Populære bibelvers fra Matey 18

Del

Quꞌn jaꞌ nkychmome kabꞌe mo oxej kyibꞌ tiꞌj tumil nbꞌiꞌy, loqiꞌn intin kyxol, chi Jesús.

Ex ikyxjo kxel nqꞌmaꞌn kyeꞌy, qa at kabꞌe kye tzaluꞌn twutz txꞌotxꞌ, xbꞌant tiꞌj tuꞌn, tuꞌn t-xi kyqanin te nTatiꞌy toj naꞌj Dios jun tiꞌ, aꞌlchaqx kye kyajtza, ex ktzajil qꞌoꞌn kyeꞌy tuꞌn.

Tzaj ttxkoꞌn Jesús jun tal kꞌwal, ex kubꞌ twaꞌbꞌin qxola, ex tzaj tqꞌmaꞌn: Twutzxix kxel nqꞌmaꞌn kyeꞌy, qa mi s-ok kyanmiꞌn tzeꞌn tanminjo tal kꞌwal lo, a manyor tal mutxin, nlayxpen chi okxtza toj Tkawbꞌil Dios toj kyaꞌj.

Tuꞌnpetziꞌn, atzin te nim tokliꞌn toj Tkawbꞌil Dios, a kꞌwel tmutxsin tibꞌ tzeꞌnku tal kꞌwal lo.

Tuꞌnpetziꞌn, ankye kxel kꞌmonte jun tal kꞌwal tzeꞌnku lo, noq tuꞌn tnimbꞌil tiꞌj nbꞌiꞌy, nyakuj ayiꞌn kchin xel tkꞌmoꞌn.

Ex twutzxix kxel nqꞌmaꞌn kyeꞌy, qa ma kotpitjo xjal tuꞌn toj kyil, noq tuꞌn ktqꞌmaꞌbꞌila tzaluꞌn twutz txꞌotxꞌ, ex aj kyok toj paꞌbꞌin twutz Dios toj kyaꞌj, kchi kotpajil te jun majx. Ex qa mi xi kynimin a ktqꞌmaꞌbꞌila, ma chi kꞌlet tuꞌn kyil tzaluꞌn twutz txꞌotxꞌ, ex aj kyok toj paꞌbꞌin twutz Dios toj kyaꞌj, kchi xel toj najin te jun majx.

Atzaj teꞌ tbꞌaj yolin Jesús tiꞌjjo techil lo, xi tqꞌmaꞌn: Ikytziꞌn kchi tenbꞌilajiꞌy tuꞌn nTatiꞌy toj kyaꞌj, qa mina xkubꞌ kynajsiꞌn til jun kyukꞌiy tukꞌa tkyaqil kyanmiꞌn.

Noq alkye jun xjal ntjyoꞌn tumil tzeꞌn tten, tuꞌn tel tpaꞌn jun tal kꞌwal tibꞌ tiꞌj tnimbꞌil wiꞌja, junxpetla tzꞌele te te, tuꞌn tok kꞌlet jun ma tij abꞌj te chebꞌl triy tiꞌj tqul, ex tuꞌn t-xi t-xoꞌn tibꞌ toj aꞌ, tuꞌn tkyim te jun majx, tzeꞌnkuljo tuꞌn tokx toj paꞌbꞌin twutz Dios tukꞌaꞌ til ikyjo.

¿Tzeꞌntzin chꞌin kye toj kywutz? Qa at jun xjal at jweꞌ kꞌal trit, ex qa ma kyij naj jun, ¿Ma nyapela kchi kyjel tqꞌoꞌn bꞌeljajlajaj toj jweꞌ kꞌal twiꞌ wutz, exsin kxeꞌltz jyol teꞌ a otaq kyij naj?