Luke 20
20
1ဘၣ်တနံၤဖဲယ့ၣ်ရှူးအိၣ်လိ တၢ်ဘါအလီၢ်အပူၤ, သိၣ်လီၤသီလီၤဘၠီၣ်ထီဖူၣ်ထီခၠၢတလိၣ်, ဘျီးဟီတရါတၢ်သးခုကစီၣ်အဖၢမုၢ်နဲၢ်ဘၠီၣ်လုၢ်တၢ်အခွိၣ်အဒွိၣ်တလိၣ်, လါဘၠီၣ်သ့းတၢ်ဘူၣ်တၢ်ဘါ အတၢ်သိၣ်တၢ်သီတလိၣ်, ပကိးလါဘၠီၣ်ယူဒၤဖွိကရၢအခွိၣ်အနၢ်တလိၣ်ဟဲဝဲ. 2ဘျီး စံးဘၣ်ဝဲ, ‘စံးဘၣ်ဘၠီၣ်တကဲၢ်. နမၤတၢ်တလိၣ်အံၤနဲၢ် နအိၣ်လါတၢ်ခွဲးတၢ်ယၤမနီၢ်တမံၤလဲၣ်. မဲၢ်မတဂၤဟ့စိဟ့ကမီၤနၤလိ နကမၤတၢ်တလိၣ်အံၤအဂီၢ်နဲၢ်လဲၣ်.’ 3ဘျီး စံးဘၣ်ဝဲ, ‘စံးဘၣ်ဘၠီၣ်တကဲၢ်. နမၤတၢ်တလိၣ်အံၤနဲၢ် နအိၣ်လါတၢ်ခွဲးတၢ်ယၤမနီၢ်တမံၤလဲၣ်. မဲၢ်မတဂၤဟ့စိဟ့ကမီၤနၤလိ နကမၤတၢ်တလိၣ်အံၤအဂီၢ်နဲၢ်လဲၣ်.’ 4စီၤယိၤဟၣ်အတၢ်ခွဲးတၢ်ယၤ, တၢ်စိတၢ်ကမီၤလိ အကဘျၢဘၠီၣ်နဲၢ်ဟဲလိ ကစၢ်ယွၤအအိၣ်ဧါ. မဲၢ်တမဲၢ် ဟဲလိ ပှၤကညီအအိၣ်လဲၣ်.’ 5အဝဲဝီၤ စးထီၣ် ည့းလွိၤခူၣ်လွိၤအသးလိ အမံၤဖီၣ်ဒၣ်ဝဲပကိးပကိး အကျၣ်ဘျီး စံးဝဲ, ‘ပကစံးဒ်လဲၣ်ခိ, ပမဲၢ်စံးလိ ယွၤအအိၣ်ဘျီး အဝဲဒၣ် ကစံးဝဲ, ‘မဲၢ်မဲၢ်ဒ့းန့ၤဘျီး, ဘၣ်မနီၢ် အဃိ, သုတစူၤတနၤဘၠီၣ်ဘျၢတၢ်စီၤယိၤဟၣ်နဲၢ်လဲၣ်.’ 6မဲၢ်မဲၢ် ပမဲၢ်စံး, ‘ဟဲလိ ပှၤကညီအအိၣ်ဘျီး ဘၠီၣ်ထီဖူၣ်ထီခၠၢ ဖဲအံၤခဲလုၤကကွံၤဘၠီၣ်လိ လၢၢ်, တၢ်ဂ့ၢ်မဲၢ်လိ အဝဲဝီၤ နၤလိစီၤယိၤဟၣ်မဲၢ်ဝံတဂၤလိ.’ 7လိတၢ်နံၤအဃိ အဝဲဝီၤစံးဆၢဝဲ, ‘တၢ်ဒိးဘျၢအဝဲနဲၢ် ဟဲလိ ဘျီၣ်နဲၢ်ပတသံညါဘၣ်.’ 8ယ့ၣ်ရှူးစံးဘၣ်အဝဲဝီၤ, ‘ဒ့းန့ၤအသိး ယမၤတၢ်တလိၣ်အံၤလိ မတဂၤအတၢ်ဟ့စိဟ့ကမီၤယၤလဲၣ်နဲၢ် ယတစံးဘၣ်သုဘၣ်.’ 