ꞌPai sia ꞌmướng 12

Có tẳng ꞌtiệc ꞌVện cai

1Cuông ꞌchớ ꞌtan ꞌMô‑ꞌsê cắp ꞌA‑ꞌlôn ꞌnhắng dú nẳng phén đin ꞌmướng Ê‑díp ꞌnặn Chảu ꞌPhạ ꞌGiê‑ꞌhô‑ꞌva sắng sau#máư: 2“Tẳng bươn ꞌnị hảư pên bươn thứ#ꞌnưng, ꞌmen bươn chiêng khong ꞌpứng#chảu. 3Chắng páo hảư ꞌcốn ꞌI‑ꞌsa‑ên ꞌtếng#cá ꞌhụ, bươn ꞌnị ꞌmự síp#ꞌcăm, mỏi hua ꞌhướn phủ pên ꞌpo ꞌhướn hảư au ꞌlụk tô ꞌdo ꞌhứ#ꞌva ꞌlụk tô bẻ ꞌmá ꞌvạy tô#ꞌnưng. 4ꞌVa ꞌhướn ꞌnọi ꞌcốn ꞌchí kin nhứa báu#mết lỏ#hảư ꞌhuôm cắp ꞌhướn chăm#căn, hảư ꞌlay bớng ꞌtoi hua ꞌcốn ꞌpưa hảư ꞌpó#kin. 5Hảư ꞌlưạk au sắt thớc tô pót đi đảy ꞌcọp#ꞌnưng, au tô ꞌdo ꞌhứ#ꞌva tô bẻ ꞌcọ#đảy. 6ꞌLiệng tô sắt ꞌnặn ꞌvạy thả ꞌhọt ꞌmự síp#sí#ꞌcăm. ꞌHọt ꞌchớ ꞌléng khỏn ꞌchí#ꞌmựt, ꞌchu hua ꞌhướn ꞌphắn ꞌcốn ꞌI‑ꞌsa‑ên chắng hảư khả sắt khong phaư#ꞌmắn. 7ꞌLẹo hảư au ꞌlượt ꞌtá sáư ꞌhống pák tu ꞌhướn bón ꞌchí kin nhứa sắt#ꞌnặn, ꞌtá ꞌtếng#cá ꞌphượng ꞌsại ꞌphượng khoa cắp ꞌphượng#ꞌtếng. 8Cuông ꞌcứn ꞌnặn hảư kin nhứa#pín, kin phắc khôm cắp khảu báu#sáư ꞌchựa#pẻng. 9Hảư pín kin ꞌtếng#cá hua cá kha ꞌtếng ꞌchương#ꞌtọng, ꞌnhá đảy kin nhứa đíp ꞌhứ#ꞌva nhứa#tổm. 10ꞌNhá hảư ꞌsứa săng ꞌhọt tứn ꞌchạu ꞌmự#lăng. ꞌVa ꞌsứa lỏ#hảư phau ꞌpháy sia#mết. 11ꞌChớ ꞌchí kin hảư ꞌhạng sai#eo, ꞌtứ ꞌhái#sia, ꞌmứ khắm ꞌmạy#ꞌtạu, hảư ꞌphạo kin ꞌlẹo ꞌvắn#sia. Kin ꞌtiệc ꞌhuôm căn ꞌsướng ꞌnị khék#ꞌva ꞌtiệc ꞌVện#cai, pên ꞌtiệc chứ chăm sỏng ꞌnhó Chảu ꞌPhạ ꞌGiê‑ꞌhô‑ꞌva.

