मत्याल 6
6
दर्मम कीयना
1“मन्कलोर ऊळिस मीक मान ईयनुर, इद विचरते मीट मीवा दर्मम ओरा मुनेह केमाटु. कीतिर इतेके मीवा देवुळदीपतोग़ बाबानगा, मीकु बाताले इनम दोर्को आयग़ा, अदिह्के अह बेस्केन केमाटु. 2मन्कनेनाहि माकु मान-पान दोर्कना इन्जि, सोङ केवालोर पार्तनाताङ लोह्कने ओसो अग़िनगा सबेटोरिह्क दिसनाह, इद्रमता दर्मम कीस्तोर. इह केंजाट, नना सेतेम वेहतह्नन, ओरिह्क तमा इनम (सिरप लोकुराय मान) पूरा दोर्कतपे मन्ह्ता. मति मीट ओरा लेह्का सबेटोरिह्क दिसना इन्जि, डोल पासोरे दर्मम केमाटु.#1 कुरिंततोर 13:3 3मीट बेस्के दर्मम कीय्ह्निर अस्के, मीवा ऐंगे मतोरु बोरे मुर्तिय पुनदनायो. 4मीवा दर्मम बोन्के तोहवा केमेन ईयना, अस्के मीवा दिसवद कबळतुन ऊळवाल बाबाल मीक इनम ईयनोग़.
पार्तना बेद्रम कीयना
5“मीट बेस्के देवुळतुन पार्तना कीयलाह दाय्ह्निर अस्के, सोङ केवालोरा लेह्का मनमाटु. बाराह्क इतेके ओरु माक लोकुर ऊळिस मान ईयनुर इन्जि, पार्तनाताङ लोह्कने ओसो अग़िनाङ मूलानगा निचि, पार्तना कीयलाह ओरिह्क गिर्दा वास्ता. इह केंजाट, नना सेतेम वेहतह्नन, ओर तमा इनमतुन (इतेके सिरप लोकुराय मानतुन) पूरा दोर्किह कीतोरे. 6मति मीट बेस्के देवुळता संगे वळ्ह्कलाह इनजोर दाय्ह्निर अस्के, मीवा लोनलोप्पा नेङाटु, नेङिसि तेल्पतुन केहचि, मीट बोन्के दिसवा, मीवा देवुळदीपतोग़ बाबाना संगे वळ्ह्काटु. अस्के मीवा दिसवद कबळतुन ऊळवाल बाबाल मीक इनम ईयनोग़. 7ओसो मीट देवुळता संगे वळ्ह्कनेके देवुळतुन पुनवोरा लेह्का पिचुळ-पिचुळ वळ्ह्कमाटु. ‘माट वेल्लाङे वळ्ह्कतल, इतेके मावा कोळ्वतुन देवुळ केंजग़ा,’ इद्रम ओरिह्क आस्ता. 8मीक बाताल गावले मन्ह्ता, तान मीट ताल्ह्कनामुनेन, मीवा बाबाल पुन्जिये मन्ह्तोग़. अदिह्के मीट देवुळतुन पुनवोरा लेह्का, पिचुळ-पिचुळ वळ्ह्कमाट बह! 9अदिनेनाह्क देवुळता संगे बाताङ वळ्ह्कनवु, अविन मोदुल कीसि मीकु पुन्पिह कीसीय्ह्नन, अव इहलेह्का मन्ह्ताङ:
जोहर सामि, मावा देवुळदीपतोग़ बाबानिन,#1 पत्रु 1:17
सबेटोर नीवा पेदिरतुन मान ईयिर.
10बेद्रम नीवा दीपतोर नीवाङ केंजिह्तोर,
अहे इद बूमतोर वने नीवाङ केंजिर इन्जि,
इद बूमते नीवा राजेम निल्पिह कीमु.
11मावा दिनमता तिंडि नेंड माक ईमु.
12ओसो बहु माट मावा अडम मता कसुरतोरिन मापि कीतोम,
अहु मावाङ कसुर्किन मापि कीमु.
