Noo Mian 3
3
CAB. III.
1Ayns ny laghyn shen haink Ean Bashtey, preacheil ayns faasagh Judea,
2As gra, gow‐jee arrys: Son ta Reeriaght Yee er‐gerrey.
3Son shoh e va loarit jeh, liorish y Phadeyr Esaias, gra, Coraa fer gemagh ayns yn aasagh, Jean‐jee aarloo raad y Chiarn, jean‐jee ny cassanyn echey kiart.
4As va ec Ean keddyn coamrey dy chlooie chamel, as cryss liare mish ny meeghyn echey; as va e veaghey locustyn as mill feie.
5Eisht hie magh huggey Jerusalem as ooilley Judea, as ooilley’n cheer my‐geart Jordan,
6As va’d er nyn mashtey liorish ayns Jordan, goall rish nyn beccaghyn.
7¶ Agh tra honnick e ymmodee jeh ny Phariseyn as ny Sadduceyn cheet gys e vashtey, doort e roo, O heeloghe dy ard‐nieughyn, quoi t’er chur raue div, dy hea veih’n chorree ta ry heet?
8Ymmyrk‐jee magh er‐y‐fa shen mess cooie jeh arrys.
9As ny smooinee‐jee dy ghra cheu‐stie jiu hene, Ta Abraham ain son nyn ayr: son ta mee gra riu, dy vel Jee able jeh ny claghyn shoh, cloan y hroggal seose da Abraham.
10As nish myrgeddyn ta’n teigh er ny choyrt gys fraue ny miljyn: shen‐y‐fa ta dy chooilley villey nagh vel gymmyrkey magh mess mie, dy ve giarit sheese as tilgit ayns yn aile.
11Ta mish dy jarroo dyn mashtey shiu lesh ushtey gys arrys; agh ta eshyn ta cheet my yei, ny spooaral ny mish, ny Braagyn echey cha vel mee feeu dy ymmyrkey: Bashtee eshyn shiu lesh y spyrryd Noo as lesh aile.
12Ta’n cleayst echey ayns e laue, as nee e dy bollagh e laare‐arroo y ghlenney, as gowee e e churnaght stiagh ayns y thie‐tashtee, agh loshtee e yn choau lesh aile nagh vod v’er ny vooghey.
13¶ Eisht haink Yeesey veih Galilee gys Jordan gys Ean, dy ve er ny vashtey liorish.
14Agh loar Ean noi, gra, Ta feme ayms er ve bashtit liorts, as vel uss er jeet hyms?
15Dreggyr Yeesey, as doort e rish, Cur raad dou nish: son shoh myr te cooie dooin dy chooilley chairys y chooilleeney. Eishtagh lig e da.
16As hie Yeesey, tra ve’r ny vashtey, seose chelleeragh ass yn ushtey: as cur‐my‐ner va ny Niaughyn er nyn vosley er e skyn, as honnick e spyrryd Yee cheet neose goll rish calmane, as soie er.
17As cur‐my‐ner, coraa veih Niau, gra, Shoh my Vac graihagh, jeh ta mee dy moar soiaghey.
Markert nå:
Noo Mian 3: NMian
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
historic text maintained in digital form by the British and Foreign Bible Society (Sheshaght y Vible)
