Ala Kalɔ Buse 7
7
Ɔnantu Ɔ́na Ɔ́ƒɔ Kalɔ Lɛlɔ
1Ɔmmɔ kama ni, Unwoti ɔ́su Noa ɔnini, “Ti awɔ ku ƒula kaduli bekyuli ƒui na bitéduo ɔkɔlɔ ɔmmɔ kemmo, ɔsika lɛ́nu ka awɔ kani nse siin na kaba kamɛni bekyuli akɔ. 2Na etiku bebuo lidu lidu bani nse sɛɛn ɔgya ku ule maatɛ maatɛ. Na bebuo bani neeese sɛɛn ni, ti bana lidu inyɔ inyɔ ɔgya ku ule. 3Na baasɛ lɛnɔ ni, ti bana lidu ƒui maatɛ maatɛ ɔgya ku ule. Kalɛ na bebuo ku baasɛ balayii udu na kalɔ lɛlɔ. 4Na ɔ́si emeyi maatɛ kama ni, ndubɔya na ɔnantu ɔna emeyi aavlene usien ku ɔƒɛ uwi kalɔ lɛlɔ. Na lɛyila kebweyi biala na kelie ngba na kalɔ lɛlɔ udu.”
5Na Noa ɔ́bla lɛla biala na Unwoti ɔ́su ɔnii ɔbla.
6Na Noa ɔ́ƒɔ akwa eti leevu-anyɔ (600) uwi ɔni kemmo na ɔnantu ɔmmɔ ɔ́na ɔ́ƒɔ kalɔ kammɔ ƒui. 7Na Noa ku nwuna bebi ku ulekudi ku nwuna bebi bele béduo ɔkɔlɔ bonwu ɔmmɔ kemmo kalɛ na bekeli ɔnantu ɔmmɔ. 8Bebuo bani nse sɛɛn ku bani neeese sɛɛn ƒui ku baasɛ ku bebweyi bani ƒui mɔɔví kalɔ kammɔ lɛlɔ inyɔ inyɔ bébo Noa kudɔ. 9Na badi ɔgya ku ule na bébeduo ɔkɔlɔ bonwu ɔmmɔ kemmo aani kalɛ na Katɔti úbo-ma ɔda. 10Na ɔmmɔ kama ka emeyi maatɛ ammɔ ávi ni, ɔnantu ɔmmɔ úse kalɔ ɔɔna na úyi ɔ́ƒɔ kalɔ ƒui lɛlɔ.
11Ka Noa ɔ́ƒɔ akwa eti leevu-anyɔ (600) ni, nwuna kɔbuli kunyɔdi limeyi leevu-maatɛdi lɛlɔ ni, ntukpa bɔ́bwɛ bɔ́lɛ kalɔ lɛlɔ na katɔ lɛnɔ kálɛmi ku ɔnantu bɔna. 12Na ɔnantu ɔmmɔ ɔ́na emeyi aavlene usien ku ɔƒɛ.
13Na limeyi lɛmmɔ kani lɛlɔ ni, Noa ku nwuna bebi Sem ku Ham ku Yaƒet ku ulekudi ku nwuna bebi ɛtɛ bammɔ beleku béduo ɔkɔlɔ bonwu ɔmmɔ kemmo. 14Na alakpi akɔ bebuo udu biala ɔkya-ma kudɔ mmɔ. Ɔmantɛ bebuo ɔdi biala ku bana udu ƒui ku baasɛ udu biala ku bebweyi bani ƒui mɔɔví kalɔ lɛlɔ ku kubweyi biala na bebo avwi ɔdi biala ku nwuna udu lɛnɔ bakya-ma kudɔ na ɔkɔlɔ bonwu ɔmmɔ kemmo. 15Bebweyi bani ƒui mbo ngba na bana kemmo ɔgya ku ule bébo Noa kudɔ mmɔ. Na bébeduo ɔkɔlɔ bonwu ɔmmɔ kemmo. 16Na ka bebuo bammɔ ƒui béduo ɔkɔlɔ ɔmmɔ kemmo báwɔlɔ aani kalɛ na Katɔti úbo Noa ɔda ni, ɔ́kalɛ-ma ɔ́kya-nwu kemmo.
17Amu na ɔnantu ɔmmɔ ɔ́na ɔ́siaku lɛlɔ emeyi aavlene na ka ntu bɔmmɔ buumomo ɔsu ni, ɔkɔlɔ ɔmmɔ ɔ́ta ɔ́sia ntu bɔmmɔ anumi. 18Na katɔ kani na ntu bɔmmɔ bɔɔkɔ́ na búmomo na kalɔ lɛlɔ. Anwuɔsu ɔkɔlɔ ɔmmɔ ɔsia ntu bɔmmɔ anumi ɔɔví. 19Ntu bɔmmɔ bɔ́kɔ katɔ na bɔ́via abi enengudi ani na kalɔ lɛlɔ ƒui. 20Na ntu bɔmmɔ bɔ́kɔ katɔ bɔ́via abi enengudi ammɔ, na nwuna bɔkɔku bɔdubo butulo lɛgba aavlanyɔ. 21Na ɔmɛni ɔsu ni, lɛla biala muusié taavi kalɔ lɛlɔ lɛ́yii udu. Baasɛ ku ɔmantɛ bebuo ku beƒiebuo ku kayaa bebweyi ku bekyuli bayawine ƒui báyii ku udu. 22Lɛla biala mɔɔnwuna na lɛkya kalɔ kammɔ lɛlɔ líkpi. 23Na Unwoti ɔ́yila lɛla biala na lɛkya kalɔ kammɔ lɛlɔ udu. Na Noa ku bekyuli ku bebuo ku baasɛ ku bebweyi bani nkya ɔkɔlɔ bonwu ɔmmɔ kemmo kani nébu.
24Na ntu bɔmmɔ búyi na bɔ́ƒɔ kalɔ kammɔ ƒui lɛlɔ emeyi eti atɛ (150).
Markert nå:
Ala Kalɔ Buse 7: lef
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
