Populære bibelvers fra Génesis 15

Del

Sayno nishqanta Abram criyiptinmi jusaynaqtana TAYTA DIOS chaskirqan.

Saypitanami TAYTA DIOS revelacioncho Abramta nirqan: <<Abram, ama mansariysu. Noqami sapäshuqniki escüdu kaykä. Qammanmi bendicionnïta churamushaq>>.

Saypita Abramta waqtaman pushaykurmi TAYTA DIOS nirqan: <<Jana pasata rikay. ¿Qoyllarkunata yupayta kamäpakunkiku?>> Saypitanami nirqan: <<Saynömi qampita miraqkunapis yupayta mana atipaypaq kayanqa>>.

Sayno niptinmi TAYTA DIOS nirqan: <<Manami ashmaynikisu imaykaykiwanpis quëdanqa, sinöqa kikikipa surikimi>>.

Say hörami TAYTA DIOS nirqan: <<Qampita miraqkunami chusku pachak (400) wata juk markacho jäpa runakunapa ashmaynin kar nakayanqa.

Sayno niptinmi Abram nirqan: <<TAYTA DIOS, suriynaq kaykaptïqa imaykatapis walälachir qomanki. Wanukuptïqa Damascupita ashmaynï Eliezerlachir lapan imaykäkunawanpis quëdanqa.

Say junaqmi Abramwan pactuta rurar TAYTA DIOS nirqan: <<Kay taykashqayki partita qampita miraqkunatami qoykushaq. Lindërunmi kanqa Egipto mayupita Éufrates jatun mayuyaq.

Chusku pachak wata päsarkuptinnami qampita miraqkuna kay taykashqaykiman kutiyämunqa. Kutiyämunanpaqqa kaycho taykaq amorreo runakunapa jusankuna seqaypa poqushnami kaykanqa>>.