Populære bibelvers fra Matyu 16

Del

Osiqa aqa aŋgro kalil naŋgi endegsi minjrej, “Tamo bei na e daurbqa osimqa aqa segi areqalo kalil uratekritosim di aqa segi ŋamburbas qoboiyosim e daurbem.

Deqa e ni endegsi mermqai. Ni Pita. Ino ñam di aqa damu, ‘Meniŋ’. Ni e Qotei aqa Ŋiri qa merbonum. Ino anjam di meniŋ bul tulaŋ siŋgila koba. Deqa e na ijo segi tamo uŋgasari kalil naŋgi koroinjritqa naŋgi meniŋ quraq dia tigelesqab. Yimqa Moio aqa siŋgila na naŋgi ugetnjrqa keresai.

O Pita, e ni siŋgila emqai. Deqa ni mandamq endia tamo uŋgasari naŋgi getentnjrqam di Qotei a dego laŋ qureq dia naŋgi getentnjrqas. Osim deqa a naŋgo Mandor Koba sosim naŋgi taqatnjrqasai. Ariya ni mandamq endia tamo uŋgasari naŋgi gam waqtetnjrqas di Qotei a dego laŋ qureq dia naŋgi gam waqtetnjrqas. Yim deqa naŋgi laŋ qureq oqwab. Oqibqa a naŋgo Mandor Koba sosim naŋgi taqatnjrqas.”

Di kiyaqa? Tamo bei a aqa segi ŋambile qa areqalo kobaiyqas di a padalqas. Ariya tamo bei a e qa are qalsimqa aqa segi ŋambile uratqas di a olo ŋambile bole oqas.

Tamo bei a mandam qa ñoro kalil koroiyqas di mondoŋ aqa segi qunuŋ padalqas. Yimqa ñoro dena a kiersim aqaryaiyqas? Di keresai. Aqa qunuŋ padalqas di a awai kie atsim dena aqa qunuŋ olo ŋambile sqas? Di keresai.

Onaqa Yesus a naŋgi olo nenemnjrej, “Niŋgi segi e nuboqnsib niŋgi e qa kiersib mareqnub?” Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Pita na kamba Yesus degsi minjnaqa a na minjej, “O Saimon, Jona aqa ŋiri, ni tulaŋ areboleboleimeme. Di kiyaqa? Ino anjam merbonum di mandam tamo bei na babtosiq mermosai. Ijo Abu laŋ qureq di unu qaji a segi na anjam di babtosiq mermqo.