Populære bibelvers fra Yokana 10

Del

Mam ekokolan ebuni atai dimarai akoko, ka aiar, ka amunaar da; abu eoŋ kabu tetere ejaunete kaijar, ejaunete da kanaedeparit.

Arai eoŋ ekecokon lokajokan. Einakini ekecokon lokajokan akeijar kanuka amerekekin.

Iirarete akamerekekin ekaporoto, ajeni kes, kes da katupito eoŋ

ainakini kes aijar naka ikar kere, mam cut eoliorete, kwabo emamei ituŋanan yeneurupoori kes kakanika.

Arai eoŋ erute; arai kitoro ituŋanan mamakaŋ, itajario, elomari ka alomun, edumuni da erony.

Arai eoŋ ekecokon lokajokan; ajeni ŋun nueraas nukaŋ, nukaŋ da kajenete eoŋ

Papaka lokainakini ŋun erai lokapolon aitelekarit kere, kwabo emamei ituŋanan yenepedori aurupoor kes kakan naka Papaka. Kirai eoŋ ka Papa ipe.”

kwape kajenia Papa, eoŋ da ajeni Papa; ainakini akaijar kanuka amerekekin.

Emamei ituŋanan yenikademari, konye ejaikini eoŋ elopet. Ejai eoŋ apedor naka aijaikin, ejai da apedor alemun bobo; adumunit aicorakinet na kama ejai Papaka.”

Kolimok Yesu kes bobo ebe, “Abeit, abeit, katemari yes atiar, arai eoŋ erute loka amerekekin.

Etuŋanan loeropio, lomam erai ekecokon, amerekekin da mam eraas nuke, eanyuni epeet ebuni, inyeini amerekekin, ekeri; ikami do epeet kes, isiarakini.

“Abeit, abeit, katemari yes atiar, yenimam itori orute elomari anuk naka amerekekin konye kodoka kamace, erai ŋin ikokolan ka ikaŋatan da