12Cuông ꞌcứn ꞌnặn ꞌháu ꞌchí khảu ꞌlong pay ꞌtua ꞌmướng Ê‑díp, ꞌchí khả ꞌpứng ꞌlụk ꞌchái cốc sau sia#mết, báu#ꞌva phủ ꞌcốn ꞌhứ#ꞌva tô#sắt. ꞌHáu ꞌmen Chảu ꞌPhạ ꞌGiê‑ꞌhô‑ꞌva, ꞌchí sáư ꞌtội ꞌpứng ꞌthớn théng ꞌti ꞌcốn Ê‑díp vảy ꞌháu#ꞌnặn. 13ꞌLượt ꞌtá sáư ꞌhống pák tu ꞌhướn ꞌpứng chảu#ꞌnặn, pên mai hảư ꞌpứng chảu dú ꞌtáng#cuông. ꞌHáu hên ꞌlượt ꞌnặn ꞌcọ ꞌchí ꞌvện cai#sia, ꞌchí báu#hảư chuốp ꞌhại ꞌtoi ꞌsướng ꞌcốn Ê‑díp chuốp. 14Hảư ꞌpứng chảu chứ chăm au ꞌmự ꞌnị#ꞌvạy, pên ꞌmự kin ꞌmuôn chứ chăm vảy ꞌháu Chảu ꞌPhạ ꞌGiê‑ꞌhô‑ꞌva, pên ꞌhịt ꞌkhóng sứp ꞌchua tó ꞌchua ꞌmứa#nả. 15Cuông chết ꞌmự ꞌnặn hảư kin khảu béng tay báu#sáư ꞌchựa#pẻng. ꞌMự té ꞌkhoẹk cuông chết ꞌmự ꞌnặn hảư au ꞌchựa pẻng ók sia#ꞌhướn. ꞌVa phủ đaư hák kin săng ꞌmí ꞌchựa pẻng tẳng té ꞌmự thứ#ꞌnưng ꞌhọt ꞌmự thứ#chết, phủ ꞌnặn ꞌcọ ꞌchí chuốp ꞌlay ók sia ꞌcốn ꞌI‑ꞌsa‑ên. 16ꞌMự thứ#ꞌnưng kéng ꞌmự thứ chết hảư ꞌmá tảu ꞌhốm căn vảy ꞌháu Chảu Pua#ꞌPhạ. Cuông song ꞌmự ꞌnặn báu#hảư ꞌdệt ꞌviạk săng#mết, ꞌmí ꞌto ꞌviạk ꞌkhớng khảu ꞌnặm ꞌcắm kin#thôi. 17Hảư ꞌpứng chảu cứ ꞌtoi ꞌhịt kin khảu báu#sáư ꞌchựa pẻng ꞌnị#ꞌvạy, ꞌmen ꞌcọp ꞌmự ꞌháu au ꞌcốn ꞌI‑ꞌsa‑ên ꞌtoi chủm ꞌhọ khong phaư ꞌmắn ók sia ꞌmướng Ê‑díp. Hảư chứ chăm ꞌmự ꞌnặn ꞌvạy pên ꞌhịt ꞌkhóng sứp ꞌchua tó ꞌchua ꞌmứa#nả. 18Khuốp ꞌhọt bươn#chiêng, tẳng té ꞌtếng ꞌcăm ꞌmự síp sí ꞌhọt ꞌtếng ꞌcăm ꞌmự ꞌsáo#ết, hảư kin khảu báu#sáư ꞌchựa#pẻng. 19Cuông chết ꞌmự ꞌnặn báu#hảư au ꞌchựa pẻng ꞌvạy nẳng#ꞌhướn. Báu#ꞌva phủ ók pên ꞌcốn ꞌI‑ꞌsa‑ên ꞌhứ#ꞌva ꞌcốn táng ꞌphắn ꞌmá dú#nẳng, phủ đaư kin săng ꞌmí ꞌchựa#pẻng, ꞌcọ ꞌchí chuốp ꞌlay ók sia dên ꞌpay ꞌcốn ꞌI‑ꞌsa‑ên. 20Tốc dú bón đaư ꞌcọ#đi, [ꞌcọp ꞌmự ꞌnặn] ꞌnhá kin săng ꞌmí ꞌchựa#pẻng, hảư kin khảu báu#sáư ꞌchựa pẻng#thôi.”

