Populære bibelvers fra Marc 13

Del

Shi voi va s-hits aurats di tuts di itia a numãljei a mea, ma atselu tsi va sã aravdã pãnã tu soni, va s-hibã ascãpat.”

Bãgats minti, s-hits dishtiptat shi pãrãcãlsits-vã, cã nu lu shtits cãndu va s-hibã oara.

Tora cãndu va v-aducã s-vi prida, s-nu avets gaile di manãinti trã atsea tsi prindi s-dsãtsetsã shi s-nu mintuits. Ma dsãtsets tsi vã yini tu minti tu oara atsea, cã nu hits voi tsi grits ma easti Duhlu Sãmtu.

Tserlu shi loclu va s-treacã, ma zboarili a meali nu va s-treacã.”

“Cãt di atsea dzuã shi di atsea oarã, nitsiun nu lu shti, nitsi anghilji dit tser, nitsi Hiljilu, ma mashi Tatãlu.

Ma cãndu s-avdzãts si zburãscu di alumti shi di hãbãri di alumttã, nu vã cutrimburats, cã aesti lucri prindi si s-adarã, ma nu va s-hibã bitisita.

S-hits dishtiptats, cã nu lu shtits cãndu va s-yinã domnulu ali casi, seara ma njeadzãnoapti, cãndu cãnti cucotulu, ma dimineatsa. Elu turnãnda niashtãptat, s-nu vã aflã tu somn. Tora, aestã tsi vã dzãcã a voauã, lu dzãcã a tutulor: S-hits dishtiptat!”

Va sã scoalã natsiunea contra a natsiunãljei, amirãriljea contra a amirãriljei, va s-facã cutremburi pri multi locuri, va s-hibã jeali di pãni. Atseli lucri va s-hibã ahurihirea a durearilor di amintari.

Ma nãinti prindi tsi s-hibã predicatã evanghelul la tuts oaminjli.

Cã va-s yinã multsã pi numa a mea dzãcãnda: ‘Mini escu Hristolu.’ Shi va si s-arãdã multsã oaminj.

Cãshtigats-vã ti bana a voastrã! Cã va vã prida la giudicãtorlji shi va vã batã tu sinagogã. Va vã scoatã nãinti a guvernatorilor shi amiradzilor di itia a mea tsi s-mãrtirsits nãinti a lor.

Cã va s-aspunã hristoshi arãdioshi shi prufits arãdioshi tsi va s-facã semnji shi thavmati tsi s-arãdã, ma s-poatã shi aleptsãlji.

“Ma tu atseali dzãli, dupã atsea munduiri, soarili va sã scutidiseascã shi luna nu va s-da anghilicirea a ljei, stealili a tserlui va s-cadã shi puterili tu tseruri va s-trundueascã.