Agege 15
15
Obaŋa omoko cikere mere gin Abram
1A doŋ man otum, Rwot dok te nyuto baŋ Abram koppere kun kobo ni, “Kur ilwor, Abram, an abino bedo kwotti, abino miyi mot adwoŋ meicel.” 2Ento Abram te gamo ni, “Ama Rwot Obaŋa, ŋo kara ame ibino miya? Nen anaka atinna moro daŋ pwod pe, ale oda bino bedo Eliezer me Damaciko.” Abram te dok medo ni, 3“Nen, yin mom ru imia atinnoro; amiro ame onywalo i oda en ame bino leyo oda.” 4Kop a Rwot te bino baŋe ni, “Mom dano-ni gire en ame bino leyo, ento wodi ikome en ame bino leyo odi.” 5#Rom. 4.18; Eb. 11.12Te kelo Abram oko, te kobbe ni, “Koŋ inen polo, kwan wel acer, nen ka iromo kwano welgi ityeko!” Te medo kobbe ni, “Ikwai daŋ bino bedo apol amannono.” 6#Rom. 4.3; Gal. 3.6; Yak. 2.23Abram te medde kede iyee mere i kom Rwot; omio ote kwane ni kite atira.
7Dok te kobbe ni, “An a Rwot ame okeli i boma me Ur ame tye i lobo a jo Kaldaya, me miyi loboni bed megi.” 8Abram ogamo ni, “Ama Rwot Obaŋa, kara atwero ŋeyo nino ni lobo-ni bino bedo mega?” 9Okobbe ni, “Kella atin roa moro me mwaka adek, kede akale dyelloro me mwaka adek, kede nyok romo me mwaka adek, kede atin awele, kede amam.” 10En te ke lo jami-nono luŋ baŋe, te nununo yigi oko aryo kun poko acel atira i dul aryo, eka te canogi kun dul acel acel tenne kede awottere, ento winy mom te nuno yigi. 11Ka acut obino me camogi, Abram ryemogi oko.
12 #
Yubu 4.13, 14 Otyeno ame cen doŋ ceggi donyo, nino te mako waŋ Abram atek meicel. Lworo omake twon pinnyoro acol icuc te wume oko. 13#Yaa 1.1-14; Tic 7.6Rwot te kobbe ni, “Myero iŋe ateni ni, ikwai bino bedo wele i lobo a mom meggi; dok obino miyogi odoko opii kuno eka ote wunogi pi mwakki mia aŋwen. 14#Yaa 12.40-41; Tic 7.7Cite an abino ŋolo kop i kom rok ame bino wunoginono, icennere gin bino ya wot oko i kuno kun otye i lwak lim apipim. 15Aco yin giri ibino buto karacel i kwarini i kuc, obino yiki ame doŋ iteggo aber abera. 16Ikwai ame obino nywalo, ame gin lwagi me aŋwennere, gin bino dwogo kan, pien bal a jo Amor mom ru romma ke to can i komgi.”
17Otyeno ame ceŋ doŋ opo to, piny doŋ odoko acol oko, gulu ame yito aduny iye kede mac ame alyel i rao te bea i dye riŋo ame onununo ca, 18#Tic 7.5Ninonono en ame Rwot oketo iye cikere mere kede Abram, kun kobo ni, “Amio lobo man baŋ ikwai, cakere i kulo me Miciri tuno anaka i kulo adwoŋ ame en kulo me Efurat. 19Lobo a jo Keni, kede jo Keniji, kede jo Kadmon, 20kede jo Kitti, jo Periji kede jo Repa, 21kede jo Amor, kede jo Kanaan, kede jo Girgac, kede jo Jebuc.”
Markert nå:
Agege 15: Lango
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Lango Bible © United Bible Societies, 1978, 2019.