21ꞌSướng ꞌnặn ꞌtan ꞌMô‑ꞌsê chắng khék ꞌpứng thảu ké ꞌcốn ꞌI‑ꞌsa‑ên ꞌmá bók#ꞌva, “ꞌHướn phaư ꞌhướn ꞌmắn hảư pay ꞌlưạk au tô ꞌdo ꞌhứ#ꞌva tô#bẻ, ꞌlẹo ꞌmá khả kin ꞌtiệc ꞌVện#cai. 22Hảư au ꞌmặt sa‑ꞌláng ꞌnưng chúm sáư áng ꞌlượt ꞌmá ꞌtá sáư ꞌhống pák tu ꞌtếng#cá ꞌphượng ꞌsại ꞌphượng khoa cắp ꞌphượng#ꞌtếng. Cuông ꞌcứn ꞌnặn phủ đaư ꞌcọ báu#hảư ók ꞌnọk ꞌhướn ꞌtạu ꞌhọt ꞌhung#ꞌchạu. 23ꞌCứn ꞌnặn Chảu ꞌPhạ ꞌGiê‑ꞌhô‑ꞌva ꞌchí ꞌlong pay ꞌtua ꞌmướng khả ꞌlụk ꞌchái cốc khong ꞌcốn Ê‑díp, ꞌmưa hên ꞌhướn đaư ꞌtá ꞌlượt sáư ꞌhống pák tu ꞌcọ ꞌchí ꞌvện cai pay#sia, báu#hảư tiên ꞌchạư khảu ꞌhướn khả ꞌlụk ꞌchái cốc ꞌpứng#chảu. 24Hảư ꞌdệt ꞌtoi ꞌhịt ꞌkhóng ꞌnị pên ꞌquám bók sắng hảư ꞌpứng chảu chứ chăm sứp ꞌchua tó ꞌchua ꞌmứa#nả. 25ꞌChớ đaư pay ꞌhọt đin ꞌmướng bón Chảu ꞌPhạ ꞌGiê‑ꞌhô‑ꞌva ꞌchí au hảư ꞌtoi ꞌquám chao ꞌhẹn ꞌvạy#ꞌnặn, hảư ꞌdệt ꞌtoi ꞌhịt ꞌkhóng ꞌnị#ꞌvạy. 26ꞌChớ ꞌlụk lan tham é ꞌhụ ꞌhịt ꞌkhóng ꞌnị mai ꞌva ꞌsứ#đaư, 27chắng bók sau#ꞌva, ‘ꞌMen ꞌtiệc ꞌVện cai au sắt vảy ꞌsớ Chảu ꞌPhạ ꞌGiê‑ꞌhô‑ꞌva, ꞌvạy chứ chăm ꞌviạk ꞌTan chảu khả ꞌcốn Ê‑díp, hák#ꞌva ꞌhướn ꞌcốn ꞌI‑ꞌsa‑ên dú ꞌmướng ꞌnặn ꞌTan chảu lỏ#ꞌvện cai sia báu#hảư pên#săng.’”

ꞌTan ꞌMô‑ꞌsê bók ꞌpứng thảu ké ꞌcốn ꞌI‑ꞌsa‑ên ꞌsướng ꞌnặn#ꞌlẹo, sau chắng au căn cổm hua ꞌlạy Chảu ꞌPhạ ꞌGiê‑ꞌhô‑ꞌva, 28ꞌlẹo ꞌpứng ꞌcốn ꞌI‑ꞌsa‑ên ꞌcọ ꞌdệt ꞌtoi ꞌTan chảu sắng ꞌMô‑ꞌsê cắp ꞌA‑ꞌlôn, ꞌsướng ꞌquám ꞌnặn#mết.

29ꞌChớ cang ꞌcứn ꞌmá ꞌmự#ꞌnặn, Chảu ꞌPhạ ꞌGiê‑ꞌhô‑ꞌva chắng ꞌlong pay khả ꞌchu ꞌlụk ꞌchái cốc nẳng phén đin ꞌmướng Ê‑díp, tẳng té ꞌlụk ꞌchái cốc pua ꞌnăng ꞌtến ꞌlống ꞌmá ꞌhọt ꞌlụk ꞌchái cốc ꞌcốn ꞌtú dú cuông khum#đin, ꞌtếng#cá ꞌlụk cốc khong sắt#ꞌliệng. 30ꞌChớ cang#ꞌcứn, pua cắp ꞌpứng ꞌcốn téng đa ꞌtoi pua ꞌtếng#cá ꞌchu ꞌcốn Ê‑díp ꞌnón ꞌhụ ꞌmưa tứn#khửn, ꞌdiến ꞌmí sương khék hảy ꞌnắn ꞌtua#ꞌmướng, báu#ꞌva ꞌhướn đaư ꞌcọ ꞌmí ꞌcốn#tai.

ꞌCốn ꞌI‑ꞌsa‑ên ꞌpai sia phén đin ꞌmướng Ê‑díp

31Cuông ꞌcứn ꞌnặn pua chắng khék au ꞌtan ꞌMô‑ꞌsê cắp ꞌA‑ꞌlôn ꞌmá ꞌlẹo bók#ꞌva, “Hảư ꞌpứng chảu cắp ꞌpứng ꞌcốn ꞌI‑ꞌsa‑ên ꞌpai sia dên ꞌpay ꞌmướng#ꞌháu, pay vảy ꞌháu Chảu ꞌPhạ ꞌGiê‑ꞌhô‑ꞌva ꞌsướng ꞌpứng chảu đảy so ꞌnặn#sia. 32Hảư au ꞌpứng tô sắt tô bẻ tô ꞌdo ꞌngúa ꞌquái ꞌtếng mết pay ꞌtoi ꞌsướng ꞌpứng chảu so#ꞌnặn. ꞌLẹo cóp ꞌphái hảư ꞌháu#é.”

