Populære bibelvers fra Amatayo 5

Del

Na bhandu ngajaakiha taa na kujibheka pachitombenga. Badala jabhe bhakalubheka lumuli kunani kundepela, na jenejo jikamulikila kwa bhandu bhoa mu nyuumba jela. Hela hela, lumuli gwinu gumulikile nnoongi ja bhandu, ili bhapate kugabhona mahengo ginu gammbone, bhaalumbalile Atati bhinu bhabhabhii kunani kulihunde.”

“Mwangota nga lumuli lwa chilambo. Mwangota nga handa nyuumba jijichengikwe nnani ja litombi ngakomboleka kuchiiya.

Bhapakuachukanga bhabhabhilinge na ntima gwa kualala, kwa kubhee bhapakwaabhona Annoongo.

Bhapakuachukanga bhabhapalanga muno kutenda gabhagapala Annoongo, ligongo Annoongo bhapakwajangatilanga kutenda henela.

Nambo nenga ndendakunnobholelanga, mwaapalange akaapwati bhinu na kwaajopelanga kwa Annoongo bhabhampotekanga mwangota

“Bhapakuachukanga bhenibhala bhabhaalolea Annoongo, kwa kubhee umwenye gwa Annoongo nga gwabhenji.

Bhapakuachukanga bhenibhala bhabhakamuanga bhandu, kwa kubhee bhenabho bhapakemwa bhaana bha Annoongo.

Bhapakuachukanga bhenibhala bhabhaumalanga nangocheni kwa kubhee Annoongo bhapakwaapembelea.

Bhapakuachukanga bhabhapotekwa ligongo lya kutenda gagapalikwa na Annoongo, kwa kubhee umwenye gwa kunani kulihunde nga gwabhenji.”

Bhapakuachukanga bhenibhala bhabhakolela kia bhangi, kwa kubhee Annoongo bhapakwaabhonela kia.

“Ntekuachukanga mwangota handa bhandu bhapakuntukananga, kongo bhabhi kunnagianga na kumkopokeanga kila namuna ja ubhou ligongo lya nenga. Nhachukange na kuhangalala kwa kubhee ngwahupa jinunji nga ngolongwa kunani kulihunde. Henela nga chibhakaatendelanga akaalondoi bha Annoongo bhabhakibha tangu ja mwangota.”

Bhapakuachukanga bhabhabhii bhakutongamanika kwa kubhee bhapakwapekeanga chilambo chibhee chabhenji.

“Mwangota nga ngeleka pakati ja bhandu pachilambo. Nambo ngeleka handa jihobhite kunong'a kwabhe jipakunong'ea niki? Ngapalikwa kabhele, nambo kujijea panja na kulebhatikwa na bhandu.”

Bahi, mmangange bhandu mwangalemwa handa Atati bhinu bha kunani kulihunde kwa Annoongo chibhabhile bhangalemwa!”

Handa mpakulobhola, ‘Elo,’ bahi jibhee, ‘Elo.’ Na handa mpakulobhola, ‘Ngabha’ bahi jibhee, ‘Ngabha,’ choha chela chipakupunda genago kubhoka kwa bheni bhala Abhou.”

Ayesu akapunda kulongela, “Ntekujohanga yakubhee jikalobholekwa, ‘Lio kwa lio, na lino kwa lino.’ Nambo nenga ndendakunnobholelanga, nkotokummujikia chikubho amundu abohu. Mundu handa ampotite lijegwa lya kunnelo, mumtendebhukie kabhele lijegwa linu lya kunchiji.

Bahi, handa lio linu lya kunnelo handa lunyambwie kutenda mabhou, mulibhoe na mulijee kutali. Mbaya muno kwaachinu kuchihobha chiungo chinu cha mmele gwinu, kuliko mmele gwinu goa kulekelekwa mu litanda lya mooto gwangahimika machobha goa. Handa lubhoko lwinu lwa kunnnelo lunyambwie kutenda mabhou, muluhekete na kulujea kutali. Mbaya kwaachinu kuhobha chiungo chimo cha mmele gwinu, kuliko mmele gwinu goa kujingila mu lihembo lyangapela.