Populære bibelvers fra Génesis 6

Del

Saymi runata kamashqanpita TAYTA DIOS fiyupa pësakushpan nirqan

TAYTA DIOSMI rikarqan runakuna pasaypa jusalikular kawayashqanta. Paykunaqa shonqun munashqanno jusalikuyänalanpaqmi yarpäyaq.

Noétami isanqa Tayta Dios ali nawinpa rikarqan.

Kaychömi qelqaraykan Noé imano kawashqanpis. Runakuna jusalikur kawayaptinpis Noéqa Tayta Diosman yärakur pay munashqannömi kawarqan.

<<¿Imapaqraq kay pasacho runata kamaykarqäpis? Kananqa lapan runakunatami ushakäsishaq. Saynöpis lapan uywakunata, pachalanpa, lätaypa puriqkunata y pajaqkunatapis ushakäsishaqmi>>.

Kay pasacho runakuna askaman mirayaptinmi warmi surinkunapis aska kayarqan. Saymi Tayta Diospa wamrankuna rikayarqan runakunapa warmi surinkuna kuyaylapaq kayashqanta. Paykunapitami munayashqanta warminkunapaq akrakuyarqan. Saymi TAYTA DIOS nirqan: <<Manami runakuna imayyaqpis kawayanqasu. Ushakaqlami paykuna kaykäyan. Saymi imayyaqpis kawayänanpa trukan pachak ishkay chunka (120) watalana kawayanqa>>. Diospa wamrankunawan runakunapa warmi surinkuna täyashqan wisanmi sikasaq runakuna kay pasacho kawayarqan. Say unay runakunami selläma mentädu y kalpayuq kayarqan.

Tayta Dios nishqannölami lapantapis Noé rurarqan.

<<Kay pasacho lapan runakunatami ushakäsishaq. Paykunami jusayuq kaykäyan kay pasacho wanusinakuy kananpaq. Sayno kayashqanpitami kay pasacho kaqkunata chipyaq ushakäsishaq.

<<Sayno kananpaq kaykaptinqa aska cuartuyuq jatunkaray arcata weqiyuq qerupita ruray. Yaku mana yaykunanpaq uchkunkunata jananpa y rurinpa breawan lutanki.

Maysaychöpis runakuna jusalikuylaman uman churakash kaykaqta rikarmi Noéta Tayta Dios nirqan

Saynöpis arcaman yaykasinki kay pasacho kaq tukuy niraq uywakunata chinan orquta, qamkuna salvakuyashqaykino uywakunapis salvakuyänanpaq.