Populære bibelvers fra ṮAKWIIN 6

Del

Dhali Tap̱a ḵalki bwan diṯi’d mo ki a’di uḵki ’kwani e mony’cesh mo dhali a’di jwakaṯki a’di adum piti mo.

Tap̱a p̱arki tonthus e kun miikina ’kwani caaca kagahara e mony’cesh mo dhali misha ris gwalal buni kun kulumkina uni eya dum buni mo ta jasi tonthus ki sule/ sule/ mo.

Hili Nuuh gamki’da ’the e e gi Tap̱a mo.

Uni gwansan itana nyaḵum yil ma Nuuh mo. Nuuh a’di ita wathiŋ ḵar/e mo, dar gi mii ’ba/ e nyaḵum yil gi ’kwanim piti mo. Nuuh nyaḵ ya ka Arumgimis mo.

Wakan Tap̱a a’di ki o gwo mo ki: Aha/ mina dhi’th ’kwani sho’k mo uni kun uḵka/ ’peni bwam/e ga ’cesh mo, ’kwanimpa en’thi/ dhali tombwaasho dhali to kun parana ’cesh dhali ’dii kun p̱en e mis mo haali/ aha/ diṯa bwa mo ki aha/ i/uḵkina uni mo.

Ki ’kwani ṯelki mii ’pen mmomar is mo ap̱o/ bwam/e ga ’cesh mo dhali ’bwa/m buni dho’thkunu uni mo ṯani iya/ ma Arumgimis mo uni p̱arki i’bwa/ gi ’kwani e mo ki uni ’bora’bor mo dhali uni ki mash uni mo mmota i/ash mo me’d jin kwanykina uni uni wakan mo. Dhali yan’ko’d Tap̱a ki o gwo mo ki: Shi/in pem midi diki malas ’kwani ki sule/ sule/ mo haali/ a’di ta buŋgwar is mo, hili ateem piti midi ta yili iss ’kwanimpa ipe’de/ mo. Dhan ḵampar ’kwani uni ’kokin e mony’cesh ka tee gwansan mo dhali uni ’koni ’ko’d si’da/ mo me’d jin p̱u’dkina iya/ ma Arumgimis e i’bwa/ gi ’kwani mo dhali uni dho’thki uni uc̱i mo. Uni gwansan ita ’kwani kun c̱a’bki dem dem ’peni kadhamo/ mo dhali kun tora gway ḵarash mo.

Nuuh miiki mii yansan mo. A’di miiki’da ris gwo kun ḵankin ma Arumgimis a’di mo be.

Dhali Arumgimis ki owa Nuuh gwo mo ki: Aha/ ḵara/ dina gwo ibwa mo ba/ mmodaḵa ris buŋgwar is ’kup̱ mo haali/ mony’cesh a’di ’tu’dkunu ki piny piny ki mo ma bujur gi uni mo. Hili mo mo ma, aha/ mina ’ce’d uni sho’k nyaḵki mony’ceshi lu/ mo.

Uḵi /e is pini adhana ḵur yi’de/ ’pena cwa jin wana e ki ṯu’b mo dhali /e mini thoson bwaŋ gu’b e bwaman ma ḵur mo dhali /e mini gwa’c a’di bwaman dhali ’ko’d gwar ka ’cesh jin deḵadeḵ jin ta’da jillo mo.

Dhali Arumgimis mishki mony’cesh mo dhali hili mo mo ma, a’di p̱u/ki’d mo haali/ aris buŋgwar isi ’baar p̱u/ki uni isiny cine/ mo e bway buni jin iina uni ap̱o/ mony’cesh mo.

Dhali ’peni aris to kun ’ko ki e kun ta shuman is mo tani /e mini ’doyi uni ka susu/ susu/ aris uni kun ’kona e ki she/ ki she/ mo e bwaa ḵur mo mmodhu uni ki e nyaḵki /e mo uni gun ta gwasan dhali kuman mo.