33ꞌPứng ꞌcốn Ê‑díp chắt hảư ꞌcốn ꞌI‑ꞌsa‑ên ók ꞌpai sia ꞌmướng sau#ꞌvắn. ꞌVa báu#ꞌsịn, sau dản ꞌchí tai#mết. 34ꞌSướng ꞌnặn ꞌcốn ꞌI‑ꞌsa‑ên chắng ꞌphạo au sửa ꞌmá ꞌpắn au ꞌháng ꞌbột ꞌnuột#ꞌlẹo, hák#ꞌva ꞌnhắng báu#ꞌhế đảy sáư ꞌchựa pẻng#ꞌnặn, ꞌlẹo bék pay#ꞌtoi. 35ꞌPứng ꞌcốn ꞌI‑ꞌsa‑ên chắng so ha au ꞌchương ꞌngớn#ꞌcắm, ꞌchương ꞌnung khong ꞌtứ nẳng ꞌcốn Ê‑díp, ꞌsướng ꞌquám ꞌtan ꞌMô‑ꞌsê bók ꞌvạy cón#ꞌnặn. 36Chảu ꞌPhạ ꞌGiê‑ꞌhô‑ꞌva ꞌdệt phép ꞌpá chaư ꞌcốn Ê‑díp nể au nả au ta ꞌcốn ꞌI‑ꞌsa‑ên, so ha săng ꞌcọ sôm chaư hảư#mết. ꞌSướng ꞌnặn ꞌcốn ꞌI‑ꞌsa‑ên chắng khôn au ꞌchương khong ꞌcốn Ê‑díp hảư ꞌnặn pay#ꞌtoi.

37ꞌPứng ꞌcốn ꞌI‑ꞌsa‑ên chắng ók ꞌtáng nẳng ꞌmướng ꞌLa‑ꞌmê‑ꞌsệt ꞌtiếu pay ꞌhọt ꞌSục‑cốt. ꞌPo ꞌchái ꞌnhang pay ꞌmí dáo hốc ꞌhọi ꞌpắn#ꞌcốn, phủ ꞌnhính đếc ꞌnọi báu#đảy#ꞌnặp. 38ꞌMí lai ꞌcốn ꞌphắn ứn ꞌcọ pay#ꞌtoi, ꞌtếng phen bẻ phen ꞌdo phen ꞌngúa ꞌquái ế lai#é. 39ꞌCốn Ê‑díp sắp sau hảư ꞌphạo ꞌpai pay ꞌsướng ꞌnặn báu#ꞌlợp ꞌkhặn ꞌkháng ꞌchương kin#ꞌvạy, ꞌmí ꞌbột ꞌlạ báu#sáư ꞌchựa#pẻng. Sau chắng au ꞌbột ꞌnặn ꞌmá#chí, ꞌdệt khảu kin báu#ꞌmí ꞌchựa#pẻng.

40ꞌChựa ꞌphắn ꞌcốn ꞌI‑ꞌsa‑ên kin dú nẳng ꞌmướng Ê‑díp ꞌnặn tốc đảy 430#pi. 41ꞌMự lả sút 430 pi#ꞌnặn, ꞌphắn ꞌcốn ꞌI‑ꞌsa‑ên dên ꞌpay Chảu ꞌPhạ ꞌGiê‑ꞌhô‑ꞌva, ꞌtoi chủm ꞌhọ khong phaư ꞌmắn ꞌcọ đảy ók ꞌpai sia ꞌmướng Ê‑díp mết. 42Cuông ꞌcứn ꞌnặn Chảu ꞌPhạ ꞌGiê‑ꞌhô‑ꞌva đảy ꞌtứ ꞌcứn phảu bớng ꞌchoi au ꞌcốn ꞌI‑ꞌsa‑ên ók sia ꞌmướng Ê‑díp. Khuốp pi ꞌmá ꞌhọt ꞌcứn ꞌmự#ꞌnặn, hảư ꞌcốn ꞌI‑ꞌsa‑ên ꞌchu ꞌcốn ꞌtứ ꞌcứn chứ chăm ꞌcứn ꞌnặn ꞌvạy sỏng ꞌnhó Chảu ꞌPhạ ꞌGiê‑ꞌhô‑ꞌva sứp ꞌchua tó ꞌchua ꞌmứa#nả.

