Populære bibelvers fra Lukah 7

Del

Rangu pakalung: ɗa doku-jalana na mawinni nei ɗama ɗangu, hiɗa mapoahi-poɗahung, kaɗang napanamunguna nama ɓakul napalanga patekana lahi Nyouwa! Natou napapoahi-poɗahu hakuɗuk ɗa doku-jalan, hakuɗuk ʄellana napanamung.” Manga hi Yehu winanya na mawinni nou, “Ɗa doku-jalamu Kupoahi-poɗahgujak.”

Jiaɗinguka hi Yehu winanya na mawinni nou, “Kaɗang ou amu wai-Ga, ouwu pamanumarawuka. Muhalaku wainguya moili ati!”

Nangoɗu panyuka ta kaɗeangana hi Yehu ta lihi wihi-Na ana hou, hina pabahanaja ɗa wihi-Na hi Yehu waingu wei matana. Manga napoahiha waingu loagina hina ngiɗihunaja ʄaka naɓurinaja minya mawou momar.

Jaka daku tarabani ʄellamangu pahagaGu, Ama. Muwoakaɗing patiki hakawoɗu, kana teggahu na atagu. Touʄellana nyouwa kumokul ta mapareaha barra ɗeaha, ʄaka nama ta wawaguja ɗamokul ʄellanya napareahagu. Ak paleawakayaka hatou na ʄawa-bani, ‘Halaku!’ enga halakun. Jaka awigukak ta tou hawanguk, ‘Mai nim!’ enga aminya. Jaka touʄellana ak paleawakayaka na atag, ‘Muwoluya nei!’ enga wolunanya.” Hi Yehu nakaɓarra ɗenganya ana ranguya napatikina na ʄawa-bani nou, nagilak ta tou ɗangu ɗama keri-Ya ʄaka hiwina, “Dapamaɗolu waingumaya natou nei laka da tou Ihraelɗiya. Ta joanga tou Ihrael daɗi kureggahingmah na manninguna nama kullih mearang natou nei!”

Ta rahi nou, hi Yehu napateggahuha ɗa tou ɗangu waling ta kadaukuɗa, hina wurutuja ɗa waddi tana, ʄaka napa ita ɓaliha ɗama kaboala. Nagapiya hi Yehu, “Miɓaliyaya lahi Yohanih kaim peakanya gananya naparangumi ʄaka napa itami: natou kaboala na ita, natou kalikku nahalaku, natou katobu napijal, natou kawanga narangu, natou mati namorik ɓali, ʄaka na Lii Kalung waling lahi Alla napatomanya ta tou milla.