Populære bibelvers fra Matyu 18

Del

Tamo aiyel kio tamo qalub kio ijo ñam qa are qalsib koroqab di e naŋgo ambleq di sqai.”

“Niŋgi quiye. E bole merŋgwai. Mandamq endia nuŋgo ambleq di tamo aiyel naŋgi iŋgi bei oqa marsibqa naŋgi ombla na areqalo qujaitosib ijo Abu laŋ qureq di unu qaji a pailyqab di a na naŋgi iŋgi di enjrqas.

Onaqa Yesus a aŋgro kiñala bei metonaq aqa areq bonaqa naŋgo ambleq di tigeltosiqa osornjrej. Osornjrsiqa minjrej, “Niŋgi quiye. E bole merŋgwai. Niŋgi are bulyosib aŋgro kiñala endego bulqasai di Qotei a niŋgi osim taqatŋgwasai. Deqa a nuŋgo Mandor Koba sqasai dego.

Tamo bei na aqa segi ñam aguq atsim aŋgro kiñala endego bulqas di mondoŋ Qotei laŋ qureq di unu qaji a na tamo di aqa ñam olo soqtetimqa a na tamo kalil naŋgi buŋnjrsim tamo ñam ti tigelqas.

“Tamo bei a e qa are qalsimqa aŋgro kiñala endego bei osim geregereiyqas di a e dego osim geregereibqas.”

“Niŋgi quiye. E bole merŋgwai. Niŋgi mandamq endia tamo uŋgasari naŋgi getentnjrqab di Qotei a dego laŋ qureq dia naŋgi getentnjrqas. Ariya niŋgi mandamq endia tamo uŋgasari naŋgi gam waqtetnjrqab di Qotei a dego laŋ qureq dia naŋgi gam waqtetnjrqas.

“Dego kere niŋgi nuŋgo was naŋgo une kobotetnjrqasai di ijo Abu laŋ qureq di unu qaji a dego nuŋgo une kobotetŋgwasai.”

Osiqa Yesus a olo anjam endegsi minjrej, “Tamo bei na ijo aŋgro kiñala endego bei e qa aqa areqalo siŋgilatqo qaji di osim uneq waiyqas di uge. Tamo qudei naŋgi na tamo di ojsib meniŋ kobaquja osib sil na aqa kakoroq di tontosib waiyib ya robuq aisim moiqas di kere.

“Niŋgi kiersib are qalonub? Tamo bei aqa kaja du du 100 unub. Ariya qujai bei alelamqa a kierqas? E merŋgwai. A na kaja du du 99 naŋgi manaq dia uratnjrsimqa qujai alelqo qaji di ŋamosim gilsim itqas.