Bl 5
5
Adrĕch adrung Ađam, đơ̆ng adrĕch Set dĭng truh tơ adrĕch Nôê
1Âu boih sơ̆p hla bơar chih răk adrĕch adrung Ađam.
Năr mă Kră Yang 'Bok Kei-Dei pơjing kon bơngai, Sư pơjing kon bơngai hơbŏ thoi Kră Yang 'Bok Kei-Dei. 2Sư pơjing bơngai drŏ-nglo păng bơngai drŏ-kăn, ăn tơdrong pŭn hiôk kơ bre sư păng năr Sư pơjing ei Sư anăn bre sư bơngai.
3Kơplah Ađam đei minh-hrĕng pêng-jĭt sơnăm, sư pơjing minh 'nu kon drŏ-nglo hơbŏ thoi sư, sư anăn Set. 4Đơ̆ng rŏng kơ Ađam đei pơjing Set boih, sư oei arih tơhngam-hrĕng sơnăm, kư̆m oei đei pơjing kon drŏ-nglo kon drŏ-kăn. 5Thoi noh Ađam arih đei tơsĭn-hrĕng pêng-jĭt sơnăm, na lôch.
6Set đei minh-hrĕng pơđăm sơnăm, pơjing Ênos. 7Đơ̆ng rŏng kơ Set pơjing Ênos boih sư arih tơhngam-hrĕng tơpơh sơnăm, pơjing kon drŏ-nglo kon drŏ-kăn. 8Thoi noh Set arih đei tơsĭn-hrĕng mơjĭt-'bar sơnăm na sư lôch.
9Ênos đei tơsĭn-jĭt sơnăm, pơjing Kênan. 10Đơ̆ng rŏng kơ Ênos pơjing Kênan boih, sư oei arih tơhngam-hrĕng mơjĭt-pơđăm sơnăm, pơjing kon drŏ-nglo kon drŏ-kăn. 11Thoi noh Ênos arih đei tơsĭn-hrĕng pơđăm sơnăm na sư lôch.
12Kênan đei tơpơh-jĭt sơnăm, pơjing Mahalale, 13Đơ̆ng rŏng kơ Kênan pơjing Mahalale boih, sư oei arih tơhngam-hrĕng puăn-jĭt sơnăm pơjing kon drŏ-nglo kon drŏ-kăn. 14Thoi noh Kênan arih đei tơsĭn-hrĕng mơjĭt sơnăm, na sư lôch.
15Mahalale đei tơdrâu-jĭt pơđăm sơnăm, pơjing Jaret. 16Đơ̆ng rŏng kơ Mahalale pơjing Jaret, sư oei arih tơhngam-hrĕng pêng-jĭt sơnăm, pơjing kon drŏ-nglo kon drŏ-kăn. 17Thoi noh Mahalale arih đei tơhngam-hrĕng tơsĭn-jĭt pơđăm sơnăm, na sư lôch.
18Jaret đei minh-hrĕng tơdrâu-jĭt 'bar sơnăm, pơjing Ênok. 19Đơ̆ng rŏng kơ Jaret pơjing kơ Ênok boih sư oei arih tơhngam-hrĕng sơnăm, pơjing kon drŏ-nglo kon drŏ-kăn. 20Thoi noh Jaret arih đei tơsĭn-hrĕng tơdrâu-jĭt 'bar sơnăm, na sư lôch.
21Ênok đei tơdrâu-jĭt pơđăm sơnăm, pơjing Mêtusêla. 22Đơ̆ng rŏng kơ Ênok pơjing kơ Mêtusêla boih, đơ̆ng noh sư mơ̆ng kiơ̆ Kră Yang 'Bok Kei-Dei lăm pêng-hrĕng sơnăm, sư pơjing kon drŏ-nglo kon drŏ-kăn. 23Thoi noh Ênok đei arih pêng-hrĕng tơdrâu-jĭt pơđăm sơnăm. 24Ênok kiơ̆ Kră Yang 'Bok Kei-Dei, na biŏng pă 'bôh hloi, yua kơ Kră Yang 'Bok Kei-Dei sơng iŏk sư boih.
25Mêtusêla đei minh-hrĕng tơhngam-jĭt tơpơh sơnăm pơjing Lêmek. 26Đơ̆ng rŏng kơ Mêtusêla pơjing Lêmek boih, sư oei arih tơpơh-hrĕng tơhngam-jĭt 'bar sơnăm pơjing kon drŏ-nglo kon drŏ-kăn. 27Thoi noh Mêtusêla arih đei tơsĭn-hrĕng tơdrâu-jĭt tơsĭn sơnăm, na sư lôch.
28Lêmek đei minh-hrĕng tơhngam-jĭt 'bar sơnăm, pơjing minh 'nu kon drŏ-nglo. 29Sư anăn Nôê păng khan thoi âu: “Sư âu boih wă pơlung jơhngơ̆m lu bơ̆n đơ̆ng tơdrong jang mă gleh lap yua kơ Kră Yang hiap pơtê̆ boih teh âu.” 30Đơ̆ng rŏng kơ Lêmek pơjing Nôê boih, sư oei arih pơđăm-hrĕng tơsĭn-jĭt pơđăm sơnăm, sư pơjing kon drŏ-nglo kon drŏ-kăn. 31Thoi noh Lêmek arih đei tơpơh-hrĕng tơpơh-jĭt tơpơh sơnăm, na sư lôch.
32Gah Nôê, dĭng truh sư pơđăm-hrĕng sơnăm, sư pơjing pêng 'nu kon drŏ-nglo, Sem, Cham păng Japhet.
Markert nå:
Bl 5: bdq
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Bahnar Bible Association. All rights reserved.
