Populære bibelvers fra Hinang 2

Del

Migtabak si Pedro, “Kada sobuuk iyu kinahangyan musosey to sae din aw talikudi. Pabawtismu kow isab to ngadan ni Jesu-Cristo. Na, ogkapasaylu to mgo sae now aw ogbogajan kow to Ispiritu Santu.

Nasaboka to ginhawa dan. Ogpaminog sikandan to pagpang-anad to mgo apustulis aw og-ampu dow oghandom to kamatajon ni Jesus pinaagi to pagsasayu dan to pagkoon.

Duon-dajun piggahoman sikandan tibo to Ispiritu Santu aw nakaikagi to yain-yain no mgo inikagihan no wada dan anadi no impalituk kandan to Ispiritu Santu.

Puli sikandan natokow to dinabohong no napuun diya to yangit no migyokop duon to sed to bayoy. Angod sikan to hinodos to maagbot no kaemag. Pigkita dan dajun to angod to mgo yogdog to kaeju no migsusuwoy-suwoy aw untud duon to kada sobuuk no nahimun duon. Duon-dajun piggahoman sikandan tibo to Ispiritu Santu aw nakaikagi to yain-yain no mgo inikagihan no wada dan anadi no impalituk kandan to Ispiritu Santu.

Kada aedow oghihimun sikandan duon to Bayoy to Diyus, aw ogsasayu isab to pagkoon duon to mgo bayoy dan. Malipajon sikandan dow mapaobsanon no kanunoy ogsaja to Diyus. Nasaja sikandan to kaotawan, aw kada aedow mey ogkangkayuwas no indugang to Diyus duon kandan.

‘Seini to oghinangon ku diya to umaabut no panahon, kagi to Diyus. Igpakonsad ku to Ispiritu Santu duon to tibo yain-yain no kaotawan. To anak now no mgo yukos dow mgo bohi ogpakabatbat to igpaikagi ku. Meyduon igpasailow ku to batan-on no mgo yukos, aw meyduon isab igpatagainop ku to mgo manigaon.

Kanunoy oghihimun to tibo mgo magtutuu dow ogpasasagapay. Ko meyduon mgo suun to pagtuu no ogkalisod-lisod, dajun ogpamaligja to duma no mgo magtutuu to inggad nokoy no katigajunan dan agun matabangan to diya oglisod.

Di inggad hintawa no og-ampu kanay no Ginuu dinumahan to pagsalig ogkayuwas.’

Kona pad on og-abut to mahinongdanon dow kabeynganan no aedow no siak no Ginuu oghukum to kaotawan, meyduon igpakita ku no mgo kabeynganan diya to yangit. Ogdigyom to soga, aw to buyan ogkaangod to yangosa to kayogdog. Meyduon isab igpakita ku no mgo kabeynganan dini to pasak no yangosa dow kaeju hasta madamey hilabi no obey.