Populære bibelvers fra Johane 6

Del

Jesu watsi kubo: “Mine ngisinkhwa sekuphila, lowo lota kimi, angeke alambe; nalowo lokholwa ngimi, angeke aphindze ome.

Lokunika imphilo nguMoya; inyama ayinamsebenti; emavi lengiwakhuluma kini anguMoya, futsi akuphila.

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

Ngobe loko kuyintsandvo yaBabe kutsi, bonkhe lababone iNdvodzana, base bakholwa kuyo, babe nekuphila lokuphakadze; mine-ke ngiyawubavusa ngemhla wekuphela.”

Jesu wabaphendvula watsi: “Umsebenti waNkulunkulu kutsi nikholwe nguye lamtfumile.”

“Konkhe langipha kona Babe kutawuta kimi; lotako kimi, angeke ngimlahlele ngephandle.

Simoni Phetro wamphendvula watsi: “Nkhosi, singasuka kuwe siyephi? Ngobe emavi ekuphila lokuphakadze akuwe.

Mine ngisinkhwa lesinekuphila lesehla ezulwini, umuntfu nakadla lesinkhwa uyawuphila ingunaphakadze. Futsi-ke lesinkhwa, lengitasinikelela kuphila kwelive, siyinyama yami.”

Kute umuntfu longeta kimi nangabe Babe, lokunguyena angitfumile, angamdvonsi. Ngemhla wekuphela mine-ke ngiyawumvusa aphile.

Ngobe sinkhwa laphana ngaso Nkulunkulu nguleso lesehla siphuma ezulwini, lesiletsa kuphila emhlabeni.”

Mine ngisinkhwa sekuphila.

Jesu watitsatsa letinkhwa, wabonga, wase utiphakululela laba bebahleti phansi, wabuye, wenta njalo futsi nangetinhlanti, kwaya ngekutsi basakufuna yini kudla. Kwatsi nase besutsi, watsi kubafundzi bakhe: “Butsani timvutfuluka letisele, kubete lokulahlekako.”

Bafundzi bese bagwedle emakhilometha lasihlanu nome lasitfupha ngesikhatsi babona Jesu ahamba etikwemanti, asondzela esikebheni, betfuka besaba kakhulu. Kodvwa watsi kubo: “Ningesabi, ngimi.”