9တုၤနုၤတဘျီ ယ့ၣ်ရှူးစံးဘၣ် ဘၠီၣ်ထီဖူၣ်ထီခၠၢတလိၣ်လိ တၢ်ကတိၤဒိ တထ့ၣ်အံၤလိ. ‘ဘၠီၣ်တဂၤသူၣ်လီၤစပံးလီၢ်တလီၢ်, ဒိးလဲလီၤဝဲလိ ဘၠီၣ်မၤဟီၣ်ခွိၣ်တလိၣ်, ဝံၤဘျီး ဟးထီၣ်လိ အဟံၣ်ဖးယံၤလိ. 10တုၤနုၤတဘျီ ယ့ၣ်ရှူးစံးဘၣ် ဘၠီၣ်ထီဖူၣ်ထီခၠၢတလိၣ်လိ တၢ်ကတိၤဒိ တထ့ၣ်အံၤလိ. ‘ဘၠီၣ်တဂၤသူၣ်လီၤစပံးလီၢ်တလီၢ်, ဒိးလဲလီၤဝဲလိ ဘၠီၣ်မၤဟီၣ်ခွိၣ်တလိၣ်, ဝံၤဘျီး ဟးထီၣ်လိ အဟံၣ်ဖးယံၤလိ. 11လိတၢ်နံၤအဃိ, အဝဲဒၣ် ဆှၢလီၤခွိၣ်ခံတၢ်ခ့တၢ်ပှၤအဂၤတဂၤလိ. လၢၤဘျီး ဘၠီၣ်မၤစပံးလီၢ်တလိၣ်တီၢ်အီၤနဲၢ်နဲၢ်ဘျီး မၤမံၤဆှးအီၤဝံၤဘျီး ဆှၢလီၤခွိခံထဲအစဒ့ခိလိနဲၢ်လိ. 12အနံၤဝံၤဘျီး အဝဲဒၣ် ဆှၢလီၤခွိၣ်ခံတၢ်ခ့တၢ်ပှၤသၢဂၤတဂၤ, ဘျီး ဘၠီၣ်မၤစပံးလီၢ်မၤဘၣ်ဒွိး ဘၣ်ထိအီၤနဲၢ်နဲၢ်ဘျီး ကွံၤထီၣ်ကွံၤအီၤလိ. 13အနံၤဝံၤဘျီး အဝဲဒၣ် ဆှၢလီၤခွိၣ်ခံတၢ်ခ့တၢ်ပှၤသၢဂၤတဂၤ, ဘျီး ဘၠီၣ်မၤစပံးလီၢ်မၤဘၣ်ဒွိး ဘၣ်ထိအီၤနဲၢ်နဲၢ်ဘျီး ကွံၤထီၣ်ကွံၤအီၤလိ. 14လၢၤဘျီး, ဖဲဘၠီၣ်မၤစပံးလီၢ်တလိၣ်ထ့ၣ်အီၤနဲၢ်, အဝဲဝီၤ စံးလွိၤအသးတဂၤလါတဂၤ, ‘အဝဲအံၤ မဲၢ်စပံးလီၢ်အကစၢ်အဖွိခွါလိ. မ်ပကမၤသ့းအီၤတကဲၢ်, ဘျီး အဝဲအတၢ်န့ၢ်သါ ကကဲၣ်ထီၣ်ပတၢ်လိ.’ 15လိတၢ်နံၤအဃိ အဝဲဝီၤ ကွံၤထီၣ်ကွံၤအီၤလိ စပံးလီၢ်အချၢဘျီး မၤသ့းအီၤလိ. မဲၢ်မဲၢ်ဒ့းန့ၤဘျီး စပံးလီၢ်အစၢ် ကမၤဘၠီၣ်မၤစပံးလီၢ် တလိၣ်ဒ်လဲၣ်.’ 16ယ့ၣ်ရှူးသ့းကွၢ်ဝဲ, ‘အဝဲဒၣ် ကဟဲဘျီး မၤသ့းဘၠီၣ်တလိၣ်နဲၢ်, ဘျီး ဟ့လီးဂ့ၤစပံၤလီၢ်လိ ဘၠီၣ်မၤဟီၣ်ခွိၣ်တဂၤတလိၣ်အစုၣ်ပူၤလိ.’ ဖဲဘၠီၣ်ထီဖူၣ်ထီခၠၢ တလိၣ်နၢ်ဟူတၢ်အံၤနဲၢ်, အဝဲဝီၤ စံးဝဲ, ‘မ်တၢ်သုတမၤအသး ဒ့းန့ၤတဂ့ၤ.’ 17ယ့ၣ်ရှူးကွၢ်ဝီၤ အဝဲဝီၤဘျီး သ့းကွၢ်ဝဲ, ‘မဲၢ်မဲၢ်ဒ့းန့ၤဘျီး တၢ်ကွ့းအသးလိ လၤတတီၤအံၤ အခီပညီမဲၢ်မနီၢ်လဲၣ်. လၢၢ်တဖျၢၣ်ဃီလိ ဘၠီၣ်ဘှီၣ်တၢ်ဖွိတလိၣ်ညိကွံၤဝဲဒ်တၢ်လိ အလုၢ်အပှ့ၤတအိၣ်ဘၣ်နဲၢ်, ကဲၣ်ထီၣ်လိ လၢၢ်အကါဒွိၣ်ကတၢၢ်တဖျၢၣ်တခိ နဲၢ်လိ.’ 18ဘၠီၣ်တဂၤလၢ်လၢ်လိ အလီၤတ့ၤလိ လၢၢ်တဖျၢၣ်နဲၢ် အဖီခွိၣ်နဲၢ် ကဘၣ်ကူးဘၣ်ဂၤဝဲ အကူၤကူၤ, ဘျီး လၢၢ်အဝဲအံၤ မဲၢ်လီၤတ့ၤလိ ဘၠီၣ်တဂၤဂၤအလိၤနဲၢ်, ကမၤကဘ့းမၤကမူကွံၤအီၤလိ.’ 19ဘၠီၣ်သ့းတၢ်ဘူၣ်တၢ်ဘါအတၢ်သိၣ်တၢ်သီတလိၣ်ဘျီး ဘၠီၣ်လုၢ်တၢ်အခွိၣ်အဒွိၣ်တလိၣ်ဂုၢ်ကျဲးစၢၤဟံးဃၤယ့ၣ်ရှူးတဘျီဃီဖဲနံၤ, တၢ်ဂ့ၢ်မဲၢ်လိ အဝဲဝီၤသံညါလိ ယ့ၣ်ရှူးကတိၤတၢ်ကတိၤဒိအဝဲအံၤ ထီဒါအဝဲဝီၤအဃိနဲၢ်လိ. လၢၤဘျီး အဝဲဝီၤ သးပလံၤဘၠီၣ်ထီဖူၣ်ထီခၠၢလိ. 20လိတၢ်နံၤအဃိ, အဝဲဝီၤ ဟ့ဘၠီၣ်တနီၤစ့ၣ်ဒ်သိး အကပၤမၤအသးလိ အမဲၢ်ဘၠီၣ်အသးလိၤ, ဘျီး ဆှၢလီၤအဝဲဝီၤလိ အကသ့းကွၢ်သ့းဒိးယ့ၣ်ရှူးဘျီး ဖီၣ်န့ၢ်အီၤလိ အတၢ်ကတိၤဒ်သိးအဝဲဝီၤ ဟ့လီၤအီၤလိ ရိမ့ၢ်အပဒွိၣ်ဖးဒွိၣ်အတၢ်စိကမီၤအပူၤကသ့းဝဲအဂီၢ်နဲၢ်လိ. 21ဘၠီၣ်ကွၢ်ကိးသုၣ်တၢ်တလိၣ်အံၤစံးဘၣ်ယ့ၣ်ရှူး, ‘သရၣ်ဧၢ, ပသံညါလိ နတကွၢ်မံၤပှၤကညီအလီၢ်အလၤဘၣ်. မဲၢ်မဲၢ်နသိၣ်လိတၢ်မူၤတၢ်နီၢ်ဘၣ်ဃးလါ ကစၢ်ယွၤ အတၢ်ဘၣ်အသးလိ ပှၤကညီအဂီၢ်လိ. 22စံးဘၣ်ဘၠီၣ်တကဲၢ်. ပဟ့တၢ်ခွိၣ်တၢ်သွဲလိ ရိမ့ၤစီၤပၤဖးဒွိၣ်အအိၣ်နဲၢ်ထီဒါပတၢ်သိၣ်တၢ်သီဧါ. မဲၢ်တထီဒါလဲၣ်.’