13ओसो कंदाता वेलाते माक पापमते अर्हमा,
मति माक देयह्कना मुक्यानाहि#6:13 देयह्कना मुक्यानाहि मोदुल कागिदते “लाग्वदिनाहि”, देयह्कना मुक्यानु “लाग्वदु” वने इन्ह्तोर. पिसिह कीमु.#लूकाल 11:2-4
[राजेमि, लावु, डीसाङ इव अमेसाताङ नीवाङे मन्ह्ताङ.#तोहचीतव पोल्लोङ 1:6 माट ताल्ह्कतप आयि.#6:13 राजेमि, लावु, डीसाङ इव अमेसाताङ नीवाङे मन्ह्ताङ. माट ताल्ह्कतप आयि. सबेट्क पाळ्नाङ मोदुल काग्देह्कनगा इद पोल्लो दोर्को.]”
14“ओकावेला मीट लोकुरा कसुरतुन मापि कीतिर इतेके, मीवा पोग़ोटोग़ बाबाल मीवा कसुरतुन वने मापि कीयनोग़. 15मति ओकावेला मीट लोकुरिन मापि केविर इतेके, मीवा पोग़ोटोग़ बाबाल वने, मीवा कसुरतुन मापि केवोग़ आयनोग़.#मार्कल 11:25-26; इपिसुसतोर 4:32
उपस बेद्रम कीयना
16“मीट बेस्के उपस कीय्ह्निर अस्के, सोङ केवालोरा लेह्का मीवा मोकम सोळसोळ आयमाकि. माट उपस कीसोर मह्नोम, इद्रम लोकुर ऊळिस माक मान ईयनुर इन्जि, ओरु तमाङ तोडिङ वाग़िह कीस्तोर. इह केंजाट, नना सेतेम वेहतह्नन, लोकुरा मान, अचोने ओरा इनम! 17मति मीट बेस्के उपस कीय्ह्निर अस्के, तितोरा लेह्का एग़ मीसि, नेय ओकिस तला ऊळाटु. 18बाराह्क इतेके मीवा उपस लोकुरिह्क दिसनायो, सिरप मीवा दिसवोग़ बाबाले ऊळना. अस्के मीवा दिसवा कबळतुन ऊळवाल बाबाल मीक इनम ईयनोग़.
मालसोमता लोप्पा काग़्हमुळि
19“मीटु मियेनाह्कु इद बूमते वेल्ला मालसोम गुम केमाटु. इगा एल्म तिन्ह्ता, सिलुम पोयह्ता, ओसो कलेर लोतुन विर्हचि कलिह्तोर. 20मति इद बूमते मालसोम गुम केवा, देवुळतेनाह्कु इहे ताकना इन्जि, बेस्केन मारवद मालसोम मियेनाह्कु देवुळदीपते गुम आयग़ा. अगा एल्म तिनो, सिलुम पोयो, कलेर कलोर.#1 तिमोति 6:19; याकुब 5:2 21नना मीक बाराह्क वेहतह्नन इतेके, बेगा मीवा मालसोम मनदग़ा (देवुळदीपते मनि, इद बूमते मनि), अगाने मीवा सीता वने मनदग़ा.#लूकाल 12:33-34
22“मीवा कोंडा मीवा मेंदुदा वेह्चलेह्का आंदु. मीवा नद्र देवुळतके मतेक अचोन, मीवा लोप्पा पूरा वेह्च मनदग़ा. 23मति मीवा नद्र देवुळतके इलवेके, मीवा लोप्पा पूरा ईकळे मनदग़ा. अदिनेनाह्कु मीवा लोप्पा मनदनद वेह्चि ओकावेला ईकळ बार आता इतेके, अद ईकळि सिडापडाता मुर्गंगाता आयग़ा!#लूकाल 11:34-36
24“बोग़ाय इर्वुर माल्कालोरा सेवा-साकुर कीया पग़वोग़. बाराह्क इतेके ओग़ु ओर्विन बार कोटुल कीयनोग़, ओर्विन बार जीवा कीयनोग़. इलवेके ओग़ु ओर्विना पोल्लो केंजनोग़, ओर्विना पोल्लो बार केंजोग़ आयनोग़.#रोम सहरतोर 6:18-20 अद्रमे मीट वने मालसोमु ओसो देवुळि, इव रेंडिना सेवा मुर्तिय कीया पग़विर.#लूकाल 16:13; याकुब 4:4
