤထီၣ်သုခွိၣ်တကဲၢ်. တၢ်ဂ့ၢ်ဒ့းအ့ၤ, သုတၢ်အုၣ်က့ၤခီၣ်က့ၤနဲၢ်ဘူးထီၣ်လ့. 29တၢ်နံၤဝံၤအလီၢ်ခံ, ယ့ၣ်ရှူးစံးဘၣ်အဝဲဝီၤလိ တၢ်ကတိၤဒိ တထ့ၣ်အံၤလိ. ‘ကွၢ်ချၢၣ်ဒၢၣ်တခွိၣ်လါ သ့ၣ်အဂၤကိးခွိၣ်ဒ့းတကဲၢ်.’ 30ဖဲသုထ့ၣ်ဘၣ်အဝဲဝီၤ အလၣ်ဒွိးစၢ်ထီၣ်ဝဲနဲၢ်, သုသံညါလိ တၢ်ကွိၢ်ခါအကတီၢ် ဘူးထီၣ်ဝဲလ့နဲၢ်လိ. 31ဒ့းန့ၤအသိး, ဖဲသုထ့ၣ်ဘၣ်တၢ်တလိၣ်အံၤမၤအသးနဲၢ်, သံညါလိ ကစၢ်ယွၤ အဘီအမုၢ်ဘူးထီၣ်လ့နဲၢ်တကဲၢ်. 32သ့နီၣ်ထီၣ်တၢ်အံၤတကဲၢ်. တၢ်တလိၣ်အံၤခဲလုၤကမၤအသးတချုးဘၠီၣ်တစိၤအံၤလဲၤပူၤကွံၤဒံးဘၣ်နဲၢ်လိ. 33မွိခွိၣ်လါဟီၣ်ခိၣ်ကလဲၤပူၢ်ကွံၤဝဲလိ. လၢၤဘျီး ယကလုၢ်ကထါ တလိၣ် တလဲၤပူၤကွံၤဝဲနီတဘျီဘၣ်. 34အိၣ်ပလီၢ်သူၣ်ပလီၢ်သးတကဲၢ်. တဘၣ်မၤလုၤကွံၤတၢ်ဆၢကတီၢ်လိ တၢ်အီၣ်လုၢ်ကိအိလုၢ်ကပၤတၢ်ဘျီး အအံၤတဃၣ်အတၢ်ကွိၢ်တၢ်ဂီၤတလိၣ် အဂီၢ်နဲၢ်တဂ့ၤ. မဲၢ်တမဲၢ် ဘၣ်ဘျီး မုၢ်နံၤမုၢ်သီတနံၤနဲၢ် ကဟဲတုၤဝဲတဘျီဃီလိ. 35တၢ်ဂ့ၢ်ဒ့းအ့ၤ ကဟဲတုၤအိၣ်ဘၠီၣ်ခဲလုၤလိ ဟီၣ်ခွိၣ်ထီဘ့ၣ်ညါဒ်ထုအသိးလိ. 36ဆိးသီဘျီ ဘါထုကဖၣ်သုဝဲကိးဘျီးဒ့းဒ်သိး သုကအိၣ်လါ တၢ်ဂံၢ်တၢ်ဘါ လိသုကလဲၤခီဖျိတၢ်လိ အကမၤအသးတလိၣ်အံၤခဲလုၤဂ့ၤဂ့ၤဘၣ်ဘၣ်ဘျီး လိသုကဆ့ထၢၣ်လိ ပှၤကညီဖွိခွါအမံၤညါအဂီၢ်နဲၢ်တကဲၢ်. 37ဖဲမုၢ်နံၤမုၢ်သီတလိၣ်နဲၢ်, ယ့ၣ်ရှူးသိၣ်လီၤသီလီၤတၢ်လိ တၢ်ဘါလီၢ်အပူၤဘျီး ဖဲအတုၤဝဲလိ ဟါခိလီၤအဆၢကတီၢ်နဲၢ်, အဝဲဟးထီၣ်ဝဲဒ်သိး အကအိၣ်ဝဲလိ ကစၢၢ်သ့ၣ်စၤယ့းအလိၤဖဲတၢ်ခံးအဆၢကတီၢ်နဲၢ်လိ. 38ဖဲဂိၤထီၣ်သီအဆၢကတီၢ်နဲၢ်, ဘၠီၣ်ထီဖူၣ်ထီခၠၢခဲလုၤလဲၤလိ တၢ်ဘါလီၢ်ဒ်သိး အကကနၣ်အတၢ်ကတိၤအဂီၢ်နဲၢ်လိ.
Markert nå:
Luke 21: ktpv-rv
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
This translation of the Karen, Paku Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
