Jesaja 18
18
Kusj
1 # 18,1 Kusj stormakt sør for Egypt som styrte over Egypt ca. 760–656 f.Kr. Jf. 1 Mos 2,13; Jes 11,11; 20,3ff; Jer 13,23; 38,7ff. Ve det landet der venger svirrar,
bortanfor elvane i Kusj,
2 # 2 Kong 21,13; Jes 18,7; 20,3; Jer 13,23; Esek 30,9 landet som sender bodberarar over havet
i sivbåtar på vatnet.
Dra, de raske sendebod,
til det høgvaksne og glinsande folket,
eit folkeslag dei fryktar vidt ikring,
eit folk i rekkje på rekkje som trampar andre ned,
i eit land gjennomskore av elvar.
3 # 5,26; Jer 4,5; Joel 2,1 Alle de som bur i verda,
de som held til på jorda,
sjå opp når dei lyfter banneret på fjell,
og lytt når dei blæs i horn!
4 # Sal 76,3; Jes 8,18; 11,12 For så seier Herren til meg:
Frå min bustad vil eg sjå på og halda meg i ro
lik heten som dirrar i lyset,
lik tåkedis i heten om hausten.
5 # 5,1ff; 17,14 For før hausten,
når bløminga er slutt
og blomane blir til kart,
skjer han av skota med kniv,
fjernar vinranker, kastar dei frå seg.
6 # Esek 29,5; 32,4; 39,4 Alt skal overlatast
til rovfugl i fjellet og villdyr på marka.
Rovfugl er over dei om sommaren,
alle villdyr om vinteren.
7 # Sal 68,32; 87,4; Jes 11,10ff; 27,13; 66,18ff På den tid
skal dei koma med gåver til Herren over hærskarane
frå det høgvaksne og glinsande folket,
eit folkeslag dei fryktar vidt ikring,
eit folk i rekkje på rekkje som trampar andre ned,
i eit land gjennomskore av elvar,
til staden der namnet åt Herren over hærskarane bur,
til Sion-fjellet.
Markert nå:
Jesaja 18: N11NN
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).