Genesis 1
1
GODUNGKU BUBU, BAMA, JUNJUY-JUNJUY WUBULKU BALKAN
Genesis 1.1—2.4
1-2Jakalbaku Godungku jiri balkan, yala bubu. Bubu wubulku nandajin banabu. Godumu wawu walngkan-walngkan jarra wangkar-wangkar bananga. Nguwul-nguwul bajaku yiringkurrku.
Light.
1.3-5
3-5Godungku yalaman, “Yalbayku dayirrmaka.” Yinyamun yalbayku dayirrmanda. Godungku ngulkurr bajaku dayirr nyajin balbajinya. Nyulu yalaman, “Dayirr ngulkurr.” Nyulu dayirranga burri dajin, wungar. Nyulu dayirr ngami-ngami-bungan nguwul-nguwulmun. Nyulu nguwul-nguwulumu burri dajin, wujurr. Yinya day first one.
Jiri.
1.6-8
6-8Warngku yindu Godungku kuku dajin baja, ngurrban dakanda banamun bada-badamun, wangkar jiringa bundanda. Godungku ngurrban ngami-ngami-bungan banamun. Godungku jiri jirida burri dalkin. Yinya day number two.
Bubu, jalun, jurrbu, duduy.
1.9-13
9-13Warngku yindu Godungku kuku dajin baja, jalun murumanda, bubu marral warrmbamanda. Godungku bubu bubuda burri dalkin and jalun jalunda burri dalkin. Bubu and jalun ngulkurr Godundumunbu miyilba. Yinyamun nyulu kuku dajin baja, jurrbu walu-yindu walu-yindu, duduy walu-yindu walu-yindu, juku walu-yindu walu-yindu dakarinda. Jana dakarin, diburr walu-yindu walu-yindu balkajinya, daranya, jurrbu, duduy, juku wubulmarinya diburrmun. God wawu jirray junjuy-junjuynku nyulu nyajin. Yinya day number 3.
Wungar, kija, dawar.
1.14-19
14-19Warngku yindu Godungku kuku dajin baja, wungar, kija, dawar wubulku nguwimalman. Godungku wungara balkan warngku yindu-yindu dakanka, bubu balbanka wungaraburr. Nyulu kijanda and dawar-dawaranda balkan bubu balbanka wujurrbu. Wawu yinyamun wungarabu balban wungaraburr, kijangka, dawar-dawarangka balban wujurrdurr. Godungku wungarabu ngami-ngami-bungan, bulurijila, wungarijila and kambarala. Yinya day number 4.
Kuyu-kuyu, dikal-dikal.
1.20-23
20-23Warngku yindu Godungku kuku dajin baja, jana wubulku junjuy-junjuy bananga bundandarin, kuyu walu-yindu walu-yindu warrmbamarinda bananga. Kaykay-kaykay walu-yindu walu-yindu balkajinya, jaba-jabamarinya, jananga kaykay-kaykay balkajinya baja. Yalaku. Jana wubulmarinda. Godungku dikal walu-yindu walu-yindu yalarrku balkan. Diburr walu-yindu walu-yindu balkajinya, dalkarinya, jaba-jabamarinya, wubulmarinya. Yinya day number 5.
Minya-minya, bama.
1.24-31
24-31Warngku yindu Godungku kuku dajin baja, minya walu-yindu walu-yindu warrmbamarinda, bubungu bundandarinya. Godungku yalarrku jarba walu-yindu walu-yindu balkan, junjuy-junjuy walu-yindu walu-yindu bububurr dunganya balkan. Wawu balkanyamun Godungku jananin nyajin, wawurr-wawurrman jananka. Yinyamun Godungku yalaman, “Ngana bamada balkanka. Ngana jananin balkal yala ngana. Jana majamal kuyunku wubulinkaku, majamal dikalanka wubulinkaku, majamal minyanka wubulinkaku. Kanbal minya and dikal wild-bala, kanbal minday, yamba bama majamal wubulinkaku.” Yinyamun Godungku bama bubumun balkan. Nyulu wawu dajin bamandamunbu bujilba, nyulu bama juranman. Wawu yinyamun Godungku wubulku biku-nyajin, wawurr-wawurrmankuda. Yinya day number 6.
Markert nå:
Genesis 1: gvnNTOTPO
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 1985, Wycliffe Bible Translators, Inc. All rights reserved.