<br> 23လၢၤဘျီး ယ့ၣ်ရှူးသံညါ အဝဲဝီၤ အတၢ်ကူၣ်တၢ်ဖး, ဘျီး စံးဘၣ်အဝဲဝီၤ, 24‘ဒွိးနဲၣ်ယၤစ့ၣ်တဘ့ၣ်နဲၢ်တကဲၢ်. လိအမံၤသၣ်လိၤနဲၢ်မတဂၤအခွိၣ်သၣ်အဂီၢ်လၢအမံၤအိၣ်လဲၣ်.’ အဝဲစံးဆၢဝဲ, ‘ကဲစၢ်အခွိၣ်သၣ်အဂီၤလါအမံၤအိၣ်လိ.’ 25မၤသးဒ့းန့ၤဘျီး ယ့ၣ်ရှူးစံးဝဲဲ, ‘ မဲၢ်မဲၢ်ဒ့းန့ၤဘျီး, ဟ့ကဲစၢ်လိ ကဲစၢ်အတၢ်,ဘျီး ဟ့ကစၢ်ယွၤလိ ကစၢ်ယွၤ အတၢ်တကဲၢ်.’ 26လိဘၠီၣ်ထီဖူၣ်ထီခၠၢတလိၣ်အမံၤညါနဲၢ်, အဝဲဝီၤ ဖီၣ်အီၤလိ အတၢ်ကတိၤတန့ၢ်နီတဘီၣ်ဘၣ်. လိတၢ်နံၤအဃိ အဝဲဝီၤအိၣ်ကစုၣ်ဒုၣ်,ဘျီး ကမၢကမၣ်ဝဲလိ ယ့ၣ်ရှူးအတၢ်စံးဆၢအဃိလိ. 27ဘၠီၣ်စဒူၤကဲတနီၤ ဟဲဝဲလိ ယ့ၣ်ရှူးအအိၣ်လိ. အဝဲဝီၤ မဲၢ်ဘၠီၣ်တလိၣ်လိ အစံးဝဲလိ ပှၤကညီတဂ့ၤထ့ဂ့ၤလိ တၢ်သ့းနဲၢ်လိ. 28အဝဲဝီၤသ့းကွၢ်အီၤ, ‘သရၣ်ဧၢ စီၤမိၤရှ့ကွ့းတၢ်သိၣ်တၢ်သီ တထ့ၣ်အံၤလိ ပဂီၢ်လိ. ဘၠီၣ်တဂၤမဲၢ်သ့းဘျီး ပၤလီၤတ့ၤတီၢ်အမါလၢၤအဖွိမဲၢ်တအိၣ်နီတဂၤနဲၢ်, ပွိၤခွါလိ အသ့းတဂၤနဲၢ် အထီပုၢ်ဝဲၢ်ခွါ ကဘၣ်ဟံးန့ၢ်ဂ့ၤအမါလိ မုၣ်ကမဲအဝဲနံၤ, ဒ်သိးအဝဲဝီၤ ကဒွိးအိၣ်ထီၣ်ဖွိလိ ဘၠီၣ်သ့းတဂၤအဂီၢ်လိ. 29တဘျီနဲၢ်ဘၠီၣ်ထီပုၢ်ဝဲၢ်ခွါအိၣ်ဝဲ နွံဂၤလိ. ထီပုၢ်ဝဲၢ်ခွါအဒွိၣ်တဂၤဟံးန့ၢ်အမါဘျီး အဝဲသ့းဝဲလိ. ဖဲအသ့းနဲၢ်အဖွိတအိၣ်လီၤတ့ၤနီတဂၤဘၣ်. 30တုၤနုၤတဘျီ ထီပုၢ်ဝဲၢ်ခွါခံဂၤတဂၤ ဟံးန့ၢ်အမါလိ မုၣ်ကမဲအဝဲနံးလိ. 31အနံၤဝံၤအလီၢ်ခံ ထီပုၢ်ဝဲၢ်ခွါ သၢဂၤတဂၤဟံးန့ၢ်အမါလိ ဘၠီၣ်အဝဲနံၤလိ. တၢ်တမံၤဃီမၤအသးလါ ဘၠီၣ်ထီပုၢ်ဝဲၢ်ခွါ နွံဂၤဒ့းန့ၤခဲလုၤလိ. အဝဲဝီၤ ခဲလုၤသ့းဝဲဘျီး, အဖွိအလ့ၤတအိၣ်တီၢ်နီတဂၤဘၣ်.