ꞌViạk kin ꞌtiệc ꞌVện cai

43Chảu ꞌPhạ ꞌGiê‑ꞌhô‑ꞌva sắng ꞌMô‑ꞌsê cắp ꞌA‑ꞌlôn máư: “ꞌTiệc ꞌVện cai ꞌchí ꞌchọ đảy ꞌdệt ꞌsướng#ꞌnị: ꞌCốn táng ꞌphắn báu#hảư ꞌhuôm kin ꞌtiệc#ꞌnị. 44ꞌCốn pên khỏi chảu đảy ꞌsự ꞌmá ꞌdệt ꞌhịt tắt mai#ꞌlẹo, hảư kin ꞌtoi#đảy. 45ꞌCốn ꞌphắn ứn ꞌmá ꞌdặng nẳng ꞌhứ#ꞌva ꞌmá chảng báu#hảư kin ꞌtiệc#ꞌnị. 46Hảư kin ꞌtiệc nẳng cuông ꞌhướn bón ꞌchúa kin ꞌnặn#thôi, báu#hảư au nhứa sắt khả kin ꞌtiệc ꞌnặn ók pay ꞌnọk#ꞌhướn, ꞌlẹo ꞌcọ ꞌnhá hảư ꞌco đúk đaư#hắc. 47ꞌCốn ꞌI‑ꞌsa‑ên ꞌtếng#cá phaư ꞌcọ hảư khảu ꞌhuôm ꞌdệt kin ꞌtiệc ꞌVện cai#ꞌnị.

48ꞌCốn táng ꞌphắn ꞌmá kin dú nẳng ꞌmướng chảu é kin ꞌtiệc ꞌVện cai vảy ꞌsớ Chảu ꞌPhạ ꞌGiê‑ꞌhô‑ꞌva, lỏ#hảư ꞌpứng phủ ꞌchái nẳng ꞌchúa ꞌhướn ꞌnặn ꞌdệt ꞌhịt tắt mai sia#cón. ꞌLẹo chắng hảư phủ ꞌnặn khảu ꞌmá ꞌhuôm ꞌtiệc ꞌVện cai ꞌnị#đảy, ꞌsướng phủ ók nẳng ꞌmướng ꞌI‑ꞌsa‑ên. Hák phủ ꞌchái đaư báu#ꞌhế đảy ꞌdệt ꞌhịt tắt mai ꞌcọ báu#hảư kin ꞌtiệc#ꞌnị. 49Báu#ꞌva phủ ók nẳng ꞌmướng ꞌhứ#ꞌva ꞌcốn táng ꞌphắn ꞌmá dú nẳng ꞌcọ hảư ꞌtoi ꞌquám bók ăn điêu#căn.”

50Chảu ꞌPhạ ꞌGiê‑ꞌhô‑ꞌva sắng ꞌMô‑ꞌsê cắp ꞌA‑ꞌlôn ꞌsướng#đaư, ꞌpứng ꞌcốn ꞌI‑ꞌsa‑ên phaư ꞌcọ ꞌdệt ꞌtoi ꞌchu ꞌnéo ꞌsướng#ꞌnặn. 51ꞌMự ꞌnặn pên ꞌmự Chảu ꞌPhạ ꞌGiê‑ꞌhô‑ꞌva hảư ꞌphắn ꞌcốn ꞌI‑ꞌsa‑ên ꞌtoi chủm ꞌhọ khong phaư ꞌmắn đảy ꞌpai sia ꞌmướng Ê‑díp.

Markert nå:

ꞌPai sia ꞌmướng 12: bltTDM

Marker

Del

Kopier

Vil du ha høydepunktene lagret på alle enhetene dine? Registrer deg eller logg på

Lær mer om Tai Dam

Populære bibelvers fra
ꞌPai sia ꞌmướng 12

Video om ꞌPai sia ꞌmướng 12

Overblikk: Andre Mosebok 1-18

BibleProject

ꞌPai sia ꞌmướng 12

Populære bibelvers fra
ꞌPai sia ꞌmướng 12

Video om ꞌPai sia ꞌmướng 12

Overblikk: Andre Mosebok 1-18

Bibel:

Tai Dam

Bibelutgave: Tai Dam - bltTDM