25“अदिह्के नना मीक वेहतह्नन इतेके, पिसमुळतेनाह्क माट बाताङ तिनदकोम, उनडकोम, ओसो मीवा मेंदुलतेनाह्कु माट बाताङ केग़यकोम इनजोरे, मीट आलिह कीसोर मनमाटु.#पिलिपितोर 4:6; 1 पत्रु 5:7 मीवा जीवा सिरप तिनदलाहे, मेंदुल सिरप गेंदेङ केग़यलाहे मन्ह्ताया? 26पग़ियनाङ पिटेनके ऊळाट, अले! अव वीतोङ वने, कोयोङ वने, अहे डोमेने गुम केवोङ वने. तेला मति मीवा देवुळदीपतोग़ बाबाल अविस्किह्क तिंडि ईस्तोग़. देवुळता मुनेह अविस्किह्काय वीळिस, मीट एक्वा मोलातोरिर आंदिर, इतेके निटमे देवुळि मीवा पिसवग़तुन सीता कीयग़ाये. 27तिनदना-उनडना, इविनलोप्पा आलिह कीसोरे मीवा पिसना-पिसवग़ता उंद पूटा वने मीट वीळिह कीया पग़विर#6:27 मीवा पिसना-पिसवग़ता उंद पूटा वने मीट वीळिह कीया पग़विर “मीवा निल्ह्कतुन मीट मुर्तिय वीळिह कीया पग़विर,” इद अर्तम वने आया पग़यह्ता.. पग़यकिरा?
28“अद्रमे मीटु गेंदेना लोप्पा बाराह्कु आलिह कीसोर मह्निर? इव सोबाताङ गेळापुंगेह्किन ऊळाट अले, अव बहु वलियताङ! नना मीक वेहतह्नन, अव कह्टेम केवोङ, नूदे गेंदेङ अर्होङ वने. 29तेला मति साल्मोन राजाल पका सोबाता राजजगा मलियतस्के वने, अव पुंगेह्कना सोबाता बराबर बेस्केन एव्वोग़! 30इंजेके गेळापुंगेह्क नेंड मन्ह्ताङ, नाळ बूळेम आस्ताङ. एय विस्वस इलवोरिर, इद्रमता रोंडातुन देवुळि इचोन बेसताङ केग़यनाङ उहपिह कीसीस्ता इतेके, मीक अदु बेचोन कासा कीसि, गेंदे केग़्पिह कीसीयग़ा! ईयग़ाया, एवो? 31अदिह्के बाताङ तिनदकोम, उनडकोम, केग़यकोम, इविना लोप्पा मीट आलिह कीसोर मनमाटु.#1 तिमोति 6:8 32देवुळतुन पुनवोर इसि, इव कतमे दोर्किह कीयलाह वितापूंडा आस्तोर. मति इव सबेटव मीक गावले मन्ह्ताङ, तेन मीवा देवुळदीपतोग़ बाबाल पुन्जिये मन्ह्तोग़. 33देवुळि मीवा नडुमि राजेम कीयना इतेके, ताना सेतेमतुन मीट सबेटविह्क मुने, इदे मोदुल पोल्लो इन्जि पर्ह्काटु. अह पर्ह्कतिर इतेके, मीक बाताङ गावले मन्ह्ताङ, अव कतमे देवुळि मीक ईयग़ा.#1 तिमोति 4:8 34नाळ बाताल आयग़ा, तेन आलिह कीसोर मनमाटु. नाळता सीता नाळि! नेटा रंदि, नेटुह्क वेल्लाय मन्ह्ता.
Markert nå:
मत्याल 6: माडियाबाय्बल
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2021, Wycliffe Bible Translators, Inc. All rights reserved.