<br> 32လိခံကတၢၢ်နဲၢ် ဘၠီၣ်မ့ၣ်ပှၢ်နဲၢ်နဲၢ်သ့ဝဲလိ. 33မဲၢ်မဲၢ်ဒ့းန့ၤဘျီး ဖဲလိ တၢ်ဂ့ၤထ့ဂ့ၤအနံၤနဲၢ်, ဘၠီၣ်မ့ၢ်ပှၢ်တဂၤနဲၢ် ကမဲၢ်ထီပုၢ်ဝဲၢ်ခွါဖဲလဲၣ်ဂၤအမါလဲၣ်. အဝဲဝီၤ နွံဂၤလုၤန့ၢ်တီၢ်အမါလိ ဘၠီၣ်မ့ၣ်ပှၢ်တဂၤအံၤလိ.’ 34ယ့ၣ်ရှူးစံးဆၢအဝဲဝီၤ, ‘ဘၠီၣ်ပွိၤခွါလါဘၠီၣ်မ့ၣ်ပှၢ်ဖဲလိ စိၤတစိၤအံၤန့ၢ်မါန့ၢ်ဝၤဝဲလိ. 35လၢၤဘျီး ဘၠီၣ်လိ ယွၤပၤအီၤလိ အကြၢးဝဲလိ အကဂ့ၤထ့ဂ့ၤလ့ဝဲလိတၢ်သ့းတလိၣ်နဲၢ် တန့ၢ်မါန့ၢ်ဝၤလိစိၤလိ အကဟဲနဲၢ်ဘၣ်. 36အဝဲဝီၤလီၤဂၤလါ ကလူးတလိၣ်ဘျီး သ့းဝဲတသ့းဘၣ်. အဝဲဝီၤ မဲၢ်ကစၢ်ယွၤအဖွိတလိၣ်, တၢ်ဂ့ၢ်မဲၢ်လိ အဂ့ၤထ့ဂ့ၤဝဲလိ တၢ်သ့းအဃိနဲၢ်လိ. 37ဘျီး စီၤမိၤရှ့အုၣ်အသးဖျါဖျါလိ ဘၠီၣ်သ့းတလိၣ်ဘၣ်တၢ်ဒွိးတဂ့ၤထ့ဂ့ၤအီၤလိ. ဖဲတၢ်ကွ့းတတီၢ်လိ အဘၣ်ဃးလါ သ့ၣ်တၤဆှုၣ်တခွိၣ်လိ မဲၣ်အူအီၣ်အီၤ အပူၤနဲၢ်, အဝဲဒၣ်ကတိၤတၢ်ဘၣ်ဃးလါ ကစၢ်ဒ်အမဲၢ်ဝဲ စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤ, ဘျီးစီၤယၤကိာ်အကစၢ်ယွၤလိ. 38အဝဲဒၣ် မဲၢ်ဘၠီၣ်မူအကစၢ်ယွၤ, ဘျီး တမဲၢ်ဘၠီၣ်သ့း အကစၢ်ယွၤဘၣ်. တၢ်ဂ့ၢ်ဒ့းအံၤ, ဘၠီၣ်ကိးဂၤဒ့းမူဝဲလိအီၤလိ. 39ဘၠီၣ်သ့တၢ်ဘူၣ်တၢ်ဘါအတၢ်သိၣ်တၢ်သီတနီၤကတိၤထီၣ်တၢ်ဘျီး စံး, ‘သရၣ်ဧၢ နစံးဆၢတၢ်ဂ့ၤနီလိ.’ 40တၢ်ဂ့ၢ်မဲၢ်လိ, အဝဲဝီၤသးကွၢ်အီၤတၢ်လိ တၢ်မံၤညါတဘူၣ်လၢၤဘၣ်အဃိလိ. 41ယ့ၣ်ရှူးစံးဘၣ်အဝဲဝီၤ, ‘တၢ်စံးဝဲလိ ခရံာ်ကမဲၢ်စီၤဒၤဝံးအစၢၤအသွဲၣ်နဲၢ်, သ့းဝဲလိ ကျဲၣ်ဒ်လဲၣ်ခိ. 42တၢ်ဂ့ၢ်ဒ့းအ့ၤ, စီၤဒၤဝံးအနီၢ်ကစၢ်ဒၣ်ဝဲစံးဝဲလိ လ့ၤစံးထီၣ်ပတြၢၤအပူၤ,
