Lucas 3:4-6

Ex Juan pakb'al tu'ntzun tjapun aju yol tz'ib'an tuj tu'jil Isaías aju t-sanjel Dios, chi kyja': In jaw tq'ajq'ajel twi' jun xjal tuj lugar minti' kynajb'il xjal tuj, in tma'n: Kyb'inchame tb'e Qman; kyb'inchame jun tb'e jiqun ti'j. Tkyaqil tq'ab' xaq ok che nojsetel, tkyaqil witz ex tal witz chq'ajlaj che kyjel; qe b'e ẍo'k kyi'j che xel jiqumet, ex qe b'e busl kyuj che b'ajel tz'umset; ex kykyaqil xjal k'okel kyke'yin aju kolb'il in tzaj tq'o'n Dios, chi Isaías.