Populære bibelvers fra Luke 22

Del

‘ပၢ်ဧၢ’ အဝဲဒၣ်စံးဝဲ ‘မဲၢ်ဘၣ်နသးလါဟံးကွံၤနလ့ခီအံၤလိယအိၣ်တကဲၢ်. လၢၤဘျီး, တမဲၢ်ယသးဘၣ်. မဲၢ်နတၢ်ဘၣ်နသးလိဘၣ်တၢ်မၤလိထီၣ်ပှဲၤထီၣ်အီၤတကဲၢ်.’

လၢၤဘျီး ယဘါထုကဖၣ်ပၤစၢၤဝဲလိ နဂီၢ်, စီၤရှံမိၣ်ဧၢ ဒ်သိး နတၢ်စူၤတၢ်နၤဘၣ်တဟးဂီၤတဂ့ၤအဂီၢ်လိ. ဘျီးဖဲနဃၣ်ခွိၣ်ခံဂ့ၤနသးလိ ယအိၣ်နဲၢ် နကဘၣ်ဟ့ၣ်ဂံၢ်ဟ့ၣ်ဘါ နထီပုၢ်ဝဲၢ်တလိၣ်လိ.

အဝဲနံၤဝံၤအလီၢ်ခံ, အဝဲဒၣ်ဟံးန့ၢ်ကွိၣ်, စံးဘျုး စံးဖှိၣ်ကစၢ်ယွၤစိၤပလ့းဝဲ, ဘျီး ဟ့လီၤအီၤလိ အဝဲဝီၤ အအိၣ်ဘျီး စံးဝဲ, ‘အဝဲအံၤမဲၢ်ယနီၢ်ခိလိ အဘၣ်တၢ်ဟ့လီၤအီၤလိ သုဂီၢ်လိ.

မၤတၢ်အဝဲအံၤလိ တၢ်သ့းနီၣ်ထီၣ်ဂ့ၤယၤအဂီၢ်နဲၢ်တကဲၢ်.’ ဒ့းန့ၤအသိး, ဖဲအအီၣ်တၢ်လိ ဟါအီၣ်ဝံၤနဲၢ်, အဝဲဒၣ် ဟ့လီၤအဝဲဝီၤလိ လ့ခီဘျီး စံးဝဲ, ‘လ့ခီအံၤမဲၢ်ကစၢ်ယွၤအတၢ်အၢၣ်လီၤအီလီၤ အသီလိ အဘၣ်တၢ်မၤနီၣ်ဃၤအီၤလိ ယသွံၣ်, လိအဘၣ်တၢ်လူလီၤဂၢ်လီၤအီၤလိသုဂီၢ်နဲၢ်လိ.

လိတၢ်သူၣ်ကွိၢ်သးဂီၤဖးဒွိၣ်အပူၤ, အဝဲဘါထုကဖၣ်တၢ်လိ တၢ်ပၤအသးအပှၢ်ပှၢ်အပူၤ, ဒွိၣ်နဲၢ်အလီၢ်လိ, အဝဲဒၣ် အကပၢၤယွၤလီၢ်ဒ်တၢ်သွံအလီၤစီၤတလိၣ်အသိး, လိဟီခွိၣ်လိၤလိ.

လၢၤဘျီး သုဝဲတလိၣ်, သုတမဲၢ်ဒ့းန့ၤအသိးဘၣ်. မဲၢ်မဲၢ် ဘၠီၣ်အဒွိၣ်ကတၢၢ်လိ သုကျၣ်ကဘၣ်မဲၢ်ဝဲဒ်ဘၠီၣ်အသးကတၢၢ်တဂၤအသိး ဘျီး ဘၠီၣ်အခွိၣ်ကဘၣ်မဲၢ်ဝဲဒ် တၢ်ခ့တၢ်ပှၤတဂၤအသိးနဲၢ်လိ.

ယ့ၣ်ရှူးစံးဆၢဝဲ, ‘ယစံးဘၣ်နၤ, စီၤပ့းတရူးဧၢ, ကဲနၤနဲၢ် တချုးနလိယၤသၢဘျီးဒံးဘၣ်နဲၢ်ဆီဖါ ကီၢ်တအွိးအွိၣ်ဘၣ်ဝဲဘၣ်.’