Populære bibelvers fra Yohaannisi 16

Del

Waan malla sede ishina' lele, akka anan caattan ka nakayta qapnaattan malla. Haka' piita qara kittaneti'i rakkoota ishin qaraayye ca; ma xoori in fuuran, anti in piita puteey.”

Hapurase a dukaata oto de'ooyye, qinda dukaata piisa opa ishinan aana. Isha wa dakaye diisheey, qoota wa mattaadi' haasawanni in kinnin malla. Isha wa itturopa kodda'e ishina' lela.

Haka ammati we takkan nefo maxxiyyon a qinsanne, qinsada i'ishina' daasamtaay, xasoottaayshin ka immakkoota koddaay.

Anti xoori, dukaatannen ishina' kiini, antiyyo ishina' wayyi. Oton anti an anniniiyyi xasa oorissampaytase ishin kapopa in de'o. Oton xoori in aanaayye, ishan ishina' erka. Isha oto de'ooyye, qoota juppoota ka a hanqeelluma isho a firteetati desa orra piita' laka sooksha.

Asseew ishina amma inynyarrahanittan, ma xoori anti lammatta'en ishin akka, karittaayshin ka xasooda; umma nama xasoottaayshin ishin qara qeedo in co. Awwsetiiyyi, we takkan nefo ana qaraayye a' qinsattan. Anti dukaatannen ishina' kiini, kati maxxiyyon Waaqa Aappa qinsannittaneeyye, we piisa ishina' daasha.

Anti dukaatannen ishina' kiini, ishina ippooytan ka ulluptan, piita xoori ixasootta; ishina inynyarrahatan, ma nyarrahataayshin xasopa pursamta.