Génesis 10
10
Qe tiyjil Noé
1 Crónicas 1.5-23
1Atzun tx'olb'ab'l jlu kyi'j kyiyjil Sem, Cam ex Jafet, qe tky'ajal Noé, aqeju ul itz'j kyk'wa'l tb'ajlenxi q'eqab'.
2Qe tky'ajal Jafet, atzun qe jlu: Gomer, Magog, Madai, Javán, Tubal, Mesec ex Tiras. 3Qe tky'ajal Gomer, atzun qe jlu: Asquenaz, Rifat ex Togarma. 4Qe tky'ajal Javán, atzun qe jlu: Elisa, Tarsis, Quitim ex Dodanim. 5Atzun qe jlu e najan ttzi'yile mar, teyle te junjun tyol, teyle te junjun tiyjil ex teyle te junjun ttanmi.
6Qe tky'ajal Cam, atzun qe jlu: Cus, Mizraim, Fut ex Canaán. 7Qe tky'ajal Cus, atzun qe jlu: Seba, Havilá, Sabta, Raama ex Sabteca. Qe tky'ajal Raama, atzun qe jlu: Seba ex Dedán. 8Ul itz'j jun tky'ajal Cus, Nimrod tb'i. Atzun tnejel xjal o ten twitz tx'otx' nimxix tipumal. 9Ate Nimrod jun xjal nintz kamb'al twitz Qman. Atzun tzaj jlet jun yol in kyma'n xjal kyja': Ik tza'n te Nimrod, jun xjal nintz kamb'al twitz Qman, che chi. 10Atzun tzaj qe' tkawb'il kyuj tnam Babel, Erec, Acad ex Calne, tuj tx'otx' Sinar. 11Extzun tuj tx'otx' Sinar, pon tuj Asiria, ex e jaw tb'incha'n qe tnam Nínive, Rehobot-ir, Cala 12ex aju nintz tnam Resén, aju tkub' t-xol Nínive tuk'il Cala.
13Mizraim, atzun kyxe'chel qe aj Ludim, qe aj Anamim, qe aj Lehabim, qe aj Naftuhim, 14qe aj Patrusim, qe aj Casluhim (jatum e tzaj poq'l qe aj Filisteo) ex qe aj Caftorim.
15Sidón tb'i tnejel tky'ajal Canaán ex Het tb'i juntl. 16Ax Canaán kyxe'chel qe aj Jebuseo, qe aj Amorreo, qe aj Gergeseo, 17qe aj Heveo, qe aj Arace, qe aj Sineo, 18qe aj Arvadeo, qe aj Zemareo ex qe aj Hamateo. Mas yajxi b'aj kypa'n kyib' qe aj Canaán tuj k'lojin. 19Tzajx qe' kytx'otx' qe aj Canaán tuj tnam Sidón, ik' tumlal tnam Gerar tb'i, ul b'aj tuj tnam Gaza, ex ik' tumlal tnam Sodoma, Gomorra, Adma ex Seboím, pon b'aj tuj tnam Lasa. 20Atzun qe tiyjil Cam jlu, teyle te junjun tiyjil, teyle te junjun tyol, teyle te junjun ttx'otx' ex teyle te junjun k'loj xjal.
21Ax ikx e ul itz'j qe tky'ajal Sem aju ttzik Jafet. Ate Sem kyxe'chel kykyaqil qe aj Heber. 22Qe tky'ajal Sem, atzun qe jlu: Elam, Asur, Arfaxad, Lud ex Aram. 23Qe tky'ajal Aram, atzun qe jlu: Uz, Hul, Geter ex Mas. 24Arfaxad, atzun tman Sala, ex Sala tman Heber. 25E ul itz'j kab'e tky'ajal Heber; atzun tb'i jun Peleg tu'nju tuj tq'ijlalil tej tten kub' kypa'n kyib' xjal twitz tx'otx'; Joctán tb'i titz'in. 26Joctán, atzun kyman Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila ex Jobab. Kykyaqil qe jlu tky'ajal Joctán qe. 30Aju tx'otx' jatum e najan, xi'x qe' tuj tnam Mesa pon b'aj tuj tnam Sefar, tuj tiwitz tx'otx' tuj tjawitz q'ij. 31Atzun qe jlu tiyjil Sem, teyle te junjun tiyjil, teyle te junjun tyol, teyle te junjun ttx'otx', ex teyle te junjun ttanmi.
32Atzun qe jlu kyiyjil tky'ajal Noé, teyle te junjun tiyjil ex teyle te junjun ttanmi. Kyi'jtzun qe jlu e b'ant qe nasyon tb'ajlen kysputin kyib' xjal tuj tkyaqil twitz tx'otx', tb'ajlenxi q'eqab'.
Markert nå:
Génesis 10: MAMNO
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