‘ကစၢ်စံးဘၣ်ယကစၢ် ဆ့နီၤဖဲအံၤလိ ယစုထွဲတကပၤ 43တုၤလိ ယပၤနဒုၣ်နဒါတလိၣ်လိ နခီၣ်ဒ့အဖီလၤ
ဒ်နခီၣ်ယီၢ်လီၤအလီၢ်အသိးနဲၢ်တကဲၢ်.’ 44စီၤဒၤဝံးကိးအီၤလိ ကစၢ်လိ. မဲၢ်မဲၢ်ဒ့းန့ၤဘျီး ခရံာ်မဲၢ်စီၤဒၤဝံးအစၢၤအသွဲၣ်ကသ့းဝဲလိ ကျဲၣ်ဒ်လဲၣ်.’ 45ဖဲဘၠီၣ်ထီဖူၣ်ထီခၠၢခဲလုၤကနၣ်ယ့ၣ်ရှူးအတၢ်စံးတၢ်ကတိၤအဖၢမုၢ်နဲၢ်, အဝဲဒၣ်စံးဘၣ်အခ့အပှၤတလိၣ်. 46ပလီၢ်သုသးလိ ဘၠီၣ်သ့းတၢ်ဘူၣ်တၢ်ဘါ အတၢ်သိၣ်တၢ်သီတလိၣ်, ဘၠီၣ်လိ အအဲၣ်ဒိးဟးထီၣ်ဟးလီၤကူသွိးလါဆ့ကၤဖးထိ, ဘျီးအဲၣ်ဒိးဘၠီၣ်ကတိၤဒွိၣ်ကတိၤဆၢဂ့ၤအီၤလိတၢ်ဆါလီၢ်ပူၤ, ဘၠီၣ်လိ အဃုထၢလီၢ်ဆ့နီၤအဂ့ၤကတၢၢ်တလိၣ်လိ ဘူၣ်ဘျီၣ်လိ အမဲၢ်တၢ်ဘါလီၢ်အပူၤဘျီး 47တၢ်လီၢ်အဂ့ၤကတၢၢ် ဖဲဘူၣ်အဆၢကတီၢ်, ဘၠီၣ်လိ အဟံးန့ၢ်တၢ်အခွဲးအယၤလိ မုၣ်ကမဲတလိၣ်အဖီခွိၣ်ဘျီး ဂူၤန့ၢ်ဝၤန့ၢ်အဟံၣ်အဃီတလိၣ် ဘျီး တၢ်န့ၢ်ဝံၤအလီၢ်ခံပၤမၤအသးခီဖျိ အဃ့ဘါထုကဖၣ်တၢ်ဖးထိနဲၢ်တကဲၢ်. တၢ်စံၣ်ညီၣ်လိ အဝဲဝီၤအဂီၢ်ကမဲၢ် တၢ်အအၢၣ်ကတၢၢ်လိ.’
Markert nå:
Luke 20: ktpv-rv
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
This translation of the Karen, Paku Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
