Populære bibelvers fra Ageun 17

Del

Nakeraar Aburam loka ikar akaisakanykaoŋon ka lukanykaonon, kitaanyikin Edeke Aburam, kobala ebe, “Bon Edeke Lokapedor kere, kolosenenei kakonyeneka, koluor ekadoliton.

Mam bobo kinyaritai ekonikiror Aburam, konye eraun do ekonikiror Aburaam; naarai ketuluo jo papa loka atekerin nuipu.

Etogogoŋi da akaitutuket eoŋ ka jo ka akoniwur naetupanakini, anatar aturioke kere, araun aitutuket namam enaŋi, araun Edeke kaneijai ijo ka akoniwur da naetupanakini

“Eoŋ da, koany, ejai aitutuketeka kajo, iraun ijo da papa loka atekerin nuipu.

Kotema Edeke atiar, “Mam, konye kiwurikin Sara aberukon ikoku; imaikini ijo da ekekiror Isaak; ka eoŋ da etogogoŋi akaitutuket kaŋes araun aitutuket namam edaun mama ejai aurike naetupanakini.

Ido kainakin jo ka akoniwur naetupanakini akwap nakiloseneneo, akwap kere naka Kanaan, airum ikar kere; Eoŋ da araun Edekekec.”

Kopaari Aburaam aibirokin ebuburia, kokieni, kinera kotauke ebe, “Euruuni nopenol ikoku loadau ikar akwatat? Ido ka Sara da naadau ikar akaisakanykaoŋon, eurie?”

Kotema Edeke Aburaam atiar, “Akoniberu Sarai, mam bobo inyarit ekekiror Sarai, konye Sara ŋes do ekekiror.

Ido kikepeneneo amuny naka ekiliokanekus; eraun da nin aanyunet naka aitutuket kidin eoŋ ka yes.

Konye etogogoŋi akaitutuket kama ejai Isaak, lokiwurikini Sara kapak kanapekana kokaru kaloebunit.”

Ekepeneneo kotomakus yenedaunit apaarasia akanykauni; noliklliokit kotoma aturiokus, loewurikinio okal, ka ŋol da lokitwegelete imo kapesan, lomere loka aurikon. Loeurio kokalekon, ka ŋol da loegweleneneo kapesanakon, ibusakinit akepio. Ejaununei da akaitutuket toma awatekus araun aitutuket namam edaun.